kolosai 2:23 - buacou seiso no faeva esvʉtʉ

²³ ho isi huuskoskopi, 'emo m'ohkuyu no tensi, meeeinu, iachia poa 'atutumzo 'e feango, mais'a mo peismau'to'tongʉ ci hioa, hoci e'ofeihna na a'ʉmtʉsi, ieni tan'e ho 'ucia atʉkca na ma'cac'ou ta feango. uk'a ci ake'isi a'a'ausna.

kolosai 2:23 ပူးပေါင်းရင်းမြစ်များ

looma 13:14

at'inghi, temula ieni to nooe'oca iesu kilisto ho seuseu'heni 'e iachi; 'otec'ola ma'nou ma'mamso no poc'ou ci hi'hioa ta feango!

'epeso 5:29

uk'a cite himsʉ'no no iachi feango; lasi conino angongohia ho aʉt'ʉca, aʉlʉ totiski to kilisto ho lasi aʉt'ʉca 'e kiokai;

kolosai 2:18

teav'a poa ti'eingneni tola mais'amo afnaso smo'eumcovhi, meeeinu ho m'ohkuyu to tensi ci cou na ntohmu yaa ci hnoo. lac'o fiho ta ma'ankʉ ta cou, aha'o na'no bobitano.

kolosai 2:8

temula bumemealʉ, teav'a poa e'eʉngceni ta mo sveepʉ ci motposʉ; maica 'emo maica ci motposʉ, lac'o psoecingcingha ta cou, mo i'tohungu ta nana'so moipiepiya no macocongeoha ta mouhpʉhpʉngʉ, o'a mo i'tohungu to kilisto.

temote 1 4:3

lahe potani hoci yupa totovcongʉ; potani hoci bonʉ no cuma, at'inghi ho ohsi teyai to hamo 'e 'oanʉ eni 'aisieno faeni ta mo bochio no so'emio ci cou ho poa boemi no 'aveoveoyʉ ho ana.

temote 1 4:8

mioeno o'te yaa koa ʉmnʉ ho isi poa biʉsvʉsvʉtʉ 'e feango, 'e biʉsvʉsvʉtʉ ta piepiya te mav'ov'o i'ote koa ʉmnʉ suu, maica tesi hafneni no ta'usni ta maitan'e ho noana'o.