kolinto 2 7:1 - buacou seiso no faeva esvʉtʉ

¹ ngohia ci maananghia, ho mitocueno yaa maica ci teomneni, nteto poa cofkoya 'e iachi, toonva namo afu'u koa ca'i ta feango ho piepiya ci hi'hioa, yono einu to hamo ci h'oyunsova ho ohcʉ'ho no socofkoya.

kolinto 2 7:1 ပူးပေါင်းရင်းမြစ်များ

matai 12:33

matai 5:48

temula a'sʉftonʉ, aʉlʉ mais'a 'o amomu pepe na hia a'sʉftonʉa.>

matai 5:8

'ola tʉs'ʉ ci 'tohʉngʉ a'ʉmtʉs'a ʉm'ʉmnʉ; tehe teolʉi 'o hamo!

sitoo 9:31

ne mio, 'o makikiokai ne yutaya, ngalilaya, samalia moso i'nanʉskʉ yaa hiesi no suseomʉ. 'o kiokai mo yono m'ohkuyu to nooe'oca, to'usni no seilei ho p'eʉlʉlʉa, huhucmasi apuhngu 'o hia botngonʉ to sinto.

looma 5:20

ho isi p'eyac'a 'e hoolicu isi poa asuhcu man'i 'e kuisi ta cou; at'inghi. homo asuhcu man'i na kuisi, na mengumi to hamo mo maezo asuhcu atngaso.

kolinto 1 6:20

maica ho isi psuepzi phini na muu. ko'koeno, temula boemi ta feangomu ho psoevohngʉ to hamo.

kolinto 2 1:20

na ohsila teomneni to hamo homo yonto feango to kilisto 'acueno acʉhʉ . ko'koeno temzacu ieni ho mainca <'aamen> ho psoevohngʉ to hamo.

'epeso 2:3

a'ʉmtʉsi, ne auyusi 'e mito macicihi, mohtola totiski ta a'a'ausnahe, poa 'aʉnpʉnpʉ 'e ma'konvosʉto ta yu'ausna ho mee'ofeihni ta iachi 'tohʉngʉ. ko'koeno, o'amito toskucuhe ta mocmo ci cou, isi acʉha asvʉta no tiou no patvovei to hamo.

tesalonike 1 3:13

maicac'o, tesi poa ma'mahtʉicʉ muu, ho tenac'u cmʉ'ho 'o nooe'oca iesu ho i'o masisintosi, meelʉ yonto tuhcu to hamo ho cofkoya ho uk'a heo'tʉ.

tesalonike 1 4:7

ho isi epeiya to hamo a'to, o'atesi poa yunsou no 'ayumona no ca'i, ma tesi poa socofkoya a'to.

tesalonike 1 5:23

i'ola mofi a'to to soanono ci hamo tesi'sola poa a'sʉftonʉ cofkoya muu! tesi'sola aʉt'ʉca na piepiya, hzoo, ho feangomu, ho tac'u i'vaho cmʉ'ho 'o nooe'oca iesu kilisto meelʉ h'aucucunu!

hevulu 12:23

mimu esmi ta 'oyona yu'eteuyunu 'aveoveoyʉ to pehoza ci 'o'oko to hamo, 'o ongko tamo maica ci mapepehoza isicu acʉha tposi ne pepe. mimu esmi ta tuhcu tola yʉsvʉtʉ ta yatatiskova ci hamo, esmi to micu a'sʉftonʉ ehcʉ'ho to moulʉlʉ ci piepiya.

hevulu 12:28

ko'koeno, teto nomio to o'ate taot'ova ci hpʉhpʉngʉ ho to'aveoveoyʉ. teto fiho no isi ta'ʉ'ʉmnʉa to hamo, boemi no einu ci 'tohʉngʉ ho fifiho to hamo,

hevulu 4:1

ho isieno teomneni to hamo ho teto tma'upu to isi pafeni ci soanono, manteto yaa ma'sasmoyo ci 'tohʉngʉ, citehes'ala ta'unano pano mimu peispapayo'ʉ, ho o'tena meelʉ tma'upu no soanonosi.

hevulu 6:9

at'inghi, songohia ci maananghia, 'upena ho isieno pat'usna yaica, imzac'on'a asngʉcva ta'sansana taa'uzva tee asuhcu ʉmnʉ na a'a'ausnamu, asuhcu nocmu'u no noa to'usni.

yakovu 4:8

hocimu bicmu'u to hamo, 'atesi ahtao'te bicmu'i to hamo na muu. 'ola yaa kuisi ci cou, la poa cofkoya na emucumu! 'ola me'ʉ'ʉmnʉ ci cou, la poa cofkoya na 'tohʉngʉmu!

petelo 1 1:15

'omo eyoho'ʉ muu ci hamo mo socofkoya; ta lamu afu'a hi'hioa te aa'pucva yaeza poa socofkoya.

petelo 1 1:17

holamu 'inoli, lamu yainca amo 'ola ieni no la peipeis'ausna, boemi no conci svʉta ho yʉsvʉta 'e cou ci hamo; homo maica, ta hiesi ho mimun'a nouchichipi ta hpʉhpʉngʉ ntemu einu to hamo.

petelo 1 1:22

maitan'e, maica ho mimu meo'uzo to so'emio, imucu poa acocofkoya si iachi, a'vinano lamu yaa mais'a cono feango to mocmo ci sinto, a'ʉmtʉ i'mi no taico no 'tohʉngʉ ho yupa himngonghi.

petelo 1 2:11

songohia ci maananghia, ho mimu yonta hpʉhpʉngʉ moc'o nouchichipi, la covnʉ ci cou. te'o eucufna muu. teav'a poa 'aʉnpʉnpʉ no poc'ou si feangomu; 'emo maica ci poc'ou la conino ehtothomneni 'e piepiya.

petelo 1 5:10

at'inghi, ataveisi ho mimu tiou ta akameosʉ ci 'atutumio, i'ola mofi to afu'u mengumi ci hamo, 'ai'omoeno eyoho'ʉ muu ho ieni to kilisto iesu ho yuecnguhu ho toehungu tma'upu no psoevohngʉ ci hamo, 'atasi ahtao'te iachia p'eʉlʉlʉa. amamahtʉica, pafi no tonʉ ho ino tmaʉlʉlʉ ci totnguca na muu.

yohane 1 1:7

at'inghi, ho cito yaansou to taico to tiskova, mais'a 'o hamo hola yono taico to tiskova, tetocu meelʉ yupania cono taucunu, ina hmuyu to okosi ci iesu tesi toʉlʉi na afu'uto kuisi.

yohane 1 1:9

hocito mi'usnu to hamo ho eh'ʉta na kuisi, zou mou'ʉmtʉ ho moulʉlʉ 'o hamo, tesi peteongasa na kuisito, toʉlʉi na ohtola afu'a hioa cimo o'te emio.

yohane 1 3:3

nala afu'u mooteo no aopa'to 'o kilisto ci cou te acʉhʉ iachi ayʉyʉcʉ acocofkoya, totiski to kilisto ho cofkoya.