kolinto 2 3:6 - buacou seiso no faeva esvʉtʉ

⁶ isi poa yaa totontone a'mi ho teyai soskuskunu ta faeva ci esvʉta; 'e esvʉta eni o'a i'o isi huyafi ci tposʉ ta hoolicu, ma esvʉta to seilei. 'e isi huyafi ci tposʉ ta hoolicu mo mahafo no mcoi, at'inghi 'e seilei la mofi to nsou.

kolinto 2 3:6 ပူးပေါင်းရင်းမြစ်များ

matai 13:52

yainca to iesu:

matai 26:28

zou hmuyu'u eni, zou hmuyu no to'honga hote yupa esvʉtʉ 'e cou ho hamo, mo nomio no peteongasa na kuisi ta botngonʉ ci cou ho mohtoesuyu.

maluko 14:24

yainca to iesu:

luka 22:20

cu oepʉngʉ, isi yaeza eepza 'o sooetohvʉ, yainca: <'e sooetohvʉ eni zou faeva esvʉtʉ to hamo, boemi tamo nomzo muu ho moheafo ci hmuyu'u ho p'eyac'a.

yohane 5:21

isi yainenu to amo ho poa smoevovei 'o micu mcoi ci cou, pafi no nsou 'e cou; totiski 'o oko te maino iachisi 'tohʉngʉ ho pafi no nsou 'e cou.

yohane 6:63

inamo mofi no nsou ta cou zou seilei, uk'a ci a'a'ausna ta fou ta feango; 'e os'o eʉsvʉta muu ci e'e 'ai'omoeno mofi to nsou ci piepiya.

looma 1:5

ieni to iesu, mi'o mayo to afnaso ci mengumi, nomio to ongkosi ho sitoo, ho eahafa 'e cou ta mauhpʉhpʉngʉ ho poa tmaa'uzoa to iesu.

looma 3:20

maica uk'a cite meelʉ noe'ocʉ no meot'ʉcʉ to hoolicu ho yono tuhcu to hamo ho noa yainca mo moulʉlʉ ci cou. na isi peelʉi hioa ta hoolicu maisic'o poa cohivneni homo iachi yaa kuisia 'e cou.

looma 4:15

ina sʉ'no to hamo mo i'mi to hoolicu; hoci uk'a hoolicu. maezo uk'a cite yainca yutasufku no hoolicu ci hi'hioa.

looma 4:17

aʉlʉ mais'a to isi engha to seiso: yonto tuhcu to hamo, te yaa a'a'ausna 'e isi teomneni tan'e; 'o isi taa'uzva to 'avulahamu 'ai'omoeno poa smoevovei to micu mcoi ci cou, i'mi to uk'a ho mooyai ta acʉcʉhʉ ci hamo.

looma 7:6

at'inghi, maitan'e. 'anatesi atʉkca to hoolicu a'to; maica hoci ieni to lasi atʉkca to hoolicu ho engha, mitocu mcoi. 'anateto i'vaha ieni to noana'o ci tposʉ to hoolicu, matetocu fiho to faeva ci ma'cohio to seilei ho fifiho to hamo.

looma 8:2

maica 'o p'ofiha to seilei, 'ai'omoeno poa i'upu to kilisto iesu ho toehungu mayo no nsou, isicu i'mi to p'ofiha to kuisi ho ito mcoi hocu psoevoyunga a'to.

kolinto 1 11:25

oepʉngʉ, yaica ho yaa 'o sooetohvʉ, yainca: <'e sooetohvʉ eni isi titha to hamo 'e hmuyu'u ho p'eyac'a 'e faeva ci esvʉta. cono holamu ima, nte maica nate hioa ho taaecingia a'o.>

kolinto 1 12:28

ta 'ayumona ta kiokai, isi acʉha poa elʉ note hioa 'emo macicihi; i'o isi sotoyangza: 'emo coni zou sitoo, 'emo yuso zou eyongensa, 'emo tuyu zou lema'cohio; acnguhusi zou la meelʉ peispopo'e, acnguhusi, la yaa tonʉ no aotothomʉ. i'olac'u meemealʉ to'usnu to mocmo ci cou; 'ola meemealʉ tmasusuce to hi'hioa, i'ola meelʉ epiepiya.

kolinto 1 15:45

maica isi yainca to seiso: <'e ahoi cou ci 'atamu isi teyai ho poa yaa nsou ci cou>; at'inghi 'e atavei ci 'atamu mo mofi no nsou ci piepiya.

kolinto 1 3:10

os'o titha 'o isi faeni a'o to hamo ci mengumi, mais'a cihi ci lemooyai emoo ho teongfongfeni no totnguca, tec'u yonta skoskopnasi na mocmo ho eemo. at'inghi 'emo macicihi te ianan'ou bumemealʉ te mainenu nate hia m'eac'ʉ ta skoskopna ta totnguca.

kolinto 1 3:5

te tamza no cuma 'o 'apolo? tamza no cuma 'o poolo? 'amimzac'oeno noa soskuskunu to hamo, te engocha muu ho poa tmaa'uzo to hamo. 'e mimza macicihi ci cou moc'o acʉhʉ fiho no lasi skueni to nooe'oca ho yaahioa:

kolinto 2 11:23

zou soskuskunu to kilisto na hin'i? ake'i efnaso, te h'unano zou a'o! 'o la'u hioa la h'unano ngoseo, h'unano man'i 'o hia'u noekotu, h'unasa 'aoka noa ti'usna, man'i ci hia yonto sokoeva 'e nsou.

kolinto 2 3:14

at'inghi isi cu sngʉsnga 'o 'tohʉngʉhe. ac'ʉhʉ maitan'e, cono ho lahe engha 'o nia noana'o ci esvʉta, isic'on'a asngʉcva feʉ'sa ta mo totiski ci yʉteʉ. maica, mac'o yuecnguhu to kilisto 'e cou, 'e yʉteʉ eni niantec'u peelʉi eceofi.

kolinto 2 3:3

isi na'na husansana, isi iachia tposi to kilisto 'e tengami eni, imza psoecingha. 'e tengami eni o'aisis'a titheni no ongʉ ho tposi to fatu, maisi titheni no piepiya to 'auesiesi hamo ho tposi ta 'tohʉngʉ ta cou.

kolinto 2 3:7

'e hoolicu isi tposi ta fatu ci tposʉ, ne oho epeaska. moso yuyafo 'o psoevohngʉ to hamo, i'omoso mahtiskou to sapci to moose ci tiskova mo e'vono ausuhcu afsi. mioc'o a'cʉ'cʉnʉ taso 'o tiskovasi, ac'ʉhʉ no o'aihe peelʉi teochʉmi to cou'isolaelu 'o moose. hoci mioeno meelʉ psoevohngʉ 'e te mahafo no mcoi ci hoolicu,

kolinto 2 3:9

hoci yaa psoevohngʉ 'ete topco no kuisi, 'omo evaho no uk'a kuisi ta cou ci hioa 'atesicueno hafneni no asuhcu meoisi ci psoevohngʉ!

ngalatea 3:21

ho isi yaica ci engha, mionana yupa mʉcʉvho 'e hoolicu ho i'o isi teomneni to hamo? o'amo ahtu maica! hocisi peelʉi fii no nsou ta isi epeaska ci hoolicu 'e cou, 'e cou ntec'u meelʉ noe'ocʉ to hoolicu ho yaa toseolʉ ci natʉ'ca 'o hamo.

'epeso 2:1

ne auyusi, mimu i'mi no kuisi ho yutasufku to mashʉyʉ to hamo, yono piepiya mimucu mcoi.

'epeso 2:5

'e piepiyato ne mosola nomio no yutasufku ho mcoi to kuisi, isi poa i'upu to kilisto ho smoevovei a'to; zou mengumisi 'omo to'usnu muu.

'epeso 3:7

i'mi no afnaso ci mengumi to hamo, mi'o meelʉ noa soskuskunu ta fukuin tan'e; na eni mo fiho no meoino tonʉsi ho faeni a'o.

temote 1 4:6

hociko pa'cohivneni to maanat'ohaesa 'e hi'hioa eni, mikocu ʉmnʉ ci soskuskunu to kilisto iesu; a'vinano inamo yaa singkoo ci e'e ho i'o lako asonghoza fihi ci mo emzo ci ceonʉ tesi to'usni na piepiyasu ho poa yusuhci.

temote 2 1:11

nomio ta fukuin tan'e, isi skuna to hamo a'o ho lepsoyaski, sitoo ho lema'cohio.

hevulu 12:24

mimu esmi ta tuhcu ta coutaico ta faeva 'oesvʉtʉ ci iesu, 'aeno esmi to isi sahuneni ci hmuyu; 'e isi epa'teni ta hmuyu tan'e mo yonghuhe to hmuyu to yaapo.

hevulu 13:20

'o hamo isicu poa i'mi to mcoi ho smoevovei 'o nooe'ocato ci iesu. isi ieni tomo mohtoesuyu ci hmuyu to iesu ho to'hongi 'o 'auesiesi ci esvʉta, poa meelʉ meoino le'aʉt'ʉcʉ moatʉ'nʉ. i'ola mofi no soanono ci hamo tesi'sola poa yono lamu hioa cimo mav'ov'o ci peis'ʉ'ʉmnʉ ho poa a'sʉftonʉ muu, poa meelʉ peis'ofeihni no 'tohʉngʉsi, tesi'sola ieni to iesu kilisto yonta feangoto ho aepʉnga na lasi 'aveoveoneni ci hi'hioa! no'unu'sio to kilisto na psoevohngʉ, ac'ʉhʉ ho noana'o! 'aamen.

hevulu 7:22

'emo maica ci naskuca isi poa hosoo tomo asuhcu ʉmnʉ ci esvʉta 'o iesu.

hevulu 8:13

ho isieno engha to hamo na faeva ci esvʉta, isicu humzi ho uk'anaci a'a'ausna ta ahoi esvʉta; namo afu'u uk'ana a'a'ausna ho ausuhcu noana'o, ahtuo'te monmon'i aapayo'ʉ.

petelo 1 3:18

maica 'o kilisto mosola maezo peisnʉskʉ aepʉnga ho mcoineni na kuisi. isi peʉezi to moulʉlʉ 'o 'oha moulʉlʉ, akoeva no hafa muu ho uhto tuhcu to hamo. noa opcoza 'o feangosi, at'inghi isi pa'eunsova 'o piepiyasi.

yohane 1 1:1

ho imza tposi 'e tengami eni temza mi'usnu muu ho etotoyangza 'e mohcula ahoi to ahoisi yayo ci e'e no nsou, 'e e'e no nsou eni, omzacula talʉi, aʉla huceoevi; 'aeno zou. omzacula aiti. a'vinano aʉla peuasa.