kolosai 2:20 - buacou seiso no faeva esvʉtʉ

²⁰ ho mimucueno tu'upu to kilisto ho mcoi, momeesih'i no moipiepiya ta macocongeoha, mainci mimuc'on'a fiho ta h'oyunsova ta cou, a'cʉ'cʉna noʉt'ʉci na 'emo maica ci peipeisia?

kolosai 2:20 ပူးပေါင်းရင်းမြစ်များ

yohane 15:19

honcimu tma'usnu ta hpʉhpʉngʉ, 'e hpʉhpʉngʉ 'atesi ahta o'te ngohia 'emo tma'usnu ta iachi. at'inghi, os'o i'mi ta hpʉhpʉngʉ ho epeiya muu, o'ana mimu tma'usnu ta hpʉhpʉngʉ; ko'ko ihe sʉ'nova ta yatatiskova muu.

kolinto 2 10:3

mito e'vono yunsou ta hpʉhpʉngʉ, at'inghi ina lato ehtothomneni o'a mo i'mi nomo tma'usnu ta hpʉhpʉngʉ ci 'to'tohʉngʉ.

ngalatea 4:3

totiski, ho mon'a yufoinana 'e piepiya, mito maezo tiou no lasi hia poʉt'ʉcʉ nola yainca piepiya ta mouhpʉhpʉngʉ.

ngalatea 6:14

inacu a'o, o'ate'o etanveni na mocmosi, te'oc'o etanveni 'o zuuzika to nooe'oca iesu kilisto. maica, 'e zuuzika eni, hoci e'usna a'o 'e hpʉhpʉngʉ isicu spica to zuuzika; hoci e'usna ta hpʉhpʉngʉ. na a'o isicu spica ta zuuzika.

'epeso 2:15

isi aapayo'a 'o maeesvʉta to hoolicu to yutaya, akoeva no ieni to nsousi ho poa faeva ci cou 'emo yusno suezopʉ, meelʉ suseomʉ ho noteuyunu.

kolosai 2:14

saapayo'a i'ote afu'u koa kuzo a'to, mufutu a'to ci isi tatoyangzi to hoolicu ci nia kuisi. isi spica to zuuzika ho aapayo'a.

kolosai 2:16

ko'koeno, teav'a poa ta'poe'eni to 'oesvʉtʉ no eabobonʉ, homeesia, meefeohʉ, hocieno 'ansokunici na muu.

kolosai 2:21

'emo maica ci macucuma hocic'u afu'a titha cu aepʉngʉ, maica 'ac'oeno'so 'oesvʉta ho 'oma'cohioa ta cou.

kolosai 2:8

temula bumemealʉ, teav'a poa e'eʉngceni ta mo sveepʉ ci motposʉ; maica 'emo maica ci motposʉ, lac'o psoecingcingha ta cou, mo i'tohungu ta nana'so moipiepiya no macocongeoha ta mouhpʉhpʉngʉ, o'a mo i'tohungu to kilisto.

kolosai 3:3

maica ho mimucu tu'upu mcoi to kilisto, ina nsoumu isicu a'upa soʉlʉlʉa no 'ayumona to hamo.

hevulu 13:9

teav'a poa e'ep'epveni tola mav'ov'o ci eʉsvʉsvʉtʉ. nte noe'ocʉ to mengumi to hamo, ho poa yutataso na 'tohʉngʉmu. 'ote noe'ocʉ to 'ofiha no 'oanʉ; i'ola noe'ocʉ tomo maica ci 'ofiha ma'imo elʉ no koa ʉmnʉ.

yakovu 4:4

'e mimu 'oha meot'ʉt'ʉcʉ ho o'te tmaa'uzo ci cou, o'aimueno cohivi hoci enananghia ta hpʉhpʉngʉ, te nahanga 'o hamo, siya nate nanghia ta hpʉhpʉngʉ, 'aeno siya na hangʉ to hamo!

yohane 1 5:19

ito cohivi, acʉhʉ 'e hpʉhpʉngʉ e'vono yono lasi atʉkca to kokuzo, tetoc'o asngʉcʉ tma'usnu to hamo.