kolosai 1:23 - buacou seiso no faeva esvʉtʉ

²³ temu asansana ayʉca na singkoo, bʉʉlʉlʉ ta mo mahtʉicʉ ci i'tohungva; teav'a teongasi na ohmu ta'usni ne mohmun'a ahoi tiou ta fukuin. maitan'e, 'e fukuin eni micu psoengabo ta mauhpʉhpʉngʉ; na a'o - poolo. 'aeno soskuskunu ta fukuin tan'e.

kolosai 1:23 ပူးပေါင်းရင်းမြစ်များ

maluko 16:15

isi mi'usni 'o tesi ho yainca:

luka 22:32

at'inghi os'ocu 'inolineni suu, poa o'te payo'neni suu na singkoo. ataveisi ho takocu miovei ho bi'usnu a'o, teko amamahtʉica 'o maanat'ohaesasu.>

luka 6:48

te mais'a 'ola mooyai emoo ci cou, peimsʉ'eona 'o ceoa, p'eyac'a to yakivayʉ 'o totngucasi. hocisi toemiza no fozu ci chumu 'e emoo, 'e emoo eni o'ate aot'ou, maica ho isi'so p'eʉlʉlʉa.

yohane 15:6

nate o'te mimho cmunghu a'o ci cou te noa ciha, mais'a 'ola oemi'mi ci ehti ho ciha, poa patmʉtneni no cou ho to'seni to puzu ho hmoi.

sitoo 1:17

i'o yuta oho anana'va epeiya ho e'paevai ta teto hi'hioa, zou cihi ta taicoto.> (

sitoo 1:25

ho noʉezi 'ete hioa ta sitoo. 'e hioa eni isicu ciha to yuta, uhto ntesi anana'va usa.>

sitoo 1:8

at'inghi ho tac'u cmʉ'ho muu 'o seilei, tenamu a'sʉftonʉ yaa tonʉa, yonta 'elusalemu, yutaya. ho nongabo ne samalia, ac'ʉhʉ no maucuculili ta hpʉhpʉngʉ ho 'akasineni a'o.>

sitoo 11:23

ne micu sʉc'ʉhʉ 'o panapa, aiti ho isi fii no ʉm'ʉmnʉ to hamo 'o yane'e, cu na'no kaebʉ; isi eucucufna, poa acʉhʉ conci 'tohʉngʉ ho tmanoe'ocʉ to nooe'oca.

sitoo 14:22

mo nongongabo ho poa ma'tataso 'o 'tohʉngʉ to tesi, poucufna ho noyʉci na singkoohe, yaeza yainca:

sitoo 2:5

ne mio, pantomo yone 'elusalemu cimo i'vav'ov'o no hpʉhpʉngʉ cila ma'po'ʉ'ʉmtʉ ci couyutaya.

sitoo 20:24

at'inghi, os'oeno nama ngohia 'e nsou'u, os'o anga 'ucia peihcʉ'hi 'e te'o hioa, aepʉnga 'e isi toveineni a'o to iesu ci hioa, 'aeno 'akasi 'o yaa mengumi ci fukuin to hamo.

sitoo 26:16

yʉc'ʉ, ho yac'ʉ. ho mi'o aopa'to suu, te'o asvʉta no soskuskunu na suu. teko 'akasi 'e osko aiti maitan'e ci mo yaa natʉ'ca a'o ho i'o te'o poa hioaneni ho noana'o.

sitoo 4:12

moc'o i'mi to ic'o na to'usnu; maica 'e yatatiskova ta hpʉhpʉngʉ, uk'a ci isi faeni to hamo ci mocmo ci ongko, poa noe'ocneni a'to ho elʉ no to'usni.>

looma 10:18

at'inghi te'o tuocosi: ihenana a'ʉmta o'temocu tac'ʉhi na e'e? ci'a ohecueno talʉi. aʉlʉ mais'a 'o isi yainca to seiso: 'o fihngauhe micu psoengabo ta yatatiskova; 'o e'ehe micu psoecʉ'ho ta mauhpuhpusu.

looma 15:16

poa meelʉ soskuskunu to kilisto iesu, yonta taico ta couyafana ho yaahioa. mi'o mais'a saisi ho epeaska 'o fukuin to hamo, akoeva no teyai sʉ'ta to seilei 'o couyafana ho sʉ'teni to hamo, lasi tiova ho ʉm'ʉmnʉa to hamo.

looma 2:7

pantola apopaezumo peis'ʉ'ʉmnʉ ci cou, biebimi tomo i'mi to hamo ci so'einva, psoevohngʉ, ho o'te kuzo ci nsou; 'emo maica ci cou, tesi pafi no 'auesiesi ci nsou to hamo.

looma 5:5

'e ta'usni eni o'ate ahtu 'afeungu; maica 'o hamo isi ieni to isi pafeni a'to ci seilei, isicu cohmeni ta 'tohʉngʉto na himngonghisi.

kolinto 1 15:58

ko'koeno, ngohia ci maanat'ohaesa, temula bʉʉlʉlʉ, 'otela tmaot'ou. la buoo'te bʉʉpsʉpsʉ no ngoseo ho yaahioaneni 'o nooe'oca; maica imu cohivi, inate yaahioa to nooe'oca o'ate ahtu 'afeungu.

kolinto 1 3:5

te tamza no cuma 'o 'apolo? tamza no cuma 'o poolo? 'amimzac'oeno noa soskuskunu to hamo, te engocha muu ho poa tmaa'uzo to hamo. 'e mimza macicihi ci cou moc'o acʉhʉ fiho no lasi skueni to nooe'oca ho yaahioa:

kolinto 2 10:1

na a'o - poolo te'o aʉla iachia poucufna muu. hola'u no'upu muu lamu ta'unano mi'o na'no ma'cocacni, ho la o'te no'upu la na'no mouyʉcʉ; maitan'e te'o ieni to ma'cocacni ho moususeomʉ to kilisto ho m'ene muu:

kolinto 2 11:23

zou soskuskunu to kilisto na hin'i? ake'i efnaso, te h'unano zou a'o! 'o la'u hioa la h'unano ngoseo, h'unano man'i 'o hia'u noekotu, h'unasa 'aoka noa ti'usna, man'i ci hia yonto sokoeva 'e nsou.

kolinto 2 3:6

isi poa yaa totontone a'mi ho teyai soskuskunu ta faeva ci esvʉta; 'e esvʉta eni o'a i'o isi huyafi ci tposʉ ta hoolicu, ma esvʉta to seilei. 'e isi huyafi ci tposʉ ta hoolicu mo mahafo no mcoi, at'inghi 'e seilei la mofi to nsou.

kolinto 2 4:1

ho isieno coveoza to hamo a'mi, toveineni a'mi 'ete hioa, o'a na temza ma'sasmʉzʉ.

kolinto 2 6:1

lasi toehungneni yaahioa to hamo a'mi; temia poucufna muu: afu'u cueno tiou to mengumi to hamo, teav'as'a poa peis'afeungu 'e mengumi eni.

ngalatea 4:11

la'u na'na ta'kuv'eni muu, sokoeva no acʉhʉ peis'afeungu 'o o'ula hioa ta taicomu ne auyusi.

ngalatea 5:5

i'o ito atva'esa mingeovi, 'aeno ina teto hia meelʉ yupa toseolʉ na natʉ'ca to hamo; na eni zou tonʉ to seilei ieni no singkooto ho peihcʉ'hi.

ngalatea 5:7

lamu asonghoi bumemealʉ! siya na mos'a vomtʉ muu, ho poa o'tena meo'uzo to so'emio?

ngalatea 6:9

ko'koeno, holato peis'ʉ'ʉmnʉ, o'te suhcʉhcʉ na 'tohʉngʉ; hoci o'te ma'sasmʉzʉ, hotac'u esmi na hiesi tena ahtuo'te yaa tov'oha.

'epeso 1:18

la'u yaeza p'enzeni to hamo ho paavi na mcoo ta 'tohʉngʉmu, temu ko'ko cohivi: ho isi eyoho'a muu cuma na temu elʉa cite ta'usni; na isi teomneni ta 'o'okosi ci ezoyʉ mio mainenu na hia atngaso;

'epeso 2:21

noe'ocʉ to iesu kilisto, niantec'u meelʉ yuecngucnguhu 'e isi p'eyac'a ci emoo, ausuhcu faf'ohʉ hocu seiten ho sʉ'teni to nooe'oca.

'epeso 3:17

te'o maezo 'inoli to kilisto, ieni ta singkoomu, no'ayumonʉ ta 'tohʉngʉmu, yono himngonghisi ho poa biemisi ho yaa i'tohungvi na muu.

'epeso 4:16

te aucunu noe'ocʉ 'e feango, ieni tamo ma'vo'vokʉ maveoveocʉ ho yupa toseolʉ, yu'ti'ti'eopʉ. maicac'o, ho tac'u yutataso 'e maesoesou, 'e feango tec'u meelʉ yono himngonghi ho ausuhcu yusasmoyʉskʉ ho p'eac'a 'e iachi.

kolosai 1:25

nomio note koa ʉmnʉ muu, isi toveineni a'o to hamo 'e hioa eni, poa soskuskunu ta kiokai a'o. 'e hioa eni tesi a'sʉftona poa psoyaskeni a'o 'e fukuinsi,

kolosai 2:7

yonto 'ayumonasi ho biemisi, yusuhci. p'eyac'a na singkoo, 'amoeno maica na lamu tiova ci mo'ma'cohio; temu yaeza poa ngangcʉngcʉ na 'aveoveoyʉ ci 'tohʉngʉ.

tesalonike 1 3:3

poa o'te yaa i'mi no noa pohtutumza ho boevovei. imu cohivi, teto ahtao'te mia 'e pohtutumza eni.

tesalonike 1 3:5

i'mi tan'e, ko'kocu popeoskuna 'o temote; 'anate'o 'aoko mooteo. ho os'o popeoskuna, akoeva no cohivi mionana atuhcu mainenu na singkoomu. o'a os'o taa'uzva hocisicu paspepecvazi no 'akuma na muu, ho poa 'afeungu na niala hioamza!

tesalonike 1 5:8

ho mitoeno no'usnu no hie, 'anteeno anana'o etngou. teto teyai pihci na tmaa'uzo ho himngonghi, teto ceopngu na lato ta'usni ci to'usnu.

tesalonike 2 2:16

isi ngohia to hamo a'to, i'mi to mengumisi, isi pafi no 'auesiesi ci 'ʉteʉ ho yonghu ci ta'usni na a'to. 'e amohamo eni ho i'o nooe'oca iesu kilisto tesi'sio,

temote 1 1:12

te'o 'aveoveoyʉ to nooe'ocato ci kilisto iesu; maica ho isi pafi to tonʉ a'o, taa'uzva a'o, popeoskuna a'o ho poa fifihoa.

temote 1 2:7

nomio ta isi mituhci tan'e, mi'o noa popeoskuna ho lepsoyaski ho sitoo to couyafana, lema'cohio ho poa tmaa'uzo a'vinano bohngʉ ta so'emio. o'a mi'o meknuyu; 'e e'e'u mo acʉhʉ eʉlʉ!

temote 1 3:16

la toehunga esansana, 'e moumsʉ'eonʉ ta singkooto mo mainenu na hia pepe ho mʉ'eona: isi ieni ta feango ta cou ho aopa'to, soomei to seilei zou moulʉlʉ, noa aiti to matetensi. noa psoyaska ta mauhpʉhpʉngʉ, noa taa'uzva ta yatatiskova, noa esifova ne pepe.

tito 3:7

i'mi to mengumisi, mitocu meelʉ yaa suseolʉ ci natʉ'ca 'o hamo, ho peelʉi elʉa 'o ito mingeovi ci 'auesiesi nsou.

hevulu 10:38

'e coumoʉlʉlʉ'u te i'mi no tmaa'uzo ho elʉ no nsou. at'inghi, hoci panonte smase'u ci cou, o'ana te'o ʉmnʉa.

hevulu 3:14

hocito peelʉi amamahtʉica na nia ahoi singkoo, o'te avaevoezuhu, 'amitocueno toehungu yaahioai 'o kilisto.

hevulu 3:6

at'inghi, 'o kilisto mo boemi ta ongko nosi oko ho meot'ʉcʉ ho aʉt'ʉca 'e emoo to hamo. hocito tʉyʉca 'e ito taa'uzva ci mingeovi ho 'ʉteʉ, 'acueno 'oahngʉ to cono emoo to hamo.

hevulu 4:14

homo maica. nteto tʉyʉca 'e ito ehohonga ci singkoo. maica mito yaa cihi ci taunona'vʉ ci taisaisi, 'ai'oeno oko to hamo ci iesu; micu yʉmeʉmʉ to tuhcu to hamo.

hevulu 6:19

mito yaa maica ci ta'usni, aʉlʉ mais'a momsʉhcʉ'o no nsou, tmaʉlʉlʉ ho noe'oci, yupaezumo to toomʉtʉ to seiten ne pepe, sʉc'ʉhʉ to socofkoyana ne 'ayumonasi.

petelo 1 1:3

teto 'aveoveoyʉ to amohamo to nooe'oca iesu kilistoto! i'mi to uk'a noca'cʉ'hi ci himcocoveoisi, ieni to mcoi ho smoevovei to iesu kilisto, pafeni a'to 'emo faeva ci nsou, poa yaa yoayokeo ci ta'usni a'to.

petelo 1 1:5

te faeni ta mimu maica i'mi no tmaa'uzo to hamo ho noa noʉt'ʉci no meoino tonʉsi ci cou, poa elʉaneni muu 'o isicu ayoca ho i'o te esmi ci to'usnu ho tac'u nouhpuhpusi 'e lekisi.

yohane 1 2:27

inacu muu, isicu faeni muu to kilisto na piepiyasi. hoci mako no'upu muu na piepiyasi, 'anatemu 'ahʉya noa po'pa'cohivi no mocmo ci cou; maica ina piepiyasi tesi acʉha po'pa'cohivneni muu na acʉcʉhʉ ci hi'hioa, a'vinano na lasi hia mo'ma'cohio mo acʉhʉ aʉ'ʉmtʉ, o'amo meknuyu. ko'koeno, temula meo'uzo no lasi hia mo'ma'cohio to seilei, conino yaansou to 'ayumona to nsou to kilisto.

mokusi 2:10

teav'a smoyoa 'o teko esmiza ci 'atutumzo. aiti, tesi hʉsvʉta to 'akuma na muu, tesi to'ayumoneni to poo'usna 'omo piyo ta 'ayumonamu; te mimaski ho temu tiou no 'atutumzo. teko ac'ʉhʉ no mcoi ho meot'ʉcʉ. te'oeno pafi no tafange no nsou.