kolinto 2 5:9 - buacou seiso no faeva esvʉtʉ

⁹ na atva'esisi, zou. 'upena hoci yonta feango ta ceoa, hocieno paceofa namo tma'usnu ne pepe ci feango, temza ma'koyu no noa ʉm'ʉmnʉa to nooe'oca.

kolinto 2 5:9 ပူးပေါင်းရင်းမြစ်များ

yohane 6:27

'ote nomio tate kuzo ci 'oanʉ ho peisngoseo, la nomio to 'oanʉ no 'auesiesi nsou ho asno'zonʉ. 'e 'oanʉ eni 'aeno 'o tesi pafeni muu ta okocou, maica i'o amohamo isicu topci to huomza 'e feango ta okocou.>

sitoo 10:35

inamo afu'u m'ohkuyu, popeislʉlʉ ci cou, 'upena na suezopʉ no nenu, lasi acʉha ʉmnʉa.

looma 14:18

'emo maica ci hia fifiho to kilisto ci cou 'ate ahtuo'te noa ʉm'ʉmnʉa to hamo. ho emomoengʉa ta cou.

looma 14:8

ho mito yaansoua, la yaansouneni 'o nooe'oca, hoci mcoi, te nomio to nooe'oca ho mcoi. ko'koeno, 'upena hoci yaansoua, hocieno mcoi, mito acʉhʉ tma'usnu to nooe'oca ci cou.

looma 15:20

la'u conino ma'koyu. te'o uhta o'amocumosola ahtu tmac'ʉhʉ to kilisto ci hpʉhpʉngʉ ho epeaska 'e fukuin, cite'os'a p'eyac'a no totnguca no mocmo na os'o hioa.

kolinto 1 15:58

ko'koeno, ngohia ci maanat'ohaesa, temula bʉʉlʉlʉ, 'otela tmaot'ou. la buoo'te bʉʉpsʉpsʉ no ngoseo ho yaahioaneni 'o nooe'oca; maica imu cohivi, inate yaahioa to nooe'oca o'ate ahtu 'afeungu.

kolinto 2 5:6

ko'koeno, lamza asngʉcʉ yaa a'sʉftonʉ ci 'ʉteʉ. imza cohivi, hocin'a afu'u yonta 'ayumona ta feango, temza nomcovhi to ohsi ayocneni a'mi to nooe'oca ci 'oyona.

kolinto 2 5:8

mimza yaa a'sʉftonʉ ci 'ʉteʉ, kaebʉhe hoci mongoi ta feango ta ceoa, ho no'upu to nooe'oca.

'epeso 1:6

teto tohmomoengʉ to psoevohngʉ ci mengumi to hamo, maica isi taha'veni a'to 'o isi atva'esa ngohia ci okosi!

kolosai 1:10

maicac'o, ina h'oyunsovamu tec'u meelʉ toseolʉ no 'tohʉngʉ to nooe'oca, aa'pucva poa ʉm'ʉmnʉaneni. a'vinano, te meelʉ yonta h'oyunsovamu ho beahci no mo mav'ov'o yonghu ci beahci, na hia bohngʉ to hamo te maezo apuhngu.

kolosai 1:29

nomio ta isi mituhci tan'e, os'o titha 'e isi pafeni a'o to kilisto ci meoino no tonʉ, o'te bʉʉpsʉpsʉ no ngoseo, 'aanana'o yaahioai.

tesalonike 1 4:1

ataveisi, maanat'ohaesa, mimucu meelʉ momaemaezo a'mi ho yono h'oyunsova ho cohivi nate hia noa so'eʉ'ʉmnʉa to hamo - a'ʉmtʉsi, mimu apaezumo maica; maitan'e temia epici to ongko to nooe'oca iesu ho poucufna muu, temu'sola asuhcu bitotonʉ.

tesalonike 1 4:11

la bikoyu no noyʉyʉci 'e iachi, la iachi yaahioa ho iachia e'oca na h'oyunsova, aʉlʉ mais'a 'o niala hiamza mo'ma'cohio muu ne auyusi,

temote 1 4:10

i'mi tan'e, lamza asno'zonʉ ho ngoseo, nala ta'usni la toveineni to no'auesiesi ci hamo; zou nooe'oca ta yatatiskova. afnaso leto'usnu tamo tmaa'uzo ci cou.

hevulu 12:28

ko'koeno, teto nomio to o'ate taot'ova ci hpʉhpʉngʉ ho to'aveoveoyʉ. teto fiho no isi ta'ʉ'ʉmnʉa to hamo, boemi no einu ci 'tohʉngʉ ho fifiho to hamo,

hevulu 4:11

ko'koeno, nteto asno'zonʉ yʉmeʉmʉ to soanono to ic'o; maicac'o, 'upena na siya o'ate mais'a 'omo yutasufku to mashʉyʉ ci cou ho smopcuku ho peispapayo'ʉ.

petelo 2 3:14

ko'koeno, songohia ci maananghia, ho mimueno mooteo no hiesi ho mio, nte asno'zonʉ yonto tuhcu to hamo ho acocofkoya, uk'a e'omamzi no koica ci h'oyunsova, naovei to hamo.