kolosai 2:6 - buacou seiso no faeva esvʉtʉ

⁶ ho imueno tiova ho nooe'oca 'o kilisto iesu, temu asansana sotaica no lamu peipeis'ausna.

kolosai 2:6 ပူးပေါင်းရင်းမြစ်များ

matai 10:40

yohane 13:20

te'o bumemeala eʉsvʉta muu, namo afu'u aʉt'ʉt'ʉcʉ ta os'o popeoskuna, 'aisieno aʉt'ʉt'ʉca a'o; namo aʉt'ʉt'ʉcʉ a'o, 'aisieno aʉt'ʉt'ʉca 'omo popesmuhnu a'o ci ic'o.>

yohane 14:6

yainca to iesu: <'aeno ceonʉ, so'emio, nsou na a'o; hoci o'te ieni a'o, uk'aci te meelʉ uhto lasi yoni to amo.

kolinto 1 1:30

'o hamo isi peelʉi poa tmuteuyunu to kilisto iesu na muu, yaeza teyai moutʉs'ʉto; ieni to kilisto, mitocu meelʉ yupa toseolʉ ci natʉ'ca 'o hamo, meelʉcu cofkoya ci 'o'oko to hamo, a'vinano elʉ no ziu.

kolinto 2 5:7

maica ho mimza yaansoua. mimza noe'ocʉ no singkoo, o'aisi tamza ta isi teolʉi.

ngalatea 2:20

maicac'o, 'e mo yaansou maitan'e o'a nas'a a'o, mo yonta 'ayumona ta nsou'u 'o kilisto ho yaansoua. ho mi'o yaansou maitan'e, mo i'mi no tmaa'uzo to oko to hamo ho yaansoua; isi ngohia a'o, nomio a'o ho ciha 'o nsousi.

ngalatea 3:26

mimu acʉhʉ i'mi to hocu tmucni 'o kilisto iesu, meelʉcu tma'oko to hamo.

'epeso 4:1

ko'koeno, te'o poucufna muu - mi'o i'mi no fifiho to nooe'oca ho noa poekotva - na lamu peipeis'ausna ntemu acʉha poa toseolʉ to ohsi p'eyac'a to hamo ci huomza ho ohsila eoho'a muu.

pilipi 1:27

ina te sotva'esa zou: na h'oyunsovamu la poa toseolʉ to fukuin to kilisto. maicac'o, 'upena hoci'u o'te meelʉ baito muu, te'oc'o acʉha cohivi lamu yaa totiski cite mituhci, mahtʉicʉ ho o'te aezuhu, tohmʉskʉ ci 'tohʉngʉ toteuyuneni na tonʉ ho nomio no singkoo ta fukuin ho 'aanana'o ehtothomʉ.

kolosai 1:10

maicac'o, ina h'oyunsovamu tec'u meelʉ toseolʉ no 'tohʉngʉ to nooe'oca, aa'pucva poa ʉm'ʉmnʉaneni. a'vinano, te meelʉ yonta h'oyunsovamu ho beahci no mo mav'ov'o yonghu ci beahci, na hia bohngʉ to hamo te maezo apuhngu.

kolosai 3:17

'upena hoci cuma nala hioa, cuma nala e'e, temula aa'pucu boemi to ongko to kilisto, ieni to kilisto ho 'aveoveoyʉ to hamo.

tesalonike 1 4:1

ataveisi, maanat'ohaesa, mimucu meelʉ momaemaezo a'mi ho yono h'oyunsova ho cohivi nate hia noa so'eʉ'ʉmnʉa to hamo - a'ʉmtʉsi, mimu apaezumo maica; maitan'e temia epici to ongko to nooe'oca iesu ho poucufna muu, temu'sola asuhcu bitotonʉ.

hevulu 3:14

hocito peelʉi amamahtʉica na nia ahoi singkoo, o'te avaevoezuhu, 'amitocueno toehungu yaahioai 'o kilisto.

yohane 1 5:20

ito cohivi, micu cmʉ'ho 'o oko to hamo, a'vinano pafi no toutʉs'ʉ na a'to, ko'ko poa bohngʉ to a'ʉmtʉ hamo na a'to. mito no'ayumonʉ no nsou to a'ʉmtʉ hamo. 'aeno 'ayumona to nsou to okosi iesu kilisto. zou a'ʉmtʉ hamo, 'aeno 'auesiesi ci nsou.

yuta 1:3

ngohia ci maananghia, la'u conino mici tengami muu ho yue'engha 'emo yaa natʉ'ca to to'usnu a'to ci a'a'ausna, at'inghi os'o yainca no koyu'u nte ʉmnʉ hoci'u aupcieva mi'usni muu ho eucufna, poa a'cʉ'cʉnʉ nomio to isic'o i'nʉska aucunva pa'cohivneni ta masisinto to hamo ci singkoo ho ehtothomʉ.