kolosai 1:16 - buacou seiso no faeva esvʉtʉ

¹⁶ ieni to kilisto, ohsi teyai to hamo 'e acʉcʉhʉ ta pepe ho ceoa: 'ela teolʉi ho o'te teolʉi, a'upu namo yusuhngu no suoca'ha, tituhcu, aʉt'ʉcʉ ho mʉpʉtʉ no tonʉ ta moipiepiya, ieni to kilisto. maezo nomzo to kilisto. ohsi teyai to hamo 'e mouhpʉhpʉngʉ.

kolosai 1:16 ပူးပေါင်းရင်းမြစ်များ

yohane 1:10

yonta hpʉhpʉngʉ 'e e'e, 'o hamo isi ieni ta e'e ho teyai 'e hpʉhpʉngʉ, 'e yatatiskova nama ihe o'te honga.

yohane 1:3

'o hamo isi ieni ta e'e ho teyai 'e aʉcʉcʉhʉ; aucunu ta ohsila hia mouyoyai, uk'a cimo coni ci isi o'te ieni ta e'e ho teyai.

looma 11:36

maica 'e acʉcʉhʉ mo i'mi ta iachisi, ieni ta iachisi, noovei ta iachisi, na psoevohngʉ ta'usna'sio to hamo, ac'ʉhʉ no 'auesiesi! 'aamen.

looma 8:38

maica os'o asansana taa'uzva, uk'acite meelʉ tohesi no himngonghi to hamo. 'upena na mcoi, yaansoua; na tensi. nala atʉkcʉ ta moipiepiya; maitan'e, hocieno ho noana'o;

looma 9:5

zou mʉntʉ'ca to nia maameoi, hoci tamza no feangohe, mo cono suezopʉ 'o kilisto. i'omo tiʉt'ʉcʉ ta acʉcʉhʉ ci hamo 'auesiesia'sio tohmomoengeni, 'aamen!

kolinto 1 8:6

at'inghi hoci mi'usnu a'to moc'o cihi ci hamo, 'ai'oeno amopepe, mosola mooyai ta acʉcʉhʉ; mito nomio to hamo ho yaansoua. a'vinano, moc'o cihi ci nooe'oca, 'ai'oeno iesu kilisto; 'e acʉcʉhʉ ci macucuma isi ieni to kilisto ho teyai, ito ieni 'o kilisto ho yayo.

'epeso 1:10

ho tac'u no'sʉftonʉ na hiesi i'o tasi aepʉnga ci ohsi ta'koeva to hamo 'aeno: 'e ohsi afu'a teyai ta pepe ho ceoa tesi acʉha poa tma'usnu to kilisto. te papoevʉ 'o kilisto.

'epeso 6:12

maica o'amito mi'usnu tamo yaa hmuyu ho yaa feango ci cou, mito mi'usnu to h'aokuv'o ta mouhpʉhpʉngʉ, 'o teto mi'usni 'ai'olaeno aʉt'ʉcʉ, tʉʉt'ʉcʉ ta voecʉvcʉ ci hpʉhpʉngʉ, ho ito tonʉ no kokuzo ta hpʉhpʉngʉ.

pilipi 2:10

te akoeva no einva 'o ongko to iesu, acʉcʉhʉ na yane pepe, ta hpʉhpʉngʉ, ho ina yane mʉ'eona ta ceoa cila mayayaansoua, te acʉhʉ mi'usnu ho m'ohkuyu.

kolosai 1:15

'o kilisto zou mi'ausnasi to o'alato teolʉi ci hamo, mo tosa'ohe ta acʉcʉhʉ pehoza ci oko.

kolosai 1:20

ieni ta oko, 'o hamo isi iachia esvʉta no i'vaho naovei 'e mouhpʉhpʉngʉ. isi ieni to mcoi to zuuzika 'o okosi ho aepʉnga na suseomʉ. i'vaha poa tma'usnu to hamo 'e aʉcʉcʉhʉ ta pepe ho ceoa.

kolosai 2:10

mimu yupa cmunghu 'o kilisto, maezo mayo no atngaso ci nsou. zou papoevʉ, tosa'ohe to acʉcʉhʉ cila titutuhcu le'aʉt'ʉcʉ ta moipiepiya.

kolosai 2:15

yonto zuuzika, isicu iachia yunga to kilisto ina tonʉ tola titutuhcu ho le'aʉt'ʉcʉ ta moipiepiya, isi holeo ho paata'zeni tamo botngonʉ ci cou.

hevulu 1:2

at'inghi to puesona ta hie, isi ieni to okosi ho mi'usnu a'to ho aomotʉ'ʉ. 'e oko eni, 'o hamo ohsila ieni ho teyai 'e mouhpʉhpʉngʉ, a'vinano epeiya ho poa tiuskeni 'e aʉcʉcʉhʉ.

hevulu 2:10

i'o moso mooyai ho asusuce ta acʉcʉhʉ ci hamo isi poa sucaefi to 'atutumzo 'o iesu, meelʉcu noemʉhʉ, tesi akoeva no poa meelʉ toehungu tma'upu no psoevohngʉsi na 'o'okosi; mo 'aseolʉ ho isi yaica to hamo. maica 'o iesu 'aeno anana'o papoevʉ no hafa 'e cou ho yʉmeʉmʉ no to'usnu.

petelo 1 3:22

micu uhne pepe 'o iesu kilisto, maicutan'e mo yonto vhona to hamo, aʉt'ʉca na afu'u tensi ho inala aʉt'ʉcʉ ho yaa tonʉa ta mouhpʉhpʉngʉ.