kolinto 2 6:7 - buacou seiso no faeva esvʉtʉ

⁷ so'emio ci e'e, ho ito meoino tonʉ to hamo, epa'teni zou soskuskunu to hamo a'mi. mimza boemi to mou'lʉlʉ ho teyai soanothʉ, suyumo to hangʉ, yaeza noʉt'ʉci 'e iachi.

kolinto 2 6:7 ပူးပေါင်းရင်းမြစ်များ

maluko 16:20

yuyafo 'o tesi, nongongabo ho psoyaska 'o fukuin; isi toehungneni yaahioa to nooe'oca, ieni to ihe hioa ci peispopo'e, soomei 'o ihe psoyaska ci e'e zou mou'ʉmtʉ.] panto h'unasi cimo noana'o ci tposʉ mo maica 'o hiasi etavei. [

sitoo 11:21

isi no'upi to tonʉ to nooe'oca; botngonʉ ci cou 'omo tmaa'uzo, hocu ma'hi'usnu to nooe'oca.

kolinto 1 1:24

at'inghi ho isi aiti ta isi epeiya to hamo ci cou, 'upena na couyutaya ho coungilisia, 'e e'e eni zou kilisto; zou meoino tonʉ to hamo, moutʉs'ʉ to hamo.

kolinto 2 13:4

e'vono moso yono yoheoz'u ho noa spica to zuuzika ho mcoi, at'inghi mo noe'ocʉ no tonʉ to hamo mioc'o yaansoua. ho mimza yuecnguhu to kilisto, mimza maezo yoheoz'u, at'inghi nomio no te koa ʉmnʉ muu, temia noe'ocʉ no meoino tonʉ to hamo ho i'upu yaansoua.

kolinto 2 2:17

o'a mimza mais'a 'o botngonʉ ci cou, titha 'amamhimhino 'e e'e to hamo; maica isi skuna to hamo a'mi, poa yonto tuhcusi a'mi ho boemi no ongko no soskuskunu to kilisto ho aʉ'ʉmta psoyaska 'e e'e.

kolinto 2 4:2

imza acʉha hopsʉpseni 'ola afu'u nootoefʉngʉ ho h'oinveni ci hi'hioa, o'ala hioa 'omo moezʉezʉhʉ ci hi'hioa, yaeza o'ala eknon'a 'o e'e to hamo. yonto tuhcu to hamo. lamza epopayoa 'e so'emio, ieni ta iachi peipeis'ausna ho paavi na ʉmnʉ ci 'tohʉngʉ ta macicihi.

kolinto 2 7:14

o'ula mi'usneni to tito ho emomoengʉa muu, o'a imu poa ma'kokoe'i a'o. lamza conino eʉlʉ ho lamza mi'usnu muu; totiski, 'o imza mi'usneni to tito ho emomoengʉa muu ci e'e. yaeza asansana ho mio emzo.

'epeso 1:13

'amimueno maezo maica: ne ohmucu tac'ʉhi 'o e'e ta so'emio, 'aeno ne ohmucu tac'ʉhi 'ete to'usnu ci fukuin, mimucu tmaa'uzo to kilisto, i'o ohsila teomneni to hamo ci seilei isicu faeni muu, teyai huomza ho mimu tma'usnu to kilisto.

'epeso 3:20

'o hamo tesi peelʉi yomza nola yonta taicoto ci tonʉsi ho aepʉnga 'e acʉcʉhʉ, na'nohe nosa'o no lato p'enza ho ta'to'tohʉngva.

'epeso 4:21

o'ate ta'pepecvaza ho ohmucula talʉi 'o ohsila hi'hioa, hocu tesi to kilisto, yoyayaeza i'omoc'o no'ayumonʉ to iesu ci so'emio.

kolosai 1:5

to ahoisi, ne ohcu psoecʉ'ha muu 'e fukuin, imucu talʉi 'e isi hafa ta fukuin ci ta'usni. maicac'o, ina singkoo ho himngonghimu mo acʉhʉ i'tohungu ta isi songacveni muu ne pepe ci ta'usni.

tesalonike 1 5:8

ho mitoeno no'usnu no hie, 'anteeno anana'o etngou. teto teyai pihci na tmaa'uzo ho himngonghi, teto ceopngu na lato ta'usni ci to'usnu.

temote 2 2:15

la asno'zonʉ yonto tuhcu to hamo ho meelʉ masvo'ho no bʉhsʉftʉ, o'te ma'kokoe'i ci soskuskunu, etuhca ho tekola eʉsvʉsvʉta 'o so'emio ci e'e.

temote 2 4:7

i'omo 'aseolʉ ci yupania toosa'o no peayofʉ, o'ucula toe'ofeihna; i'onte'o anana'va toemizi ci ceonʉ, os'ocu toepaezuma; 'ente noyʉci ci singkoo, os'ocu noyʉyʉci.

hevulu 2:4

conosi ne mio, 'o hamo isi titheni to iachisi tonʉ, huunona'vʉ ci hi'hioa, ho i'o mav'ov'o ci po'e ho topuhngi 'o 'akasihe. isi yaeza ieni to iachisi 'tohʉngʉ, aangaezeni a'to 'o mengumi to seilei.

yakovu 1:18

la maino iachisi 'tohʉngʉ, ieni no so'emio ci e'e ho teyai a'to, poa notmoyaevonʉ ta ohsila afu'a teyai ci acʉcʉhʉ na a'to.