kolinto 2 6:10 - buacou seiso no faeva esvʉtʉ

¹⁰ la nac'o, at'inghi la asngʉcʉ yaa kokaekaebʉ; thi'cia, at'inghi la poa atngaso 'omo botngonʉ ci cou; mais'a mo uk'a, at'inghi mo noemʉhʉ.

kolinto 2 6:10 ပူးပေါင်းရင်းမြစ်များ

matai 5:12

la 'aveoveoyʉ ho kokaekaebʉ, maica isi songacveni tomo atngaso ci temu hnoo ne pepe; 'o nia eyongensa ne noana'o mosola maica ho noa pohtutumza to cou.>

matai 5:4

'ola nomio no kuisi ho nac'o ci cou a'ʉmtʉs'a ʉm'ʉmnʉ; tesi ao'pova to hamo!

luka 6:21

'ola ma'sisieo ci cou maitan'e a'ʉmtʉs'a ʉm'ʉmnʉ; temu elʉ no yoseʉ! 'ola mongsi ci cou maitan'e a'ʉmtʉs'a ʉm'ʉmnʉ; tenamu kokaekaebʉ!

yohane 16:22

'atemueno maezo maica: mimu ma'tipvongʉ maitan'e, at'inghi ho ta'u ivaha aiti muu, tena a'sʉftonʉ kokaekaebʉ na 'tohʉngʉmu; na kokaekaebʉmu uk'a ci te meelʉ ti'eingi.

sitoo 16:25

cu asonʉ mia'usnu no taico feʉngna, mo 'inoli 'o poolo ho siila, pasunaeno ho tohmomoengʉ to hamo, 'o mocmo ci isi poekotva mo acʉhʉ tmaayaezoyʉ.

sitoo 3:6

isi mi'usni to petelo ho yainca:

sitoo 5:41

mongoi to ngikai 'o sitoo, maica ho mo nomio to ongko to iesu ho noa aokoe'iya, mo na'no kaebʉ 'o 'tohʉngʉhe.

looma 11:12

'o peis'epo to couyutaya isi hafneni ta atngaso ci ʉm'ʉmnʉ 'e hpʉhpʉngʉ; 'o aviovio to piepiyahe apuya hafneni to atngaso 'o couyafana. homo maica, hoci pai'ayumoni no to'usnu to hamo 'e acʉcʉhʉ ci couyutaya, 'atesis'aeno hafneni no asuhcu atngaso ci ʉm'ʉmnʉ?

looma 12:15

la i'upu kaebʉ tola kokaekaebʉ ci cou, i'upu mongsi tola mongsi ci cou.

looma 15:13

'o hamo, 'ai'oeno 'o esbobuka no ta'usni, tesi'sola i'mi no lamu singkoo ho poa nongcʉngcʉ na mav'ov'o ci kokaekaebʉ, soanono, inalamu ta'usni, ieni no tonʉ to seilei, ho o'te antʉhʉ apuhngua.

looma 8:32

isi ac'ʉha to okosi ho o'te ngohia, faeni ta mito botngonʉ. homoeno maica, o'atesis'aeno yaeza acʉha taha'veni a'to 'e aʉcʉcʉhʉ?

looma 9:2

co ma'tipvongʉ'u mo a'sʉftonʉ ecvʉhʉ, mo ma'co'congo co 'tohʉngʉ'u!

kolinto 1 1:5

poa no'ayumonʉ to kilisto na muu ho aa'pucu atngaso, noemʉhʉ na mau'to'tohʉngʉ ho meemealʉ ya'ei.

kolinto 2 2:4

mi'o notaico ta ma'tipvongʉ 'atutumio yʉesʉ ho tposi 'e te'o faeni muu ci tengami, o'ate'o poa nac'o muu, ma te'o poa cohivneni mio mainenu na hia'u ngohia muu!

kolinto 2 4:15

'e acʉcʉhʉ eni moc'o acʉhʉ nomio muu, teeno meelʉ cmʉ'ho tamo asuhcu botngonʉ na mengumi to hamo, meelʉ asuhcu botngonʉ nate mofi no e'aveoveoyʉ, ho sopopayoa na psoevohngʉ to hamo.

kolinto 2 4:7

at'inghi, 'emo yaa h'onunua no tma'usnu no piepiya ci a'to. mamoc'o mais'a ko'cacuma ci kavo'oe, te akoeva no 'akasi na uk'a noca'cʉ'hi ci tonʉ mo tma'usnu to hamo, o'amo tma'usnu a'mi;

kolinto 2 8:9

imucu cohivi 'o mengumi to nooe'ocato ci iesu kilisto: mo anana'o atngaso, at'inghi mo nomio muu ho iachi thi'cia, na atuhcusi tesi ieni no thi'ciasi ho poa atngaso muu.

'epeso 3:16

te'o 'inoli to hamo, fiho no atngaso ci psoevohngʉsi, ieni to seilei ho pafi no taso na muu, poa yutataso na nsou no 'ayumonamu.

'epeso 3:8

mi'o e'vono atva'esi ko'cacuma ta masisinto, mi'o 'oc'ocic'o mayo no afnaso ci tonʉ to hamo, peelʉi psoecʉ'ha ta couyafana 'e a'ʉmtʉ uk'a noca'cʉ'hi no atngaso ci fukuin to kilisto.

pilipi 2:17

'upenaeno te'o boemi ta hmuyu'u ho sʉ'teni, sahuneni ta imu yomza no singkoo ho sʉ'teni to hamo ci sʉ'ta, te'oc'o kaebʉ, a'vinano poa tma'upu no kaebʉ'u na muu.

pilipi 4:4

temula i'mi ho mimu yuecnguhu to nooe'oca ho asngʉcʉ kokaekaebʉ. te'o i'vaha yainca, temu la kokaekaebʉ.

kolosai 1:24

maitan'e ho la'u 'atutumzeni muu mo ma'kakaebʉ ci hi'hioa; maica homo 'atutumzo 'e feango'u, mais'a os'o ticngiha 'o nia 'atutumzo to kilisto ho ohsila 'atutumzeni 'e feangosi - 'ai'o ohsieno uveica ho o'temocu aepʉnga ci 'atutumzo ta kiokaisi.

kolosai 3:16

'o e'e to kilisto temula at'otngasa poa no'ayumonʉ ta 'tohʉngʉmu. la boemi no mav'ov'o ci moutʉs'ʉ ho yupa mo'ma'cohio, eucufnu, boemi no tohmomoengʉ, pasunaeno, pasupiepiya ho i'mʉs'onʉ no 'tohʉngʉ ho tayafi namo 'aveoveoyʉ ci fihngau ho tohmomoengʉ to hamo.

tesalonike 1 1:6

mimucu momaemaezo a'mi, maezo momaemaezo to nooe'oca; mimu e'vono elʉ to meoino no 'atutumzo, mimuc'on'a yono isi pafeni to seilei ci 'aveoveoyʉ ho tiou ta fukuin.

tesalonike 1 5:16

la asngʉcʉ kokaekaebʉ,

temote 1 4:8

mioeno o'te yaa koa ʉmnʉ ho isi poa biʉsvʉsvʉtʉ 'e feango, 'e biʉsvʉsvʉtʉ ta piepiya te mav'ov'o i'ote koa ʉmnʉ suu, maica tesi hafneni no ta'usni ta maitan'e ho noana'o.

temote 1 6:18

teko eucucufna ho poa popeis'ʉ'ʉmnʉ, lua peismi no ʉmnʉ ci hi'hioa, mealʉ ho luetato'usnu, conino to'usnu.

hevulu 10:34

lamu i'upu 'atutumzo tola poekotva ci cou. cono holahe ti'einga 'o acʉcʉhʉ ci macucumamu, temuc'o uveica tiova; maica ho imu cohivi, panton'a imu songacva cimo afnaso ʉmnʉ ho noana'ohe ci ezoezoyʉ.

yakovu 2:5

songohia ci maanat'ohaesa, temu tmalʉ: isi epeiya to hamo 'o thi'cia ta hpʉhpʉngʉ, poa yonto singkoo ho atngaso, yaeza poa ticngihi to ohsila teomneni tola himngonghi to hamo ci cou 'o faeva ci hpʉhpʉngʉ.

petelo 1 4:13

mantemu kokaekaebʉ ho mimu e'to'usnu to 'atutumio to kilisto, teeno a'sʉftonʉ kokaekaebʉ ho tac'u aopa'to na psoevohngʉsi.

mokusi 2:9

os'o cohivi na 'atutumzo ho ina thi'ciasu; at'inghi na a'ʉmtʉsi ma miko atngaso! os'o cohivi ihe ekuzkuzoa tola mainca couyutaya; a'ʉmtʉsi o'as'a a'ʉmtʉ couyutaya. ma 'oahngʉ to satan!

mokusi 21:7

nate atpʉtʉ ci cou te meelʉ tiou tamo ma'maica, 'aeno: tesi hamo a'o; te'o oko na taini.