kolosai 2:2 - buacou seiso no faeva esvʉtʉ

² te'o poa elʉ no poucufnu, meelʉ boemi no himngonghi ho tmuteuyunu, i'mi nomo bocbochio bohbohngʉ ho cmʉfeʉ ci singkoo ho honga na moumsʉ'eonʉ to hamo; 'e moumsʉ'eonʉ eni. 'ai'oeno feango to kilisto.

kolosai 2:2 ပူးပေါင်းရင်းမြစ်များ

matai 11:25

ne mio, yainca to iesu:

matai 11:27

<'o amo'u isicu acʉha faeni a'o 'e acʉcʉhʉ. tapeoha 'o amo'u, uk'a cimo bohngʉ ta oko; tapeoha 'o oko ho inaisi 'ucia paavi ci cou, maezo uk'a cite bohngʉ to amo.

matai 13:11

yut'inga to iesu:

luka 1:1

einva ci ti'afuilo: micu 'enepio ci cou 'omoso tmopsʉ to tposʉ, psoyom'a 'emo esmi ta taicoto ci hi'hioa.

yohane 10:30

'o amo ho a'o. mimza anana'o tmucni.>

yohane 10:38

hoci zou, 'upena hoci o'te taa'uzva a'o, 'antemueno maka taa'uzva 'e hi'hioa'u, temueno ko'ko peelʉi asansana ho mio a'ʉmtʉ no'ayumonʉ ta nsou'u 'o amo, mi'o maezo no'ayumonʉ to nsou to amo.>

yohane 16:15

na isi afu'a tanua to amo zou acʉhʉ nuu'u, ko'ko os'o yainca, 'o seilei tesi acʉha eʉsvʉta muu 'o te'o afu'a e'e.>

yohane 17:3

honga suu ho zou cihic'o ci a'ʉmtʉ hamo, a'vinano honga 'e osko popeoskuna ci iesu kilisto, 'aeno 'auesiesi nsou.

yohane 5:17

isi mi'usni to iesu ho yainca:

yohane 5:23

akoeva no poa einveni ta cou 'e oko, mais'a hola einva 'o amo. namo o'te einu to oko, 'amoeno o'te einu to mo popeosmuhnu to oko ci amo.

yohane 6:69

imza taa'uzva, a'vinano cohivi miko i'mi to hamo ho cmʉ'ho ci socofkoya.>

sitoo 4:32

'emo noteuyunu ci sinto acʉhʉ conci 'tohʉngʉ, uk'acimo cihi cinte tmaachi no iachi macucuma; 'o afu'u macucuma ihe toehunga titha.

looma 15:13

'o hamo, 'ai'oeno 'o esbobuka no ta'usni, tesi'sola i'mi no lamu singkoo ho poa nongcʉngcʉ na mav'ov'o ci kokaekaebʉ, soanono, inalamu ta'usni, ieni no tonʉ to seilei, ho o'te antʉhʉ apuhngua.

looma 16:25

no'unu'sio to hamo na psoevohngʉ! lasi peelʉi ieni to os'o psoyaska ci fukuin ho amamahtʉica na singkoomu. 'e fukuin eni mo e'usnu to e'e to iesu kilisto, cu paavi 'omo ahoi ne noana'o ho nootoefʉngʉ ci moumsʉ'eonʉ.

looma 2:4

nenusi no osko hupotfʉnga na ma'cocacni, ho luaveica to hamo? nteko cohivi mo ma'cocacni 'o hamo, maica lasi'so 'ucia poa ma'vovei suu.

kolinto 1 14:31

'e mimu macicihi te acʉhʉ meelʉ yupaasuski epeaski no e'e to hamo, poa momaemaezo 'emo botngonʉ, acʉhʉ mayo no poucufnu.

kolinto 1 2:12

o'amito tiou no piepiya ta hpʉhpʉngʉ, mamito tiou to isi popeoskuna to hamo ci seilei, tesi akoeva no poa meelʉ bochio no isi afu'a faeni a'to to hamo ci mengumi.

ngalatea 3:28

o'anate avahvoh'una na couyutaya ho couyafana, hocieno tolei ho ziu, hahocngʉ ho mamespingi, to 'ayumona to nsou to kilisto iesu, mimucu acʉhʉ cono feango,

'epeso 1:7

i'mi homo mcoi 'o kilisto, mito elʉ to ziu, noa peteongasa 'e kuisito. na eni 'amoeno i'mi to atngaso ci mengumi to hamo.

'epeso 3:16

te'o 'inoli to hamo, fiho no atngaso ci psoevohngʉsi, ieni to seilei ho pafi no taso na muu, poa yutataso na nsou no 'ayumonamu.

'epeso 3:3

isi paavi a'o, poa cohivneni a'o na moumsʉ'eonʉsi. (o'ucula ake'a tposi 'e moumsʉ'eonʉ eni;

'epeso 6:22

na atuhcusi ho os'o popeoskuna ho poa uhta lamu yoni. te'o akoeva no poa cohivneni muu na a'a'ausnamza tan'e, poa mayo no poucufnu muu.

pilipi 2:1

inamo yonto kilisto ci nsoumu isicu nana poa yumamahtʉicʉ muu? ina himngonghisi isicu nana poucufna muu? mimucu nana tmucni to seilei? ta 'ayumonamu panocu nana a'ʉmtʉ yupania himngonghi ci 'tohʉngʉ?

pilipi 3:8

o'amo anouc'o maica, os'o h'unasa hukokoakuzoa 'e acʉcʉhʉ ci hi'hioa, maica ho os'o angongohia ho mi'o bohngʉ to nooe'oca kilisto iesu. nomio to kilisto, os'o ciha 'e acʉcʉhʉ, ho ta'upa no pucu, te'o 'uciahe elʉa 'o kilisto.

kolosai 1:26

'ai'o isieno acngucnguha mi'usneni ta yatatiskova ho sootoefʉnga ci moumsʉ'eonʉ; 'e moumsʉ'eonʉ eni. isicu sopopayoa ta mao'o'okosi maitan'e.

kolosai 1:27

'e isi ta'kokoeva to hamo tesi poa cohivneni ta 'o'okosi, 'emo at'otngaso ho psoevohngʉ ci moumsʉ'eonʉ 'ateeno epa'teni ta yatatiskova. 'e moumsʉ'eonʉ eni 'aeno: mo yonta nsoumu 'o kilisto. tee yainca, mimu tma'upu no psoevohngʉ to hamo.

kolosai 1:9

i'mi tan'e, ahoi ne omzacu tac'ʉhi na a'a'ausnamu, lamza o'te tosveni 'inolineni muu, m'eya tonʉ to hamo poa'so i'mi no seilei ho mayo no mav'ov'o ci moutʉs'ʉ ho bocbochio, peelʉi a'sʉftona honga na 'tohʉngʉsi.

kolosai 2:19

cu antʉhʉ 'o hia yupecnguhu to kilisto. na a'ʉmtʉsi, inac'o i'mi ta fnguu ta feango, 'ai'oeno kilisto, niante meelʉ mayo no konansou, ieni to yupa tʉyʉcʉ 'e ma'vo'vokʉ maveoveocʉ ho yuecngucnguhu, maino 'tohʉngʉ to homo ho ausuhcu yusuhci.

kolosai 3:14

ta acʉcʉhʉsi tan'e, la sopuhngi no himngonghi, mo maica 'e himngonghi mo yuecnguhu to acʉcʉhʉ ʉmnʉ ci peipeis'ausna.

kolosai 4:3

la yaeza 'inolineni a'mi, p'enzeni to hamo ho pafi no 'oc'ocic'o ci hie ho psoyaska 'e fukuin, ko'ko peelʉi psoecocoya 'e moumsʉ'eonʉ to kilisto. maitan'e mi'o nomio tan'e ho noekotu.

kolosai 4:8

os'o afnasa skuna ho popeo'usna ta lamu yoni, eʉsvʉsvʉta na a'a'ausnamia tan'e, te poa elʉ no poucufnu na muu.

tesalonike 1 1:5

ho imza psoecʉ'ha muu 'e fukuin eni, o'atec'o anou boemi no e'e, la maezo noe'ocʉ to tonʉ to seilei, a'vinano i'tohungu no a'sʉftonʉ tmaa'uzo to fukuin. mimu acʉhʉ bochio, mo mainenu na h'oyunsovamia ne momza la no'upu muu; acʉcʉhʉ coninoc'o inate koa ʉmnʉ muu na imza hioa.

tesalonike 1 3:2

temza popeoskuna 'o ohaesa ci temote ho poa uhta lamu yoni; 'e temote lamza toehungu nomio to hamo ho psoyaski to fukuin to kilisto. na atuhcusi ho imza popeoskuna tesi amamahtʉica ho to'usni na singkoomu.

tesalonike 1 5:14

maanat'ohaesa, temia eucufna muu, la engahva 'ola lue'amamza ci cou, poucufna 'ola ma'sasmʉzʉ ci cou, e'oca 'ola yoheoz'u ci cou, uveica 'emo macicihi ci cou.

temote 1 3:16

la toehunga esansana, 'e moumsʉ'eonʉ ta singkooto mo mainenu na hia pepe ho mʉ'eona: isi ieni ta feango ta cou ho aopa'to, soomei to seilei zou moulʉlʉ, noa aiti to matetensi. noa psoyaska ta mauhpʉhpʉngʉ, noa taa'uzva ta yatatiskova, noa esifova ne pepe.

hevulu 10:22

'antetoeno boemi no mou'ʉmtʉ ci 'tohʉngʉ ho mahtʉicʉ ci singkoo, boemi to isicu poa cofkoya, uk'a heo'tʉ ci 'tohʉngʉ, ho i'o ohcu toʉlʉi to chumu ci feango, ho ohcum'u to hamo.

hevulu 6:11

'olamza someoino no tata'zeni: 'e mimu macicihi la ahoi no ahoisi apaezumo cuveu ci 'tohʉngʉ, ko'ko poa meelʉ esmi na lamu afu'a mingeovi ci hi'hioa.

petelo 2 1:10

ko'koeno, maanat'ohaesa, temula h'unano asno'zonʉ, temu 'auesia ta'hongi ho ohsila eyoho'a ho epeiya to hamo; hocimucu ta'hongi eni, 'anatemu 'aoko suhcʉhcʉ.

petelo 2 1:3

ina tonʉ to hamo isicu acʉha faeni a'to na teto tititha ho mito boemi no singkoo ho yaansou; 'e mengumi eni isi ieni no bohngʉ tomo eyoho'ʉ a'to ho poa tma'upu no psoevohngʉsi ci hamo ho elʉa.

petelo 2 3:18

temula yonto 'ayumona to nooe'oca - to mengumi to nooe'oca iesu kilisto ho ino hiato honga, a'cʉ'cʉnʉ ohsuhcu, no'usnu'sio to nooe'oca na psoevohngʉ, ahoi maitan'e ac'ʉhʉ no 'auesiesi! 'aamen.

yohane 1 3:19

homo maica, 'atetocueno i'mi tamo coni tan'e ho cohivi, mito tma'usnu to so'emio; mito yonto tuhcu to hamo ho ma'sosohuyu 'e 'tohʉngʉto.

yohane 1 5:7

'o seilei, chumu, ho i'o hmuyu mo acʉhʉ 'akasi, 'emo tuyu mo acʉhʉ tohmʉskʉ.