Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




kolosai 1:10 - buacou seiso no faeva esvʉtʉ

10 maicac'o, ina h'oyunsovamu tec'u meelʉ toseolʉ no 'tohʉngʉ to nooe'oca, aa'pucva poa ʉm'ʉmnʉaneni. a'vinano, te meelʉ yonta h'oyunsovamu ho beahci no mo mav'ov'o yonghu ci beahci, na hia bohngʉ to hamo te maezo apuhngu.

အခန်းကိုကြည့်ပါ။ ကော်ပီ




kolosai 1:10
44 ပူးပေါင်းရင်းမြစ်များ  

o'as'a muu namo epei a'o, ma a'o namo epei muu, a'vinano os'o skuna muu ho poa beahci note no'auesiesi ci beahci. temu boemi ta ongko'u, 'upena hocimu mi'usnu to amo'u ho m'ene no cuma, 'atesi ahta o'te pafeni muu.


'o amo'u te i'mi ho cimu yoyʉho'a ho psoevohngʉ, temu maezo i'mi tan'e ho ta'upa no tesi'u.


honga suu ho zou cihic'o ci a'ʉmtʉ hamo, a'vinano honga 'e osko popeoskuna ci iesu kilisto, 'aeno 'auesiesi nsou.


maanat'ohaesa, te'o poa cohivneni muu, mo'u siho ma'koyu no baito muu, at'inghi la conino yaa nomʉtʉ ci hi'hioa ho o'te emozou. na te'o mituhci nte'o uhta taicomu ho engochʉ ta cou ho poa tmaa'uzo to nooe'oca. totiski ho la'u yonto taico to mocmo ci couyafana.


zou maezo amo to mohcu tiou no s'e'honga ci cou, o'amo anou i'mi ho ihe tiova na s'e'honga, mo maezo i'mi ho mosola to'ofeihni to nia maameoito ci 'avulahamu. yono o'amocu moso tiou no s'e'honga hocu ho'honga namo yaa singkoo ci h'oyunsovahe.


ieni to toonono, mitocu fiho mcoi, su'upa efo'a; aʉlʉ mais'a 'o amopepe isi ieni to psoevohngʉ ci tonʉsi ho poa i'mi to mcoi 'o kilisto ho smoevovei, teto totiski maezo mino mo faeva ci h'oyunsova.


at'inghi, 'aveoveoyʉ to hamo! maica lasi asngʉcva eahahafa a'mi, 'e ohsila holeo to kilisto ci a'mi poa meelʉ to'upu toteuyunu to kilisto homo atpʉtʉ. isin'a yaeza titha a'mi ho poa meingongabo 'o namusngau ho mito bohngʉ to kilisto.


i'omoso mainca ci hamo. 'aeno maezo i'omo boemi to tiskova ho psoetiskovi 'e 'to'tohʉngʉto ci hamo; isi poa bohngʉ no psoevohngʉ to hamo a'to, psoe'usna to sapci to iesu kilisto.


na atva'esisi, zou. 'upena hoci yonta feango ta ceoa, hocieno paceofa namo tma'usnu ne pepe ci feango, temza ma'koyu no noa ʉm'ʉmnʉa to nooe'oca.


tesi asuhca pafi no atngaso to hamo na muu, o'atesi anovac'o poa am'amso ho yaa ang'osʉa na muu, teen'a meelʉ butotaso tamo mav'ov'o ci peis'ʉ'ʉmnʉ ci hi'hioa.


la'u m'ene to hamo to nooe'oca iesu kilisto, psoevohngʉ ci amopepe, pafi'sio no seilei na muu. 'e seilei eni tesi fii no moutʉs'ʉ muu, paavi muu ho poa bohngʉ to hamo.


zou hamo na moso mooyai a'to; isi ieni to kilisto iesu ho teoezuhi a'to, poa peislʉlʉ a'to; na eni ohsicu noana'va ta'eoyoca ho poa hioaneni a'to.


ko'koeno, te'o poucufna muu - mi'o i'mi no fifiho to nooe'oca ho noa poekotva - na lamu peipeis'ausna ntemu acʉha poa toseolʉ to ohsi p'eyac'a to hamo ci huomza ho ohsila eoho'a muu.


sotaveisi, tetocu yaa tohmʉskʉ ci singkoo ho bohngʉ to oko to hamo; teto yusuhci ho yʉepʉngi, ohcʉ'ho to h'aucucunu ci mi'a'ausna to kilisto.


la husansana zou cuma na lasi ʉm'ʉmnʉa to nooe'oca ci hi'hioa.


ko'koeno, la bumemealʉ na lamu peipeis'ausna. 'ote mais'a nongonongo ci cou, la mais'a 'ola moutʉs'ʉ ci cou.


nalamu h'oyunsova la aa'pucva peiseafo no himngonghi, aʉlʉ 'o kilisto ho isi ngohia a'to, nomio a'to ho ciha 'o nsousi, mooyai namusngau ci sʉ'ta ho sʉ'teni to hamo.


na h'oyunsovamu te nongcʉngcʉ na isi ieni to iesu kilisto ho yayo ci beahci no moulʉlʉ, ho psoevohngʉ tohmomoengʉ to hamo.


ina te sotva'esa zou: na h'oyunsovamu la poa toseolʉ to fukuin to kilisto. maicac'o, 'upena hoci'u o'te meelʉ baito muu, te'oc'o acʉha cohivi lamu yaa totiski cite mituhci, mahtʉicʉ ho o'te aezuhu, tohmʉskʉ ci 'tohʉngʉ toteuyuneni na tonʉ ho nomio no singkoo ta fukuin ho 'aanana'o ehtothomʉ.


'aeno eni 'ete huomza ta imu faeni a'o; i'e imu taha'veni a'o mo asa'ohe to la'u tititha. 'o 'ipafoti isi pahcʉ'ha 'e imu faeni a'o cimo atngaso ci teonghia, aʉlʉ mais'a meaemo'ʉ ci namusngau, isi ʉm'ʉmnʉa to hamo ci sʉ'ta.


cu antʉhʉ 'o hia yupecnguhu to kilisto. na a'ʉmtʉsi, inac'o i'mi ta fnguu ta feango, 'ai'oeno kilisto, niante meelʉ mayo no konansou, ieni to yupa tʉyʉcʉ 'e ma'vo'vokʉ maveoveocʉ ho yuecngucnguhu, maino 'tohʉngʉ to homo ho ausuhcu yusuhci.


ho imueno tiova ho nooe'oca 'o kilisto iesu, temu asansana sotaica no lamu peipeis'ausna.


'e mao'o'oko, temula aa'pucu tmalʉ to maameoi; maica lasi ʉm'ʉmnʉa to hamo na eni.


ho lamu noteuyunu to o'ala tmaa'uzo ci cou la bumomoʉtʉs'ʉ, la tiuseoseolʉa na 'oc'ocic'o.


lamza poucufna muu, ao'pova muu; lamza o'te tosveni eucucufna muu, la yono h'oyunsovamu ho noa ʉm'ʉmnʉa to hamo - isi eoho'a muu ho poa tma'upu no hpʉhpʉngʉ ho psoevohngʉsi.


ataveisi, maanat'ohaesa, mimucu meelʉ momaemaezo a'mi ho yono h'oyunsova ho cohivi nate hia noa so'eʉ'ʉmnʉa to hamo - a'ʉmtʉsi, mimu apaezumo maica; maitan'e temia epici to ongko to nooe'oca iesu ho poucufna muu, temu'sola asuhcu bitotonʉ.


'emon'a ahoi heetai hoci akoyu no mici noa ʉm'ʉmnʉa no taicinisi. o'ate ʉmnʉ hoci poa taip'ʉcneni no hi'hioa ta yafana.


teko poutʉs'ʉa 'emo botngonʉ, la meo'uzo tola yaa tonʉ no tiʉt'ʉcʉ ta hpʉhpʉngʉ, tmaayaezoyʉ to lahe pashʉya, conino ae'ayocʉ peismi tomo ʉmnʉ ci hi'hioa.


poa aʉsvʉsvʉtʉ asno'zonʉ peislʉlʉ 'o iachito 'oahngʉ, ho poa am'amso nala tititha ta h'oyunsova; 'otela mo'ma'na'o ho uk'a a'a'ausna ci cou.


i'mi no singkoo, meelʉ o'te mcoi 'o 'ino. isi taspepza ho uhto isi yoni to hamo, o'ana ohe elʉa to cou, maica ho isi tiova to hamo. yainca to seiso, ne o'amocuisi taspepza ohsicu ʉm'ʉmnʉa to hamo.


teav'as'ala ta'payo'a na peis'ʉ'ʉmnʉ ho to'usnu no mocmo ci cou, maica 'ai'emoeno maica ci sʉ'ta 'e isi ʉm'ʉmnʉa to hamo.


'aeno eni nantemu anana'va seocavi ci yu'ausna, hocimucu acʉha poa noemʉhʉ eni, 'atemu ahtuo'te h'unano tvaezoya h'unano mipo'ʉ'ʉmtʉ no 'ucia a'ʉmta honga 'o nooe'oca iesu kilisto.


temula yonto 'ayumona to nooe'oca - to mengumi to nooe'oca iesu kilisto ho ino hiato honga, a'cʉ'cʉnʉ ohsuhcu, no'usnu'sio to nooe'oca na psoevohngʉ, ahoi maitan'e ac'ʉhʉ no 'auesiesi! 'aamen.


'upena hocito mi'usnu to hamo ho m'ene no cuma, tesi acʉha pafeni a'to; maica ho mito meot'ʉt'ʉcʉ to mashʉyʉsi, hioa 'o lasi afu'a ʉmnʉa ci hi'hioa.


ito cohivi, micu cmʉ'ho 'o oko to hamo, a'vinano pafi no toutʉs'ʉ na a'to, ko'ko poa bohngʉ to a'ʉmtʉ hamo na a'to. mito no'ayumonʉ no nsou to a'ʉmtʉ hamo. 'aeno 'ayumona to nsou to okosi iesu kilisto. zou a'ʉmtʉ hamo, 'aeno 'auesiesi ci nsou.


ohela mi'usneni ta kiokai tan'e ho ec'ʉha na himngonghi ci 'tohʉngʉsu. teko'so maino lasi ʉmnʉa to hamo, to'usni ho meelʉ smai'cʉ'cʉnʉ no tehe mia ci ceonʉ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ