kolosai 1:12 - buacou seiso no faeva esvʉtʉ

¹² 'aveoveoyʉ to amopepe, maica ho isi poa yaa ongko no tma'upu no ohsila songacveni no sinto cimo ʉm'ʉmnʉ to 'ayumona to tiskova ci hpʉhpʉngʉ na muu.

kolosai 1:12 ပူးပေါင်းရင်းမြစ်များ

matai 25:34

ataveisi, tesi yainca to honte 'omo yonto vhonasi: <<'e isi fii no ʉm'ʉmnʉ to amo ci cou, temu uhtan'e! uhtan'e ho tiou ta ahoi ne ohon'a teyai 'e ceoa ho ayocneni muu ci hpʉhpʉngʉ.

yohane 14:6

yainca to iesu: <'aeno ceonʉ, so'emio, nsou na a'o; hoci o'te ieni a'o, uk'aci te meelʉ uhto lasi yoni to amo.

yohane 20:17

yainca to iesu: <'ote ti'eopʉ a'o, maica ho o'a mocu mi'o uhto lasi yoni to amo'u. teko uhto maanat'ohaesa'u ho eʉsvʉta: <> >

yohane 4:23

at'inghi tec'u cmʉ'ho 'e hiesi, 'acueno maitan'e, namo a'ʉmtʉ m'ohkuyu to amopepe, mo i'mi no piepiya ho taico no 'tohʉngʉ ho m'ohkuyu. 'ai'emoeno maica ci hia m'ohkuyu 'e tesi p'enza to amopepe.

sitoo 20:32

sitoo 26:18

teko paavi 'o mcoohe, poa i'mi no voecʉvcʉ ho miezuhu no tiskova, momeesih'i no tonʉ to satan ho miezuhu to hamo, ko'ko meelʉ i'mi homo tmaa'uzo a'o ho noa peteongasa na kuisihe, a'vinano yaa ca'hʉa to 'ayumona to 'o'oko to hamo.>> >

looma 11:17

piyo ci ehti to 'olivu isi tibkoca. cnguhneni 'o ehti to 'olivu no yʉn'ʉ, na suu couyafana mo mais'a evi no 'olivu no yʉn'ʉ. maitan'e cu tma'upu to yuayayokeo ho yutataso ci nsou to couyutaya,

looma 15:27

'aeno'so ihe yukaeba hioa na eni, a'ʉmtʉsi mantehe anana'va hioa. 'e sinto ta couyutaya ho iheeno poa tma'upu nomo no'usnu to mengumi no piepiya 'e couyafana, 'e couyafana 'antehe anana'va to'usni no macucuma 'o couyutaya.

looma 8:17

ho zoueno 'o'oko to hamo, tetocu tma'upu no ohsila ayocneni to 'o'oko to hamo ci ʉm'ʉmnʉ, maezo tma'upu no ohsi songacveni to kilisto; maica, hocito mako e'paevai no 'atutumzo to kilisto, tetocu maezo tma'upu no psoevohngʉsi.

looma 9:23

tesi yaeza epa'teni a'to na atngaso ci psoevohngʉsi. 'aeno a'to na tesi mi'usni ho coveoza, a'vinano zou isi ayoca no poa tiou no psoevohngʉsi ci cou.

kolinto 1 8:6

at'inghi hoci mi'usnu a'to moc'o cihi ci hamo, 'ai'oeno amopepe, mosola mooyai ta acʉcʉhʉ; mito nomio to hamo ho yaansoua. a'vinano, moc'o cihi ci nooe'oca, 'ai'oeno iesu kilisto; 'e acʉcʉhʉ ci macucuma isi ieni to kilisto ho teyai, ito ieni 'o kilisto ho yayo.

kolinto 1 9:23

mi'o nomio ta fukuin ho hioa 'emo maica ci hi'hioa, na atuhcusi te'o 'ucia poa tma'upu no ʉmnʉsi ta fukuin 'e cou.

kolinto 2 11:14

a'ʉmtʉsi o'ate nama yamceni. ac'ʉhʉ to satan la maezo tmaangeai ho mais'a tiskova ci tensi!

kolinto 2 5:5

'o hamo isi iachia ayoca ho poa suseolʉ tamo maica ci te aezuhu na a'to, isi pafeni 'o seilei ho titha hosoo a'to.

'epeso 1:11

acʉcʉhʉ 'e macucuma ta mouhpʉhpʉngʉ te acʉhʉ maino ohsi ta'koeva ho ino ohsi esvʉtʉ to hamo ho aepʉnga. 'o hamo mo i'tohungu no ohsila ahoza esvʉta ci 'tohʉngʉ, ieni to kilisto ho epeiya a'to ho teyai 'o'oko.

'epeso 1:18

la'u yaeza p'enzeni to hamo ho paavi na mcoo ta 'tohʉngʉmu, temu ko'ko cohivi: ho isi eyoho'a muu cuma na temu elʉa cite ta'usni; na isi teomneni ta 'o'okosi ci ezoyʉ mio mainenu na hia atngaso;

'epeso 2:18

ieni to kilisto, 'upena 'e couyutaya ho i'e couyafana, teto acʉhʉ meelʉ yono 'ayumona to conci seilei ho uhto tuhcu to amopepe.

'epeso 3:6

na 'ayumona ta moumsʉ'eonʉ tan'e mo maica: ieni to fukuin, 'o couyafana te meelʉ totiski to couyutaya ho tma'upu no isi faeni to hamo ci ʉm'ʉmnʉ. zou maesoesou ta mo conci feango, a'vinano tma'upu to isi ieni to kilisto iesu to hamo ho epa'tenicu ci ohsila teomneni.

'epeso 4:6

mo cihic'o ci hamo, 'aeno 'o amo ta yatatiskova; mo no'ayumonʉ ta acʉcʉhʉ, poʉt'ʉca 'e acʉcʉhʉ. espopaezuma ta acʉcʉhʉ.

'epeso 5:11

teav'a hioa 'o lahe hioa tomo noovoecʉvcʉ ho uk'a koa ʉmnʉ ci hi'hioa, la apuya eafa 'emo maica ci hi'hioa.

'epeso 5:20

la epici to ongko to nooe'oca iesu kilisto ho mi'usnu to hamo ho 'aveoveoneni 'e mav'ov'o ci hi'hioa.

'epeso 5:4

maezo o'atemula mo'engho nomo epak'i, eloʉngʉ, hocieno ca'i ci e'e; la conino mo'engho no 'aveoveoyʉ to hamo ci e'e.

'epeso 5:8

mohmula anana'o yonto mo voecʉvcʉ, at'inghi ahoi ne mohmucu sinto to nooe'oca, mimucu yonto 'ayumona to tiskova. 'elamu h'oyunsova la asansano mais'a yatatiskova.

kolosai 2:2

te'o poa elʉ no poucufnu, meelʉ boemi no himngonghi ho tmuteuyunu, i'mi nomo bocbochio bohbohngʉ ho cmʉfeʉ ci singkoo ho honga na moumsʉ'eonʉ to hamo; 'e moumsʉ'eonʉ eni. 'ai'oeno feango to kilisto.

kolosai 3:15

'e isi pafeni to kilisto ci moususeomʉ la sotmoyaevona ta 'tohʉngʉmu; nomio no poa yaa moususemʉ na muu, isi epeiya to hamo muu ho poa conofeango, temula 'aveoveoyʉ.

kolosai 3:17

'upena hoci cuma nala hioa, cuma nala e'e, temula aa'pucu boemi to ongko to kilisto, ieni to kilisto ho 'aveoveoyʉ to hamo.

tito 2:14

'o kilisto isi nomzi a'to ho ciha 'o iachi, to'usni a'to ho poa momeesih'i no afu'u kokuzo, poacu cofkoya ci 'o'okosi, tma'usnu to hamo, ho poa popeislʉlʉ.

hevulu 12:23

mimu esmi ta 'oyona yu'eteuyunu 'aveoveoyʉ to pehoza ci 'o'oko to hamo, 'o ongko tamo maica ci mapepehoza isicu acʉha tposi ne pepe. mimu esmi ta tuhcu tola yʉsvʉtʉ ta yatatiskova ci hamo, esmi to micu a'sʉftonʉ ehcʉ'ho to moulʉlʉ ci piepiya.

hevulu 3:1

noa epeiya ho eyoho'a to hamo ci sinto maananghia, ntemu ta'to'tohʉngva 'o iesu; 'aeno 'o ito ehohonga ta singkooto ci soskuskunu ho taisaisi.

hevulu 3:14

hocito peelʉi amamahtʉica na nia ahoi singkoo, o'te avaevoezuhu, 'amitocueno toehungu yaahioai 'o kilisto.

yakovu 3:9

lato boemi ta umo ho tohmomoengʉ to nooe'oca, to amopepeto, tena maezo boemi ta umo ho patkuzoi 'e ohsila teyai to hamo ho poa mi'u'usnu no mi'ausnasi ci cou.

petelo 1 5:1

te'o ieni ta ongko no'u coolo ho mi'usnu ta mimu maezo coolo ci haah'o ho noa 'tohʉngʉ. na a'o la'u 'akasi 'o 'atutumzo to kilisto ci cou, tma'upu to tenala epa'teni ci psoevohngʉ ho noana'o. te'o m'em'ene muu,

yohane 1 1:3

'e omza afu'a aiti, ho talʉi imza psoecʉ'ha muu, ko'ko poa meelʉ i'upu a'mi ho mai'upu ta cono taucunu; 'e cono taucunu eni 'aeno teto toehunga tanua 'o amopepe ho i'o okosi ci iesu kilisto.

mokusi 21:23

'e hosa eni o'a nama yaa tiskova no hie ho feohʉ; maica isi psoetiskovi to psoevohngʉ to hamo, 'o okomoatʉ'nʉ 'aeno lampu ta hosa tan'e.

mokusi 22:14

inala toʉlʉi na yʉsʉsi ci cou te a'ʉmtʉ ʉm'ʉmnʉ! te meelʉ bonʉ to beahci to evi no nsou, a'vinano te meelʉ emomzo to phingi to hosa ho yʉmeʉmʉ to 'ayumonasi.

mokusi 22:5

'o ne'e o'anate ivaho yaa feʉngna; o'ate nama sotiskou no hie ho lampu, maica zou tiskovahe 'o nooe'oca hamo. te honte ho aʉt'ʉcʉ, ac'ʉhʉ no 'auesiesi.