kolosai 2:19 - buacou seiso no faeva esvʉtʉ

¹⁹ cu antʉhʉ 'o hia yupecnguhu to kilisto. na a'ʉmtʉsi, inac'o i'mi ta fnguu ta feango, 'ai'oeno kilisto, niante meelʉ mayo no konansou, ieni to yupa tʉyʉcʉ 'e ma'vo'vokʉ maveoveocʉ ho yuecngucnguhu, maino 'tohʉngʉ to homo ho ausuhcu yusuhci.

kolosai 2:19 ပူးပေါင်းရင်းမြစ်များ

luka 5:38

te teapha no faeva ci efucu no feo'u 'omo faeva ci emi.

yohane 17:21

tehin'i'sola acʉhʉ tmucni. amo, tehin'i'sola no'ayumonʉ ta nsouto; totiski suu ho no'ayumonʉ ta nsou'u, tehin'i'sola acʉhʉ tmucni, akoeva no poa taa'uzveni ta yata hpʉhpʉngʉ ho zou suu namo popeosmuhnu a'o.

sitoo 4:32

'emo noteuyunu ci sinto acʉhʉ conci 'tohʉngʉ, uk'acimo cihi cinte tmaachi no iachi macucuma; 'o afu'u macucuma ihe toehunga titha.

looma 11:17

piyo ci ehti to 'olivu isi tibkoca. cnguhneni 'o ehti to 'olivu no yʉn'ʉ, na suu couyafana mo mais'a evi no 'olivu no yʉn'ʉ. maitan'e cu tma'upu to yuayayokeo ho yutataso ci nsou to couyutaya,

kolinto 1 1:10

maanat'ohaesa, te'o boemi to ongko to nooe'oca iesu kilisto ho eucufna muu, la poa hmʉskʉ 'ola e'e, 'ote bipopaevai, la tmuteuyunu, yaa hmʉskʉ ci ta'to'tohʉngva, yaa totiski cite mituhci.

kolinto 1 11:3

at'inghi, os'o tata'za ho cimu cohivi, zou fnguu tamo macicihi ci hahocngʉ 'o kilisto; zou fnguu ta mamespingi 'o hahocngʉ; zou fnguu to kilisto 'o hamo.

kolinto 1 3:6

os'o emʉ'a, isi cohmi to 'apolo, at'inghi inamo poa yusuhci 'ai'oeno hamo.

'epeso 1:22

'o hamo isi yaeza poa peteozu to kilisto 'e macucuma ta mouhpʉhpʉngʉ, te papoevʉ ta kiokai. eʉt'ʉca 'e acʉcʉhʉ.

'epeso 1:23

'e kiokai zou feango to kilisto, isi nongcʉngci tomo nongcʉngcʉ ta mouhpʉhpʉngʉ ci kilisto.

'epeso 2:21

noe'ocʉ to iesu kilisto, niantec'u meelʉ yuecngucnguhu 'e isi p'eyac'a ci emoo, ausuhcu faf'ohʉ hocu seiten ho sʉ'teni to nooe'oca.

'epeso 4:3

boemi no suseomʉ ho yupa yuecnguhu, pnanfi na tonʉ ho atʉkca na ohsi faeni to seilei cimo tmucni ci 'tohʉngʉ.

'epeso 5:29

uk'a cite himsʉ'no no iachi feango; lasi conino angongohia ho aʉt'ʉca, aʉlʉ totiski to kilisto ho lasi aʉt'ʉca 'e kiokai;

pilipi 1:27

ina te sotva'esa zou: na h'oyunsovamu la poa toseolʉ to fukuin to kilisto. maicac'o, 'upena hoci'u o'te meelʉ baito muu, te'oc'o acʉha cohivi lamu yaa totiski cite mituhci, mahtʉicʉ ho o'te aezuhu, tohmʉskʉ ci 'tohʉngʉ toteuyuneni na tonʉ ho nomio no singkoo ta fukuin ho 'aanana'o ehtothomʉ.

kolosai 1:10

maicac'o, ina h'oyunsovamu tec'u meelʉ toseolʉ no 'tohʉngʉ to nooe'oca, aa'pucva poa ʉm'ʉmnʉaneni. a'vinano, te meelʉ yonta h'oyunsovamu ho beahci no mo mav'ov'o yonghu ci beahci, na hia bohngʉ to hamo te maezo apuhngu.

kolosai 1:18

zou fnguu ta kiokai, ci'aeno fnguu ta feangosi; isi i'toekui ta faeva ci nsou. zou pehoza ci oko, ahoi i'mi to mcoi ho smoevovei, na atuhcusi te sutmoyaevonʉ ta acʉcʉhʉ.

kolosai 2:2

te'o poa elʉ no poucufnu, meelʉ boemi no himngonghi ho tmuteuyunu, i'mi nomo bocbochio bohbohngʉ ho cmʉfeʉ ci singkoo ho honga na moumsʉ'eonʉ to hamo; 'e moumsʉ'eonʉ eni. 'ai'oeno feango to kilisto.

tesalonike 1 3:12

tesi'sola poa yaa 'tohʉngʉ no yupa himngonghi ho yaa 'tohʉngʉ no ngohia 'e yatatiskova, a'vinano huhucmasi yusuhci, totiski ho lamza ma'cucuveu ho ngohia muu.

tesalonike 1 4:10

mimu maezo maito hia mo'ma'cohio tan'e ho aʉt'ʉt'ʉca 'o afu'u sinto ne makitong. at'inghi maanat'ohaesa, te'on'aso eucufna muu ho asuhcu bitotonʉ,

tesalonike 2 1:3

maanat'ohaesa, mantemza asngʉcva 'aveoveoneni to hamo na muu. 'aeno a'ʉmtʉ; maica homo meoino asuhcu na singkoomu, na yupa himngonghi ci 'tohʉngʉ mo maezo meoino apuhngu.

petelo 1 3:8

hoci ensoha: temu aa'pucu tohmʉskʉ. yupa ma'cocoveoyi, himngonghi mais'a nat'ohaesa, boemi no ma'cocacni ho ma'einu ho yu'tat'ʉcʉ.

petelo 2 3:18

temula yonto 'ayumona to nooe'oca - to mengumi to nooe'oca iesu kilisto ho ino hiato honga, a'cʉ'cʉnʉ ohsuhcu, no'usnu'sio to nooe'oca na psoevohngʉ, ahoi maitan'e ac'ʉhʉ no 'auesiesi! 'aamen.