kolosai 1:22 - buacou seiso no faeva esvʉtʉ

²² maitan'e, ieni to mcoi to feango to okosi, isicu nanghianeni to hamo na muu, akoeva no poa yonto tuhcusi ho socofkoya, uk'a heo'tʉ, uk'a 'eongʉ no koica.

kolosai 1:22 ပူးပေါင်းရင်းမြစ်များ

looma 7:4

maanat'ohaesa, 'e a'a'ausnamu 'amoeno totiski tan'e. hoci emza to hoolicu, mimucu mcoi, maica ho zou 'oahngʉ to feango to kilisto na muu; maiten'e mimucu tma'usnu to moso i'mi to mcoi ho smoevovei ci nooe'oca, poacu meelʉ bumemealʉ nomio to hamo ho yaahioa.

kolinto 2 11:2

ho la'u ngohia muu micu ac'ʉhʉ no smo'eubut'u, totiski to hamo holasi mi'usni muu. maica mimu mais'a cofkoya ci oko no mamespingi, os'oc'o tovcongneni tomo cihi ci hahocngʉ na muu, 'ai'oeno kilisto.

kolinto 2 4:14

imza cohivi, i'o moso poa smoevovei to nooe'oca iesu ci hamo 'atasi ahtao'te yaeza poa i'upu to iesu ho poa smoevovei a'mi, a'vinano hafa a'mi ho ina muu ho toehungu uhto tuhcu to hamo.

kolinto 2 5:18

'e acʉcʉhʉ eni zouc'o acʉhʉ hi'hioa to hamo; isi ieni to kilisto ho poa naoveia na a'to ho i'o hamo, yaeza faeni a'mi 'e psoyaski no fukuin no naoveia.

'epeso 1:4

auyusi no teyai 'e hpʉhpʉngʉ, ohsicula ieni to kilisto ho epeiya a'to. poa yonta tuhcusi na a'to ho meelʉ socofkoya, ho uk'a ake'i ca'i ci cou.

'epeso 5:27

poa yonghu, socofkoya, uk'a heo'tʉ, uk'a ci ake'i ca'i ho aetuhu, ko'ko peelʉi sʉ'teni ta iachi.

kolosai 1:28

i'mi tan'e, mimza mi'usnu ta afu'u cou ho psoyaska 'o kilisto, boemi ta mav'ov'o ci moutʉs'ʉ ho kokoica ho po'pa'cohivi muu, akoeva no 'ucia poa yʉepʉngi ci sinto 'emo macicihi, hafa uhto tuhcu to hamo.

tesalonike 1 4:7

ho isi epeiya to hamo a'to, o'atesi poa yunsou no 'ayumona no ca'i, ma tesi poa socofkoya a'to.

tito 2:14

'o kilisto isi nomzi a'to ho ciha 'o iachi, to'usni a'to ho poa momeesih'i no afu'u kokuzo, poacu cofkoya ci 'o'okosi, tma'usnu to hamo, ho poa popeislʉlʉ.

hevulu 10:10

isicu pee'ofeihni to iesu kilisto 'o 'tohʉngʉ to hamo, sʉ'teni 'o iachisi feango, peisnʉski hocu aepʉnga, poa cofkoya a'to ho tmaovei to nooe'oca.

hevulu 10:20

isi ptuceoneni tamo mehacni cimo faeva ci ceonʉ, mehacni cimo yupaezumo to tohesa, 'aeno yupaezumo to feangosi cimo yaansou ci ceonʉ.

petelo 1 3:18

maica 'o kilisto mosola maezo peisnʉskʉ aepʉnga ho mcoineni na kuisi. isi peʉezi to moulʉlʉ 'o 'oha moulʉlʉ, akoeva no hafa muu ho uhto tuhcu to hamo. noa opcoza 'o feangosi, at'inghi isi pa'eunsova 'o piepiyasi.

petelo 2 3:14

ko'koeno, songohia ci maananghia, ho mimueno mooteo no hiesi ho mio, nte asno'zonʉ yonto tuhcu to hamo ho acocofkoya, uk'a e'omamzi no koica ci h'oyunsova, naovei to hamo.

yuta 1:24

tesi peelʉi noʉt'ʉci to hamo na muu ho o'te poa smopcuku, poa uk'a heo'tʉ na muu, meelʉ kokaekaebʉ ho uhto tuhcu to psoevohngʉsi.