kolosai 2:14 - buacou seiso no faeva esvʉtʉ

¹⁴ saapayo'a i'ote afu'u koa kuzo a'to, mufutu a'to ci isi tatoyangzi to hoolicu ci nia kuisi. isi spica to zuuzika ho aapayo'a.

kolosai 2:14 ပူးပေါင်းရင်းမြစ်များ

luka 1:6

holasi aiti to hamo, mo aepohʉ mousngʉcʉ ci cou, ayʉyʉcʉ ho noyʉci 'o h'oesvʉta ho h'ofiha to hamo.

sitoo 3:19

ko'koeno, temu ma'vovei, miezuhu to hamo, tesieno peteongasa na kuisimu.

kolosai 2:20

ho mimucueno tu'upu to kilisto ho mcoi, momeesih'i no moipiepiya ta macocongeoha, mainci mimuc'on'a fiho ta h'oyunsova ta cou, a'cʉ'cʉna noʉt'ʉci na 'emo maica ci peipeisia?

tesalonike 2 2:7

i'ola nootoefʉngʉ ci la peiskuzkuzo micu ahoi yaahioa; at'inghi, totea ho tasicu ese'veni 'o emucu tomo nomʉtʉ ta hi'hioa, niantec'u yuyafo 'e hi'hioa eni.

hevulu 7:18

maicac'o, 'o noana'o ci h'ofiha isi aapayo'a; maica homo yoz'u ho uk'a tonʉ, uk'a ci a'a'ausna.

hevulu 8:13

ho isieno engha to hamo na faeva ci esvʉta, isicu humzi ho uk'anaci a'a'ausna ta ahoi esvʉta; namo afu'u uk'ana a'a'ausna ho ausuhcu noana'o, ahtuo'te monmon'i aapayo'ʉ.

petelo 1 2:24

isi iachia hafa to kilisto na kuisito ho uhto zuuzika, poa o'tena i'vaho yaansou no 'ayumona no kuisi na a'to, c'o nomio no moulʉlʉ ho yaansou. i'mi to isi tiova ci alolongʉ, mimu meelʉ yov'o.