kolinto 2 5:14 - buacou seiso no faeva esvʉtʉ

¹⁴ isi poucufna to himngonghi to kilisto a'mi, maica ho imza ta'sansana, 'emo cihi ho isi mcoineni 'emo botngonʉ, te peelʉi yainca cu acʉhʉ mcoi 'emo botngonʉ.

kolinto 2 5:14 ပူးပေါင်းရင်းမြစ်များ

matai 20:28

aʉlʉ mais'a 'e okocou, o'amos'a cmʉ'ho ho noa aʉt'ʉt'ʉca ta cou, mate cmʉ'ho ho aʉt'ʉt'ʉcʉ ta cou, a'vinano nomio no to'usni 'e yatatiskova ho ciha 'o iachisi nsou.>

luka 15:24

maica 'e oko'u eni mo mcoi ho smoevovei, payo'a ho eyoveiya.>> micu toehungu kokaekaebʉ ho eabobonʉ.

luka 15:32

at'inghi 'e ohaesasu eni. mo mcoi ho smoevovei, payo'a ho eyoveiya, 'antetoeno anana'va peeseni ho 'aveoveoneni.>> >

luka 24:29

ihe tʉtpʉta ho yainca: micu yʉmeʉmʉ 'o iesu, te no'upu tamo yoso.

yohane 1:29

cu mivahi, isi teolʉi to yohane 'o iesu te emo'usnu, cu yainca:

yohane 11:25

yainca to iesu: <'aeno smoevovei a'o, 'aeno nsou a'o. na mo tmaa'uzo a'o, e'vonocu mcoi, teec'o yaansoua;

yohane 5:25

te'o bumemeala eʉsvʉta muu, tec'u esmi 'e hiesi, 'acueno maitan'e, 'o mohcu mcoi te tmac'ʉhʉ to fihngau to oko to hamo; namo tmac'ʉhʉ te acʉhʉ yaa nsoua.

sitoo 18:5

ne micu i'mi ne makitong ho esmi 'o siila ho i'o temote. micu 'aanana'o 'o poolo ho peisnovi na epeaski to fukuin, mi'usnu to couyutaya ho 'akasi 'o iesu ho zou kilisto.

looma 2:2

teto cohivi. mio emzo ho tesi yʉsvʉta to hamo 'emo peis'usnu tamo maica ci cou.

looma 5:15

at'inghi o'amo totiski 'emo yuso ci a'a'ausna, maica mon'a yupa askucu na isi taha'veni to hamo ci mengumi ho i'o kuisi to 'atamu. e'vono botngonʉ namo nomzo to kuisi to cihi ci 'atamu ho mcoi; at'inghi na mengumi to hamo mo asuhcuhe meoisi ho cocoya, na isi ieni to iesu kilisto ho taha'veni ta cou ci mengumi mo totiski meoisi ho cocoya.

looma 6:13

yaeza teav'a poa peteozu no kuisi si feangomu, noa 'otitha no kokuzo. apuyu. temula sʉ'teni to hamo si iachimu, mais'a cihi cimo i'mi no mcoi ho esvoveiya poa yunsou ci cou, ho aucunva sʉ'teni to hamo 'e iachi, noa 'otitha no moulʉlʉ.

looma 6:6

ito cohivi, ina noana'o ci a'to micu fiho to kilisto ho spica to zuuzika, tesi akoevano aapayo'a namo yaa kuisi ci yu'ausnato, poa o'tena tolei no kuisi na a'to.

kolinto 1 16:22

hoci pano o'amo himngonghi to nooe'oca, nte noa patkuzoi. nooe'oca. teko'so cmʉ'ho!

kolinto 1 2:14

at'inghi, i'o mo uk'a piepiya to hamo ci cou o'ate meelʉ tiou to isi faeni ci mengumi to piepiya to hamo. 'emo maica ci cou o'atehe peelʉi cohivi 'emo ma'maica ci hi'hioa, lahe yainca no koyuhe mo peisloʉngʉ, maica na huphina ta hi'hioa tan'e, te ahtao'te titheni no mo tmapiepiya ci hia baito niante ta'hongi.

kolinto 2 3:7

'e hoolicu isi tposi ta fatu ci tposʉ, ne oho epeaska. moso yuyafo 'o psoevohngʉ to hamo, i'omoso mahtiskou to sapci to moose ci tiskova mo e'vono ausuhcu afsi. mioc'o a'cʉ'cʉnʉ taso 'o tiskovasi, ac'ʉhʉ no o'aihe peelʉi teochʉmi to cou'isolaelu 'o moose. hoci mioeno meelʉ psoevohngʉ 'e te mahafo no mcoi ci hoolicu,

kolinto 2 3:9

hoci yaa psoevohngʉ 'ete topco no kuisi, 'omo evaho no uk'a kuisi ta cou ci hioa 'atesicueno hafneni no asuhcu meoisi ci psoevohngʉ!

ngalatea 2:20

maicac'o, 'e mo yaansou maitan'e o'a nas'a a'o, mo yonta 'ayumona ta nsou'u 'o kilisto ho yaansoua. ho mi'o yaansou maitan'e, mo i'mi no tmaa'uzo to oko to hamo ho yaansoua; isi ngohia a'o, nomio a'o ho ciha 'o nsousi.

'epeso 6:24

tesi'sola fii no mengumi to hamo 'ola ma'hʉhʉyʉ himngonghi to nooe'oca iesu kilisto ci cou!

kolosai 2:13

ne auyusi, maica mohmun'a yaa yu'ausna no kuisi, a'vinano uk'a hoolicu ci couyafana, hoci tamza no piepiya mimu mcoi. at'inghi, 'o hamo isi poa smoe'upu smoevovei to kilisto na muu. isi peteongasa na nia afu'uto kuisi,

kolosai 3:3

maica ho mimucu tu'upu mcoi to kilisto, ina nsoumu isicu a'upa soʉlʉlʉa no 'ayumona to hamo.

temote 1 2:6

isi ciha 'o iachi ho poa elʉ no ziu 'e yatatiskova, soomei ho tac'u mic'ʉhi 'e hie, tesi acʉha poa elʉ no to'usnu 'e macicihi ci cou.

temote 1 5:6

i'o lac'o ma'nou no ma'unu no eabobonʉ ho 'aveoveoyʉ ci mo tuvcongʉ mamespingi, e'vono mion'a yaansoua. na a'ʉmtʉsi micu mcoi.

tito 3:3

ne auyusi mohto la maezo nongonongo, yutasufku, eʉngcʉ; mohtola tolei to mav'ov'o ci ma'cac'ou ho ma'nou no peispak'i, yunsou to 'ayumona no ma'papak'i ho smo'eububut'u. yupania mihango.

hevulu 2:9

ito apuya aiti 'o iesu, isi akameosa siyahe to mo cʉecʉhe to tensi, te ko'ko peelʉi ieni to mengumi to hamo ho nomio ta yatatiskova ho mcoi. maitan'e, ito aiti 'o iesu micu sucaefi to 'atutumzo to mcoi ho mayo to psoevohngʉ, so'einu ci tafange.

hevulu 6:10

la mouhmʉskʉ 'o hamo; o'atesi ahta ta'payo'a na ohmula hioaneni ci hi'hioa ho ina himngonghi, 'aeno i'mi to lamu hia o'te tosvo to'usnu to mocmo ci sinto.

petelo 1 1:8

e'vono o'a ohmula aiti 'o iesu, at'inghi imu ngohia; e'vono o'aimu aiti maitan'e, at'inghi imu taa'uzva. mimu yaa o'ate peelʉi engha no e'e cimo uk'a noca'cʉ'hi ci kokaekaebʉ;

yohane 1 5:19

ito cohivi, acʉhʉ 'e hpʉhpʉngʉ e'vono yono lasi atʉkca to kokuzo, tetoc'o asngʉcʉ tma'usnu to hamo.