kolosai 2:13 - buacou seiso no faeva esvʉtʉ

¹³ ne auyusi, maica mohmun'a yaa yu'ausna no kuisi, a'vinano uk'a hoolicu ci couyafana, hoci tamza no piepiya mimu mcoi. at'inghi, 'o hamo isi poa smoe'upu smoevovei to kilisto na muu. isi peteongasa na nia afu'uto kuisi,

kolosai 2:13 ပူးပေါင်းရင်းမြစ်များ

luka 15:24

maica 'e oko'u eni mo mcoi ho smoevovei, payo'a ho eyoveiya.>> micu toehungu kokaekaebʉ ho eabobonʉ.

luka 15:32

at'inghi 'e ohaesasu eni. mo mcoi ho smoevovei, payo'a ho eyoveiya, 'antetoeno anana'va peeseni ho 'aveoveoneni.>> >

luka 9:60

yainca to iesu: <'ateeno poa efo'neni nomo mcoi ci cou namo mcoi ci cou! nacu suu, teko epeaska na fukuin no hpʉhpʉngʉ to hamo.>

yohane 5:21

isi yainenu to amo ho poa smoevovei 'o micu mcoi ci cou, pafi no nsou 'e cou; totiski 'o oko te maino iachisi 'tohʉngʉ ho pafi no nsou 'e cou.

yohane 6:63

inamo mofi no nsou ta cou zou seilei, uk'a ci a'a'ausna ta fou ta feango; 'e os'o eʉsvʉta muu ci e'e 'ai'omoeno mofi to nsou ci piepiya.

looma 4:17

aʉlʉ mais'a to isi engha to seiso: yonto tuhcu to hamo, te yaa a'a'ausna 'e isi teomneni tan'e; 'o isi taa'uzva to 'avulahamu 'ai'omoeno poa smoevovei to micu mcoi ci cou, i'mi to uk'a ho mooyai ta acʉcʉhʉ ci hamo.

looma 6:13

yaeza teav'a poa peteozu no kuisi si feangomu, noa 'otitha no kokuzo. apuyu. temula sʉ'teni to hamo si iachimu, mais'a cihi cimo i'mi no mcoi ho esvoveiya poa yunsou ci cou, ho aucunva sʉ'teni to hamo 'e iachi, noa 'otitha no moulʉlʉ.

looma 8:11

'o piepiya to hamo isi poa i'mi to mcoi ho smoevovei 'o iesu; hoci no'ayumonʉ muu 'e piepiya eni, 'emoso i'mi to mcoi ho poa smoevovei 'o kilisto ci hamo, tesi yaeza ieni tomo no'ayumonʉ muu ci seilei, pafeni tate ahtuo'te kuzo ci feangomu 'e nsou.

kolinto 1 15:36

'e la loʉngʉ ci cou, 'e osko emʉ'a ta ceoa ci tutu, hoci o'te mcoina'a teeno ahtu cmʉfeʉ ho yusuhci.

kolinto 1 15:45

maica isi yainca to seiso: <'e ahoi cou ci 'atamu isi teyai ho poa yaa nsou ci cou>; at'inghi 'e atavei ci 'atamu mo mofi no nsou ci piepiya.

kolinto 2 3:6

isi poa yaa totontone a'mi ho teyai soskuskunu ta faeva ci esvʉta; 'e esvʉta eni o'a i'o isi huyafi ci tposʉ ta hoolicu, ma esvʉta to seilei. 'e isi huyafi ci tposʉ ta hoolicu mo mahafo no mcoi, at'inghi 'e seilei la mofi to nsou.

kolinto 2 5:19

i'o imza psoyaska ci e'e 'aeno: 'o hamo isi ieni to kilisto ho p'eyac'a na yupa naoveia ci natʉ'ca ta yatatiskova. o'aisi peteohʉhʉya na kuisihe. a'vinano isi toveineni a'mi 'e e'e no yupa naovei.

'epeso 2:1

ne auyusi, mimu i'mi no kuisi ho yutasufku to mashʉyʉ to hamo, yono piepiya mimucu mcoi.

'epeso 2:11

'e mimu asonghoi couyafana, la talʉa na nia a'a'ausna no auyusi: lahe yainca tola iachi mainca moso tiou no s'e'honga ci cou - 'a i'oeno 'ola tifu'fu ho iachia s'e'honga 'e feango ci couyutaya - lahe yainca muu o'amimu tiou no s'e'honga.

'epeso 5:14

maica 'ote poa epopayo 'aeno tiskova. ko'ko isi yainca to pasunaenva: peihsasmomecu, 'emimu oengʉtʉ ci cou, i'mi ta taico ta mcoi ho yʉc'ʉ! tesi pahtiskovi to kilisto na muu.

kolosai 2:12

maica, ne mohmu tiou to toonono, ohcu su'upa efo'a to kilisto na muu; ne mohmucu tiou to toonono, yaeza ieni no tmaa'uzo tomo poa smoevovei to kilisto ci hi'hioa to hamo ho maezo to kilisto ho smoevovei.

temote 1 5:6

i'o lac'o ma'nou no ma'unu no eabobonʉ ho 'aveoveoyʉ ci mo tuvcongʉ mamespingi, e'vono mion'a yaansoua. na a'ʉmtʉsi micu mcoi.

temote 1 6:13

a'ʉmtʉsi, ne mosola mi'usnu to pangsiu pilato ho 'akasi 'o kilisto iesu, mosola maezo yaa totiski ci yonghu ci mahsansano. yonto tuhcu to mosola mofi no nsou ta aʉcʉcʉhʉ ci hamo ho ito iesu, te'o eucufna suu:

hevulu 6:1

maicacu, mantetocu saf'uha na ahoisi ta fukuin to kilisto, mi'usnu no micu asuhcu yʉepʉngi ci singkoo ho emosuhcu. o'ateto amameoi yontac'o ahoisi ta singkoo ho bitotonʉ, mais'a 'oeno ma'susuae no kuici h'oyunsova, tmaa'uzo to hamo,

hevulu 9:14

na tesi aepʉnga to hmuyu to kilisto o'ates'aeno asuhcuhe man'i? ieni to 'auesiesi ci piepiya, isi aucunva teyai sʉ'ta 'o iachisi feango ho sʉ'teni to hamo. 'o hmuyusi tesi poa cofkoya 'e 'tohʉngʉto peuonva 'emo kuzo ci lato peipeis'ausna, poa meelʉ fifiho to 'auesiesi yaansoua ci hamo.

yakovu 2:17

totiski, hoci uk'a peipeis'ausna na singkoo 'amoeno mcoi.

yakovu 2:20

nongonongo ci cou, temula cohivi 'omo uk'a peipeis'ausna ci singkoo panoeno ʉmnʉsi?

yakovu 2:26

ko'koeno, aʉlʉ mais'a 'e feango hoci uk'a nsou 'amoeno mcoi, hoci uk'a peipeis'ausna 'e singkoo mo maezo mcoi.

yohane 1 2:12

mao'o'oko, mi'o tmopsʉ ta tengami ho faeni muu. maica ina kuisimu isicu ieni to kilisto ho noa peteongasa.