kolosai 1:25 - buacou seiso no faeva esvʉtʉ

²⁵ nomio note koa ʉmnʉ muu, isi toveineni a'o to hamo 'e hioa eni, poa soskuskunu ta kiokai a'o. 'e hioa eni tesi a'sʉftona poa psoyaskeni a'o 'e fukuinsi,

kolosai 1:25 ပူးပေါင်းရင်းမြစ်များ

kolinto 1 3:5

te tamza no cuma 'o 'apolo? tamza no cuma 'o poolo? 'amimzac'oeno noa soskuskunu to hamo, te engocha muu ho poa tmaa'uzo to hamo. 'e mimza macicihi ci cou moc'o acʉhʉ fiho no lasi skueni to nooe'oca ho yaahioa:

kolinto 1 9:17

ho ci'u psoyaski ta fukuin, mo i'mi no smoekaebʉ; te'ocu meelʉ tov'ohʉ no hnoo; at'inghi, ho isieno toveineni a'o to hamo 'e hi'hioa eni, te'ocu ta'unano te anana'va ngoevi.

'epeso 3:2

'aimu ahtao'te cohivi, nomio note koa ʉmnʉ muu, isi fii to mengumi to hamo, toveineni a'o 'emo conci te'o hioa.

'epeso 3:7

i'mi no afnaso ci mengumi to hamo, mi'o meelʉ noa soskuskunu ta fukuin tan'e; na eni mo fiho no meoino tonʉsi ho faeni a'o.

kolosai 1:23

temu asansana ayʉca na singkoo, bʉʉlʉlʉ ta mo mahtʉicʉ ci i'tohungva; teav'a teongasi na ohmu ta'usni ne mohmun'a ahoi tiou ta fukuin. maitan'e, 'e fukuin eni micu psoengabo ta mauhpʉhpʉngʉ; na a'o - poolo. 'aeno soskuskunu ta fukuin tan'e.

tesalonike 1 3:2

temza popeoskuna 'o ohaesa ci temote ho poa uhta lamu yoni; 'e temote lamza toehungu nomio to hamo ho psoyaski to fukuin to kilisto. na atuhcusi ho imza popeoskuna tesi amamahtʉica ho to'usni na singkoomu.

temote 1 4:6

hociko pa'cohivneni to maanat'ohaesa 'e hi'hioa eni, mikocu ʉmnʉ ci soskuskunu to kilisto iesu; a'vinano inamo yaa singkoo ci e'e ho i'o lako asonghoza fihi ci mo emzo ci ceonʉ tesi to'usni na piepiyasu ho poa yusuhci.