kolinto 2 7:11 - buacou seiso no faeva esvʉtʉ

¹¹ temu aiti, 'o hamo isi yainenu na hia tiseolʉa na nac'omu, poa 'aumeumeusu no eto'usni 'e iachi, a'vinano pa'teni na sohsohpoi no mici peis'ʉ'ʉmnʉ, aʉtʉs'ʉ, mingeou, meot'ʉt'ʉcʉ, koicʉ no 'oha peislʉlʉ! yontamo mav'ov'o lamu soomei na lamu hia peihcocofkoya.

kolinto 2 7:11 ပူးပေါင်းရင်းမြစ်များ

maluko 3:5

mo teosʉsʉ'no 'o iesu ho miukukuyungu, 'o 'tohʉngʉsi mo nomio tamo maica ci cou ho nac'o, maica mo tmukʉhtosʉ 'o 'tohʉngʉhe. isicu mi'usni 'omo tma'congo ci cou ho yainca: ne isicu hoʉsʉzneni, micu yuovei ʉmnʉ 'o emucusi.

yohane 2:17

ihe talʉa to tesisi 'o isi tposi to seiso ci e'e:

sitoo 17:16

ne mo yone yaaten 'o poolo ho totea 'o siila ho i'o temote, isi yuue'iya mo nongabo to hosa 'o uacoua, mo na'no nac'o 'o 'tohʉngʉsi.

looma 11:20

mioeno o'te emzo 'e e'e eni. ho isi tibkoca, mo i'mi ho o'aihe taa'uzva; ho miko meelʉ bʉʉlʉlʉ, mo maica ho miko tmaa'uzo. at'inghi o'a teko bitano, la conino yaa etngou ci 'tohʉngʉ.

looma 14:18

'emo maica ci hia fifiho to kilisto ci cou 'ate ahtuo'te noa ʉm'ʉmnʉa to hamo. ho emomoengʉa ta cou.

looma 3:5

ina 'oha moulʉlʉto hoci peelʉi husansana na moulʉlʉ to hamo, tetoeno av'a? hocisi patvovei to hamo a'to, tetoeno yainca o'amo moulʉlʉ 'o hamo? (os'o ieni tala hia ma'to'tohʉngʉ ta cou ho engha.)

kolinto 1 12:25

ko'ko poa o'te apopaevai 'e cono feango, 'emo mav'ov'o ci maesoesou te meelʉ yupa aʉt'ʉt'ʉcʉ.

kolinto 1 5:2

cuma na temun'a peelʉi etanveni? mantemu apuyu cong'e 'tohʉngʉ, saapayo'a ta taicomu emoo peismi tamo maica ci cou.

kolinto 2 13:7

temia 'inoli to hamo, poa o'te peiskuzkuzo na muu; o'ates'a yainca te ep'opnanfa ho lamza masvo'ho no hʉsvʉta, mate 'ucia poa yaa mousʉngcʉ ci peipeis'ausna muu, 'upenaeno hoci hu'u'usna no mimza peispapayo'ʉ.

kolinto 2 2:6

'emo maica ci cou ho isi maka toehunga koica 'atec'u amso.

kolinto 2 6:4

nomio no yonta acʉcʉhʉ ci hi'hioa ho epa'teni ho zou soskuskunu to hamo a'mi, lamza buveici tamo mav'ov'o ci 'atutumio, thi'cia, ngoseo.

kolinto 2 7:1

ngohia ci maananghia, ho mitocueno yaa maica ci teomneni, nteto poa cofkoya 'e iachi, toonva namo afu'u koa ca'i ta feango ho piepiya ci hi'hioa, yono einu to hamo ci h'oyunsova ho ohcʉ'ho no socofkoya.

kolinto 2 7:7

o'amo anouc'o uhtan'e, mion'a mi'usnu a'mi ho eʉsvʉta na hiasi i'mi muu ho mayo no poucufnu, ho ina lamu hia tongsoya hocimu ahta aiti a'o, mainenu nala hia nac'o, ho ina hiamu eto'usni a'o; acʉcʉhʉ eni isi h'unano topuhngi na hia'u kokaekaebʉ.

kolinto 2 7:9

at'inghi, mi'o na'no kaebʉ maitan'e, o'as'a ho os'o poa nac'o na muu, ma homo i'mi no nac'o ho aezuhu na 'tohʉngʉmu. isi tiseolʉa to hamo na nac'omu, i'mi tan'e te peelʉi yainca i'e imza hioa o'aisi alolonga muu.

kolinto 2 9:2

os'o cohivi mimu smoekaebʉ no tuyafa na tonʉ, i'mi tan'e mo'ula mi'usnu to yane makitong ho etanveni na hiamu mealʉ. o'u yainca: <'o sinto ne 'akaiya. micu ahoi ne nʉt'ʉcu ho ae'ayocʉ.> ina lamu hia ma'cucuveu ci 'tohʉngʉ isicu poot'ova 'o 'tohʉngʉ to botngonʉ ci cou.

'epeso 4:26

hocimula ma'sosohpoi, 'ote i'mi ta sohpoi tan'e ho peiskuisi; maezo 'otela conohie ma'sʉsʉ'no,

'epeso 5:11

teav'a hioa 'o lahe hioa tomo noovoecʉvcʉ ho uk'a koa ʉmnʉ ci hi'hioa, la apuya eafa 'emo maica ci hi'hioa.

pilipi 2:12

songohia ci maananghia, ne mo'ula no'upu muu lamu asngʉcva talʉi a'o; maitan'e ho o'a mi'o no'upu muu, ntemu h'unasa talʉi a'o, la ma'eopeophi. o'te tosvo asno'zona aepʉnga na to'usni 'e iachi;

tesalonike 1 4:6

yonta mo maica ci hi'hioa, 'otes'a yaa 'oha einu tola toteuyunu hocieno yaa aaknuesu ci peipeis'ausna. omzacula mi'usni muu ho eʉsvʉta, yaeza engahva muu: 'atasi ahtao'te patvovei to hamo 'emo maica peis'epo ci cou.

temote 1 5:20

la apa'ta koica 'ola afu'u peiskuzkuzo ci cou, te ko'ko maezo tohayo 'o 'tohʉngʉ to mocmo ci cou.

temote 2 2:15

la asno'zonʉ yonto tuhcu to hamo ho meelʉ masvo'ho no bʉhsʉftʉ, o'te ma'kokoe'i ci soskuskunu, etuhca ho tekola eʉsvʉsvʉta 'o so'emio ci e'e.

tito 3:8

'e e'e eni te peelʉi taa'uzva. os'o tata'za hociko ep'opnanfa 'emo maica ci hi'hioa, ko'ko poa asno'zonʉ peismi nomo ʉmnʉ 'omo tmaa'uzo to hamo ci cou; 'emo maica ci hi'hioa mo yonghu, koa ʉmnʉ ta cou.

hevulu 4:1

ho isieno teomneni to hamo ho teto tma'upu to isi pafeni ci soanono, manteto yaa ma'sasmoyo ci 'tohʉngʉ, citehes'ala ta'unano pano mimu peispapayo'ʉ, ho o'tena meelʉ tma'upu no soanonosi.

yakovu 3:17

at'inghi, 'omo i'mi ne pepe ci moutʉs'ʉ mo piyo cila humzi: 'o ahoisi zou cofkoya, 'o cnguhusi zoucu moususeomʉ, luaeinva, nanghia, nongcʉngci to himngonghi, meelʉ beahci nomo atngaso ci ʉmnʉ, o'ala ma'cachi, o'amo me'ʉ'ʉmnʉ.

petelo 1 1:17

holamu 'inoli, lamu yainca amo 'ola ieni no la peipeis'ausna, boemi no conci svʉta ho yʉsvʉta 'e cou ci hamo; homo maica, ta hiesi ho mimun'a nouchichipi ta hpʉhpʉngʉ ntemu einu to hamo.

petelo 1 2:2

la mais'a 'o mon'a yuhoi ci foinana, conino tongsoyʉ no cofkoya ci nun'u no piepiya, ieni ho yusuhci, elʉ no to'usnu.

yuta 1:23

pantotemu i'mi to taico to puzu ho to'usni; pantomon'a h'unasi ci cou temu acocoveoza, at'inghi te tohayo, ac'ʉhʉ to micu aaso no smoc'ou ci 'i'ihosahe ho yaeza kuzoa.

mokusi 3:19

mi'usnu ta os'o ngohia ci cou, la'u acʉha kokoica. ko'koeno, tekola ma'cucuveu, la ma'vovei.