kolosai 1:4 - buacou seiso no faeva esvʉtʉ

⁴ maica lamia tac'ʉhi ho mimu a'ʉmtʉ yaa singkoo ho mimu mi'usnu to iesu kilisto, lamu yaa himngonghi ci 'tohʉngʉ ho lamu mi'usnu to afu'u sinto.

kolosai 1:4 ပူးပေါင်းရင်းမြစ်များ

kolinto 2 7:7

o'amo anouc'o uhtan'e, mion'a mi'usnu a'mi ho eʉsvʉta na hiasi i'mi muu ho mayo no poucufnu, ho ina lamu hia tongsoya hocimu ahta aiti a'o, mainenu nala hia nac'o, ho ina hiamu eto'usni a'o; acʉcʉhʉ eni isi h'unano topuhngi na hia'u kokaekaebʉ.

ngalatea 3:26

mimu acʉhʉ i'mi to hocu tmucni 'o kilisto iesu, meelʉcu tma'oko to hamo.

ngalatea 3:28

o'anate avahvoh'una na couyutaya ho couyafana, hocieno tolei ho ziu, hahocngʉ ho mamespingi, to 'ayumona to nsou to kilisto iesu, mimucu acʉhʉ cono feango,

ngalatea 5:6

maica, hocitocu no'ayumonʉ no nsou to kilisto iesu, hoci tiou ho o'te tiou no s'e'honga uk'a citesi nama natʉ'ca, inac'o isi boemi no himngonghi ho peispa'teni na singkoo 'aeno eni nate sotva'esi.

'epeso 1:15

i'mi tan'e, ahoi ne o'ucu tac'ʉhi ho mimu yaa singkoo to nooe'oca iesu, ho ina himngonghimu ho lamu mi'usnu to sinto,

'epeso 6:18

temu yono 'inoli ho m'eya to'usni to hamo, asngʉcʉ fiho no lasi hia eahahafo to seilei ho 'inoli. la aa'pucu aʉtʉs'ʉ, teav'a peaezoni; la o'te tosveni 'inolineni 'o sinto.

kolosai 1:9

i'mi tan'e, ahoi ne omzacu tac'ʉhi na a'a'ausnamu, lamza o'te tosveni 'inolineni muu, m'eya tonʉ to hamo poa'so i'mi no seilei ho mayo no mav'ov'o ci moutʉs'ʉ ho bocbochio, peelʉi a'sʉftona honga na 'tohʉngʉsi.

tesalonike 1 1:3

yonto tuhcu to hamo ho talʉa, lamu yainenu na hia peiseafi 'o imu taa'uzva, yainenu na hia ieni no himngonghi ho asno'zonʉ yaahioa, yainenu na hia nomahtʉicʉ no 'tohʉngʉ ho mingeou to nooe'oca iesu kilisto.

tesalonike 1 3:6

maitan'e, micu i'mi muu 'o temote ho yuovei; psoevoveiya na ʉmnʉ ci singkoo ho himngonghimu. isi eʉsvʉta ho lamu conino talʉa a'mi, tongsoyʉ no 'ucia aiti a'mi, totiski ho lamza tongsoya no 'ucia aiti muu.

tesalonike 2 1:3

maanat'ohaesa, mantemza asngʉcva 'aveoveoneni to hamo na muu. 'aeno a'ʉmtʉ; maica homo meoino asuhcu na singkoomu, na yupa himngonghi ci 'tohʉngʉ mo maezo meoino apuhngu.

fuilimong 1:5

maica os'o tac'ʉhi na lako hia angongohia 'o masisinto, yaa singkooa ho lako mi'usnu to nooe'oca iesu.

hevulu 6:10

la mouhmʉskʉ 'o hamo; o'atesi ahta ta'payo'a na ohmula hioaneni ci hi'hioa ho ina himngonghi, 'aeno i'mi to lamu hia o'te tosvo to'usnu to mocmo ci sinto.

yohane 1 3:14

ito cohivi mitocu yuyafo no mcoi hocu yaansoua; ho ito ko'ko cohivi 'aitoeno'so ngohia 'e nanat'ot'ohaesato. i'ola uk'a himngonghi, mioc'on'a asngʉcʉ noskufu no tonʉ no mcoi.

yohane 1 3:23

'o mashʉyʉsi 'aeno: teto asansana taa'uzva 'o ongko to okosi ci iesu kilisto, a'vinano maito mashʉyʉ to kilisto ho yupa himngonghi.

yohane 1 4:16

ko'koeno, ito cohivi, a'vinano taa'uzva 'o hamo isi ngohia a'to. zou himngonghi 'o hamo. na micu yaa himngonghi na nsousi ci cou 'amicueno yayo ta nsousi 'o hamo. 'o hamo mo no'ayumonʉ to nsousi.