kolinto 2 2:14 - buacou seiso no faeva esvʉtʉ

¹⁴ at'inghi, 'aveoveoyʉ to hamo! maica lasi asngʉcva eahahafa a'mi, 'e ohsila holeo to kilisto ci a'mi poa meelʉ to'upu toteuyunu to kilisto homo atpʉtʉ. isin'a yaeza titha a'mi ho poa meingongabo 'o namusngau ho mito bohngʉ to kilisto.

kolinto 2 2:14 ပူးပေါင်းရင်းမြစ်များ

yohane 16:33

os'o eʉsvʉta muu 'e hi'hioa eni, te'o akoeva no poa i'mi ho mimu yuecnguhu a'o ho yaa soanono. ta hpʉhpʉngʉ, mimu yaa 'atutumio; at'inghi temula 'ʉteʉ, mi'ocu atpʉtʉ ta hpʉhpʉngʉ!>

looma 1:8

ahoisi, ieni to iesu kilisto, te'o nomio muu ho mi'usnu to homo ho to'aveoveoyʉ, maica ina singkoomu micu psoengabo ta mauhpʉhpʉngʉ.

looma 6:17

'aveoveoyʉ to hamo! mohmula e'vono noa skuna no kuisi, maiten'e mimucu conci 'tohʉngʉ ho meo'uzo to isi psoecʉ'ha muu ci h'omahsʉftʉ.

looma 8:37

acʉhʉ o'asa'a. yonta acʉcʉhʉ ci hi'hioa tan'e, mimza noe'ocʉ tomo himngonghi a'mi ci nooe'oca mimzacu a'sʉftonʉ atpʉtʉ!

kolinto 1 12:8

'o seilei isi pafi no moutʉs'ʉ ci e'e 'emo cihi, totiski ci seilei isi pafi no mau'to'tohʉngʉ ci e'e 'emo h'unasi ci cou.

kolinto 1 15:37

i'e imu emʉ'a ci heome, hocieno mocmo ci tutu, moc'on'a conci maesih'i ci tutu, o'amocus'a ina tasi mi'a'ausna no feangosi ho tac'u yʉepʉngi.

kolinto 1 15:57

at'inghi, 'aveoveoyʉ to hamo, isi ieni to nooe'ocato iesu kilisto na a'to ho poa atpʉtʉa!

kolinto 2 8:16

'aveoveoyʉ to hamo, isi poa maezo a'mi 'o tito ho asno'zonʉ to'usnu muu.

kolinto 2 9:15

teto 'aveoveoyʉ to hamo! mo yaa o'ate peelʉi eepʉnga ci mengumisi!

'epeso 5:2

nalamu h'oyunsova la aa'pucva peiseafo no himngonghi, aʉlʉ 'o kilisto ho isi ngohia a'to, nomio a'to ho ciha 'o nsousi, mooyai namusngau ci sʉ'ta ho sʉ'teni to hamo.

'epeso 5:20

la epici to ongko to nooe'oca iesu kilisto ho mi'usnu to hamo ho 'aveoveoneni 'e mav'ov'o ci hi'hioa.

pilipi 4:18

'aeno eni 'ete huomza ta imu faeni a'o; i'e imu taha'veni a'o mo asa'ohe to la'u tititha. 'o 'ipafoti isi pahcʉ'ha 'e imu faeni a'o cimo atngaso ci teonghia, aʉlʉ mais'a meaemo'ʉ ci namusngau, isi ʉm'ʉmnʉa to hamo ci sʉ'ta.

kolosai 1:23

temu asansana ayʉca na singkoo, bʉʉlʉlʉ ta mo mahtʉicʉ ci i'tohungva; teav'a teongasi na ohmu ta'usni ne mohmun'a ahoi tiou ta fukuin. maitan'e, 'e fukuin eni micu psoengabo ta mauhpʉhpʉngʉ; na a'o - poolo. 'aeno soskuskunu ta fukuin tan'e.

kolosai 1:6

'e fukuin eni o'aisi anova psoecʉ'ha muu, isi yaeza psoengaboa ta mauhpʉhpʉngʉ, asngʉcʉ yusuhci ho beahci, aʉlʉ mais'a ne ohmun'a ahoza tac'ʉhi hocu a'ʉmta honga 'o mengumi to hamo, mo totiski yusuhci ho beahci.

kolosai 2:15

yonto zuuzika, isicu iachia yunga to kilisto ina tonʉ tola titutuhcu ho le'aʉt'ʉcʉ ta moipiepiya, isi holeo ho paata'zeni tamo botngonʉ ci cou.

tesalonike 1 1:8

i'o fukuin to nooe'oca o'amo anou i'mi muu ho psoecʉ'ha ta makitong ho 'akaiya, na singkoomu no mi'usnu to hamo yaeza psoecʉ'ha tamo cum'u ho covhi ci hpʉhpʉngʉ; na eni a'ʉmtʉ o'a temia nama 'aoko eman'i.

tesalonike 1 3:9

temza peelʉi 'aveoveoneni to hamo na muu. ho temza 'aveoveoyʉ to hamo, mo maica ho imu'so poa kokaekaebʉ ho mimza yonto tuhcu to hamo.

temote 1 2:8

yontomo mav'ov'o ci nouteuyunu, os'o tata'za 'e haahocngʉ la 'inoli, ma'einu ho eepza 'e emucu ho 'inoli, 'otela masʉ'no, 'otela yupa eehcʉvho.

temote 2 2:2

miko yonto ihe mi'usni tamo botngonʉ ci mo 'akasi ci cou ho tiou ta os'o po'pa'cohivneni, nteko yaeza toveineni no osko taa'uzva cite meelʉ mo'ma'cohio no mocmo ci cou.

mokusi 7:12

mainca: <'aamen! ina tohmomoengʉ, psoevohngʉ, moutʉs'ʉ, 'aveoveoyʉ, so'einva, tonʉ, taso acʉhʉ'so tmaovei to hamoto, 'auesiesi! 'aamen.>