kolosai 2:4 - buacou seiso no faeva esvʉtʉ

⁴ ho os'o e'e eni, temu o'te noa boemi no ecocohʉmʉ ci e'e ho e'usna nomo emopeu ci ceonʉ.

kolosai 2:4 ပူးပေါင်းရင်းမြစ်များ

matai 24:24

maica tec'u yuyafo 'o mekikilisto ho meyoyongensa, tahe hioa na meoino peispopo'e ho poa ma'pepecvai 'e cou; hoci peelʉi, ac'ʉha no paspepecvazi 'e ohsila epeiya to hamo ci mao'o'okosi.

matai 24:4

yut'inga to iesu:

maluko 13:22

maica tena yuyafo 'o mekikilisto ho i'o meyoyongensa; tena peispopo'e, pnanfi na tehe peelʉi ho peknui 'e ohsila epeiya to hamo ci mao'o'okosi.

sitoo 20:30

ac'ʉhʉ ta 'ayumonamu, te maezo yuyafo ho buusumsu ho meknuyu, eepecvai to sinto ho poa to'ofeihni.

kolinto 1 2:4

i'o os'o engha ci e'e, psoyaska ci fukuin, acʉhʉ o'amos'a boemi no evaknoknon'i ho emau'to'tohʉngʉ ci e'e, mamo noe'ocʉ to tonʉ to seilei ho soomei,

kolinto 2 11:3

os'o ta'sokoeva na 'tohʉngʉmu hoci mi'usnuhe nomo kuzo, ciha na ma'mamhocni ho cofkoya ci himngonghi to kilisto, totiski to 'eva ne moso noa pa'hipepecvazi to moezʉezʉhʉ ci fkoi.

ngalatea 2:4

at'inghi pantomo mesisinto ci cou, aasoe tma'ayumonʉ ta kiokai, 'ucia poa tiou to s'e'honga; 'emo maica ci cou la mais'a supai ho oh'ayumonʉ, lahe huafeozi na imza yaa ci ziu ho mimza tmaa'uzo to kilisto iesu, lahe akoevano 'ucia tolei a'mi.

'epeso 4:14

maicac'o, nianteto o'te i'vaho mais'a foinana, mumzo to moezʉezʉhʉ ho meknuyu ci la buoyoifo ta cou, fiho tomo mav'ov'o ci motposʉ ho meavaevoezuhu.

'epeso 4:17

maitan'e te'o epici to ongko to nooe'oca ho aʉ'ʉmta eucufna muu: 'otenala i'vaho maito lahe h'oyunsova to couyafana. la ma'ankʉ 'o koyuhe,

'epeso 5:6

'ote noa peknui to lac'o e'ankʉ ci cou. 'amoeno aʉlʉ i'mi tamo maica ci hi'hioa; te cmʉ'ho to feango tola yutasufku ci cou na sʉ'no to hamo.

kolosai 2:18

teav'a poa ti'eingneni tola mais'amo afnaso smo'eumcovhi, meeeinu ho m'ohkuyu to tensi ci cou na ntohmu yaa ci hnoo. lac'o fiho ta ma'ankʉ ta cou, aha'o na'no bobitano.

kolosai 2:8

temula bumemealʉ, teav'a poa e'eʉngceni ta mo sveepʉ ci motposʉ; maica 'emo maica ci motposʉ, lac'o psoecingcingha ta cou, mo i'tohungu ta nana'so moipiepiya no macocongeoha ta mouhpʉhpʉngʉ, o'a mo i'tohungu to kilisto.

temote 2 2:16

la totoefʉngʉ tola eloʉngʉ ho e'ankʉ, maica 'emo maica ci e'e lac'o poa ausuhcu emomcovhi to hamo 'e cou;

temote 2 3:13

i'ola kokuzo ci cou ho i'ola lolekoknuyu te huhucmasi ausuhcu kuzo; la meknuyu to mocmo, lea maezo noa peknui.

yohane 1 2:18

mao'o'oko, na puesona ta hpʉhpʉngʉ tec'u esmi! ohmula tac'ʉhi te cmʉ'ho 'ote mihango to kilisto; maitan'e 'o botngonʉ ci hangʉ to kilisto micu biyoyafo, i'mitan'e tetocu cohivi tec'u esmi na puesonasi.

yohane 1 2:26

ho os'o tposi 'emo maica ci hi'hioa. os'o pas'usna tola mici meknuyu muu ci cou ho engha.

yohane 1 4:1

songohia ci maananghia, mi'usnu tola invonvo mainca mio yaa seilei, o'atemu acʉha taa'uzva, conino hʉsvtana'a na piepiyahe mio nana i'mi to hamo, maica micu yaa botngonʉ ci meyoyongensa mo nongabo yuyafo.

yohane 2 1:7

botngonʉ ci totpiei micu nongabo ta hpʉhpʉngʉ ho aut'ot'ou, lahe apa'ta peecveni 'o hi'hioa to iesu kilisto ho mosola a'ʉmtʉ ohpueho ta hpʉhpʉngʉ. 'emo maica ci cou zou totpiei, la mihango to kilisto ci cou.

mokusi 12:9

'o meoino long isicu topeohneni; 'aeno 'o ohola yainca fkoi noana'o, 'o ongkosi zou 'akuma hocieno satan, la maspepecvai ta yatatiskova. mo noa topeohneni ta ceoa; isi yaeza topehneni 'o soskuskunusi.

mokusi 13:8

'e afu'u yatatiskova ta ceoa, to auyusi no teyai 'e hpʉhpʉngʉ, 'o ongko to afu'u o'a oho tposi to tposʉ no nsou to oho opcoza ci okomoatʉ'nʉ, te acʉhʉ m'ohkuyu ta yuansou.

mokusi 20:3

isi to'seni to uk'a puesona ci mʉ'eona to tensi. poekotva, topuhngi to toopca, poa o'tena maspepecvai ta mauhpʉhpʉngʉ, ac'ʉhʉ ho tenac'u nopaezumi 'o toposifou. ataveisi no noc'ʉhi, tena akameosa poesih'a.

mokusi 20:8

tesi usa ho pa'hi'povi 'o mauhpʉhpʉngʉ ta aukukuyungu, 'ai'oeno kooko ho i'o maako. tesi e'pʉ'pʉya to satan, yuyafo ho ehtotothomʉ; 'o hiahe botngonʉ mo mais'a 'o efuefu'u to aaskiti to etʉpʉ.