kolinto 2 3:8 - buacou seiso no faeva esvʉtʉ

⁸ namaeno na isi hioa no seilei na o'ante yaa meoino psoevohngʉ?

kolinto 2 3:8 ပူးပေါင်းရင်းမြစ်များ

yohane 1:17

'o hamo isi ieni to moose ho epeaska 'o hoolicu. at'inghi 'o mengumi ho i'o so'emio, isi ieni to iesu kilisto ho cmʉ'ho.

yohane 7:39

'e e'e to iesu isi pas'usna engha 'ote tmaa'uzo ci cou te tiou no seilei. ne mio o'amocumo ohpueho 'o seilei, maica ho o'amocumo mayo no psoevohngʉ 'o iesu.

kolinto 1 3:16

'atemu ahtao'te cohivi, na muu zou seiten to hamo, na piepiya to hamo mo no'ayumonʉ muu.

kolinto 2 11:4

maica, 'o 'aʉnpʉnpʉ ci cou mo esmi ho psoyaski tomo h'unasi ci iesu, o'ai'o imza anana'va psoyaska ci ic'o, mainci imus'a aac'o uveica; pano h'unasi ci piepiya ho h'unasi ci fukuin, o'amo totiski to imza psoyaska muu, leamuc'o yaeza 'aveoveoneni ho tiova!

kolinto 2 3:17

'e isi engha tan'e ci 'ai'oeno seilei. mo yonenu na piepiya to nooe'oca, na ic'o micu yaa ziu.

kolinto 2 3:6

isi poa yaa totontone a'mi ho teyai soskuskunu ta faeva ci esvʉta; 'e esvʉta eni o'a i'o isi huyafi ci tposʉ ta hoolicu, ma esvʉta to seilei. 'e isi huyafi ci tposʉ ta hoolicu mo mahafo no mcoi, at'inghi 'e seilei la mofi to nsou.

kolinto 2 3:7

'e hoolicu isi tposi ta fatu ci tposʉ, ne oho epeaska. moso yuyafo 'o psoevohngʉ to hamo, i'omoso mahtiskou to sapci to moose ci tiskova mo e'vono ausuhcu afsi. mioc'o a'cʉ'cʉnʉ taso 'o tiskovasi, ac'ʉhʉ no o'aihe peelʉi teochʉmi to cou'isolaelu 'o moose. hoci mioeno meelʉ psoevohngʉ 'e te mahafo no mcoi ci hoolicu,

kolinto 2 3:9

hoci yaa psoevohngʉ 'ete topco no kuisi, 'omo evaho no uk'a kuisi ta cou ci hioa 'atesicueno hafneni no asuhcu meoisi ci psoevohngʉ!

ngalatea 3:14

na atuhcusi ho isi yaica to kilisto. tesi poa i'mi to kilisto iesu 'o couyafana ho elʉ no ohsila teomneni to 'avulahamu to hamo ci ʉm'ʉmnʉ; maicac'o, teto meelʉ i'mi no tmaa'uzo ho tiou no ohsila teomneni to hamo ci seilei.

ngalatea 5:5

i'o ito atva'esa mingeovi, 'aeno ina teto hia meelʉ yupa toseolʉ na natʉ'ca to hamo; na eni zou tonʉ to seilei ieni no singkooto ho peihcʉ'hi.

'epeso 2:18

ieni to kilisto, 'upena 'e couyutaya ho i'e couyafana, teto acʉhʉ meelʉ yono 'ayumona to conci seilei ho uhto tuhcu to amopepe.

tesalonike 2 2:13

ngohia to nooe'oca ci maanat'ohaesa, ntemza anana'va asngʉcva 'aveoveoneni to hamo na muu; maica ho isi epeiya to hamo na muu, ieni to cofkoya ci lasi hioa to seilei ho i'olamu hia mi'usnu to so'emio ci singkoo, poa auyu elʉ no to'usnu muu.

petelo 1 1:2

ho mimu noa epeiya mo maino ohsi ta'eoyoca no 'tohʉngʉ to hamo, isi ieni to seilei ho meelʉ cofkoya, akoeva no te meo'uzo to iesu kilisto, a'vinano noa cofkoya to hmuyusi. tesi'sola at'otngasa pafi no mengumi, soanono to hamo na muu!