kolinto 2 6:6 - buacou seiso no faeva esvʉtʉ

⁶ lamza boemi no cofkoya, mau'to'tohʉngʉ, buveici, ma'cocacni, afnaso i'tohungu to seilei. mou'ʉmtʉ ci himngonghi.

kolinto 2 6:6 ပူးပေါင်းရင်းမြစ်များ

looma 12:9

himngonghi no cou la mou'ʉmtʉ. la himkuzo to kokuzo, noʉyʉci na mou'ʉmnʉ.

kolinto 1 12:8

'o seilei isi pafi no moutʉs'ʉ ci e'e 'emo cihi, totiski ci seilei isi pafi no mau'to'tohʉngʉ ci e'e 'emo h'unasi ci cou.

kolinto 1 13:4

'e himngonghi la nona'o buveici, ma'cocacni; hoci yaa himngonghi o'ate smo'eubut'u, o'ate etano, o'ate bitano,

kolinto 1 2:16

aʉlʉ mais'a 'o isi engha to seiso: siya nate bochio no 'tohʉngʉ to nooe'oca? siya nate ma'tatviei no 'tohʉngʉsi? at'inghi, 'emito no'usnu to seilei ci cou mo yaa 'tohʉngʉ to kilisto.

kolinto 1 2:4

i'o os'o engha ci e'e, psoyaska ci fukuin, acʉhʉ o'amos'a boemi no evaknoknon'i ho emau'to'tohʉngʉ ci e'e, mamo noe'ocʉ to tonʉ to seilei ho soomei,

kolinto 2 1:23

te'o m'eya 'akasineni to hamo; hoci'u meknuyu. tasi patvovei a'o, ho mi'o esvʉtʉ o'te uhne kolinto os'o ta'to'tohʉngveni muu.

kolinto 2 11:11

mo mainci maica co e'e'u? os'onana o'te ngohia muu? isi cohivi to hamo, os'o ngohia muu!

kolinto 2 11:4

maica, 'o 'aʉnpʉnpʉ ci cou mo esmi ho psoyaski tomo h'unasi ci iesu, o'ai'o imza anana'va psoyaska ci ic'o, mainci imus'a aac'o uveica; pano h'unasi ci piepiya ho h'unasi ci fukuin, o'amo totiski to imza psoyaska muu, leamuc'o yaeza 'aveoveoneni ho tiova!

kolinto 2 11:6

nenusino o'ala'u matmampohsu, at'inghi yono mau'to'tohʉngʉ o'a mi'o toskucu no mocmo; na eni, os'o yontamo mav'ov'o ci hi'hioa ho epa'teni muu.

kolinto 2 12:15

akoeva no 'ucia to'usni muu, te'o kaebʉ hoci'u tuyafa 'e acʉcʉhʉ'u, ac'ʉhʉ ta feango'u. hoci man'i na nte'o hia ngohia muu tees'aeno namate kakutia nantemu hia ngohia a'o?

kolinto 2 13:10

ko'koeno, ho mi'o nomcovhi muu te'o tposi 'e tengami eni, ta'u o'te 'ahʉya titha 'o isi faeni a'o to nooe'oca ci tonʉ ho mi'usni muu ho eyʉyʉcʉ, i'o isi faeni a'o to kilisto ci tonʉ mate p'eyac'a muu, o'ates'a aon'oza muu.

kolinto 2 2:10

siya na imu peteongasa, ta'u peteongasa na siya. hoci pano nte'o peteongasa, ma mi'o yonto tuhcu to kilisto ho peteongasneni muu,

kolinto 2 2:4

mi'o notaico ta ma'tipvongʉ 'atutumio yʉesʉ ho tposi 'e te'o faeni muu ci tengami, o'ate'o poa nac'o muu, ma te'o poa cohivneni mio mainenu na hia'u ngohia muu!

kolinto 2 3:3

isi na'na husansana, isi iachia tposi to kilisto 'e tengami eni, imza psoecingha. 'e tengami eni o'aisis'a titheni no ongʉ ho tposi to fatu, maisi titheni no piepiya to 'auesiesi hamo ho tposi ta 'tohʉngʉ ta cou.

kolinto 2 4:6

i'omoso mainca ci hamo. 'aeno maezo i'omo boemi to tiskova ho psoetiskovi 'e 'to'tohʉngʉto ci hamo; isi poa bohngʉ no psoevohngʉ to hamo a'to, psoe'usna to sapci to iesu kilisto.

kolinto 2 7:2

temu'so boemi no cocoya ci 'tohʉngʉ ho tiova a'mi. o'a momza ahtu peis'usnu note koa 'oha ʉmnʉ no mocmo ci hi'hioa; uk'a ci imza akuzkuzoa ci siya, maezo uk'a ci omzala epuka.

ngalatea 3:2

te makoc'o coni ci hi'hioa na temu eʉsvʉta a'o: homimu tiou no piepiya to hamo nenusi no mimu noe'ocʉ to hoolicu, hocieno o'te ieni no tmaa'uzo to fukuin?

ngalatea 3:5

isi pafi no seilei to hamo na muu, a'vinano yonta taicomu ho hioa 'emo man'i ci po'e, mio maica ho mimu mee'ofeihni to hoolicu, hocieno o'te maica ho mimu tmaa'uzo to fukuin?

ngalatea 5:22

inacu beachi to seilei, 'aeno: cocoya ci himngonghi, kokaekaebʉ, moususeomʉ, luaveica, moma'cinghi, mou'ʉmnʉ, meot'ʉt'ʉcʉ,

'epeso 3:4

ho cimu engha temucu cohivi ina os'o ta'hongi ci moumsʉ'eonʉ to kilisto zou cuma.)

'epeso 4:2

temula ma'einu, ma'cocacni, luaveica, boemi no himngonghi ho yupa peteongaso,

'epeso 4:32

la boemi no ma'cocacni ho yupa aʉt'ʉcʉ, yupa meteongaso, aʉlʉ totiski to hamo ho isi ieni to kilisto ho peteongasa muu.

kolosai 1:27

'e isi ta'kokoeva to hamo tesi poa cohivneni ta 'o'okosi, 'emo at'otngaso ho psoevohngʉ ci moumsʉ'eonʉ 'ateeno epa'teni ta yatatiskova. 'e moumsʉ'eonʉ eni 'aeno: mo yonta nsoumu 'o kilisto. tee yainca, mimu tma'upu no psoevohngʉ to hamo.

kolosai 2:3

zou 'oyomzana maavo no ohsi la afu'a siya to hamo ci moutʉs'ʉ ho mau'to'tohʉngʉ.

kolosai 3:12

isi ngohia to hamo na muu, epeiya muu ho ta'okoa. ko'koeno, temula yaa himcocoveoi, himngonghi, ma'einu, ma'cocacni ho luaveica ci 'tohʉngʉ.

tesalonike 1 2:10

mi'usnu ta mimu sinto, 'e lamza e'e ho i'e peipeis'ausna la acʉhʉ cofkoya, ahmʉskʉ, ho uk'a 'o'emamzi no koica. ta tan'e, na muu ho i'o hamo 'ateeno acʉhʉ meelʉ 'akasi.

temote 1 4:12

teav'a poa hupotfʉngneni no cou ho mikon'a foinana. 'upena na pat'a'ausna, peipeis'ausna, himngonghi ci 'tohʉngʉ, singkoo, ho acocofkoya, 'emo mav'ov'o, la acʉha teyaineni no tehe hu'ofeihni ta sinto.

temote 1 5:2

mi'usnu to mamameoi ci maamespingi la mais'a mi'usnu no ino; mi'usnu to mon'a foinana ci maamespingi la yaa cofkoya ci 'tohʉngʉ, mais'a nat'ohaesa.

temote 2 3:10

at'inghi, mikocu mee'ofeihni ta hia'u mo'ma'cohio ho ita la'u h'oyunsova, momaemaezo ta la'u peipeis'ausna, singkoo, ma'cocoyʉ, himngonghi ci 'tohʉngʉ, luaveica,

temote 2 4:2

la psoyaska 'e fukuin, 'upena hoci auseoseolʉ ho o'te auseoseolʉ na hie la asno'zona psoyaska, boemi no someoisa ci luaveica ho eucucufnu, kokoicʉ, poucufnu, mo'ma'cohio.

tito 2:7

'ecu iachisu, 'upena no mainenu ci hi'hioa la acʉha poa ʉmnʉ nala peipeis'ausna, mooyai no tehela peis'ofeihni. hola mo'ma'cohio to cou la eʉlʉ, ho mouyʉcʉ,

yakovu 3:17

at'inghi, 'omo i'mi ne pepe ci moutʉs'ʉ mo piyo cila humzi: 'o ahoisi zou cofkoya, 'o cnguhusi zoucu moususeomʉ, luaeinva, nanghia, nongcʉngci to himngonghi, meelʉ beahci nomo atngaso ci ʉmnʉ, o'ala ma'cachi, o'amo me'ʉ'ʉmnʉ.

petelo 1 1:12

'o hamo isi poa cohivneni to eyongensa, na hiahe yaahioa o'a ihe hioaneni 'e iachi, ma ihe hioaneni muu. 'o ohela maeengha ci hi'hioa, maitan'e isicu ieni tola yaahioa to fukuin, noe'ocʉ to tonʉ tomo i'mi ne pepe ci seilei, hocu psoecʉ'ha muu; 'emo maica ci hi'hioa, ac'ʉhʉ to tensi ma ohe yaeza 'ucia asansana!

petelo 1 1:22

maitan'e, maica ho mimu meo'uzo to so'emio, imucu poa acocofkoya si iachi, a'vinano lamu yaa mais'a cono feango to mocmo ci sinto, a'ʉmtʉ i'mi no taico no 'tohʉngʉ ho yupa himngonghi.

yohane 1 3:18

mao'o'oko, na himngonghito o'ante anovac'o ngov'eni ta sumsu, ahtuo'te aʉ'ʉmtʉ ci himngonghi, boemi no peipeis'ausna ho soomei!