kolinto 2 13:5 - buacou seiso no faeva esvʉtʉ

⁵ temu hʉsvʉta 'e iachi. huovei 'e iachi, aiti mimunana mino h'oyunsova no singkoo. mac'ocimu asansana o'te pasvo'ha na hʉsvʉta, ntemu cohivi 'o iesu kilisto mo yonta nsoumu.

kolinto 2 13:5 ပူးပေါင်းရင်းမြစ်များ

yohane 14:23

yut'inga to iesu:

yohane 15:4

temula asngʉcʉ cmunghu a'o, te'oeno asngʉcʉ cmunghu muu. hoci o'te cmunghu a'o, o'ana temu meelʉ beahci, aʉlʉ mais'a 'o ehti hoci o'te cmunghu to evi to amcuyu totiski o'ate meelʉ beahci.

yohane 17:23

mi'o no'ayumonʉ ta nsouhe, na suu miko no'ayumonʉ ta nsou'u, akoeva no poa a'sʉftonʉ tmucni hin'i, ko'ko poa cohivneni ta yatatiskova ho osko popeoskuna a'o, yaeza cohivi ho osko ngohia hin'i, mais'a ho lako ngohia a'o.

yohane 17:26

os'ocu poa husansaneni hin'i na suu; te'ola a'cʉ'cʉna yaica, te'o akoeva no poa cmʉfeʉ ta nsou hin'i na himngonghisu, te'o maezo no'ayumonʉ ta nsou hin'i.>

yohane 6:56

ina la bonʉ ta feango'u, ho mimo ta hmuyu'u, te asngʉcʉ no'ayumonʉ ta nsou'u, na a'o te maezo asngʉcʉ no'ayumonʉ ta nsousi.

yohane 6:6

ho isi e'e eni tesi hʉsvʉta 'o fuili; isieno o'te cohivi na tesi iachia peipeis'ausna.

looma 1:28

homoeno ma'unano o'ate nama 'ahʉyʉ ebobohngʉ to hamo 'e cou, isi moeza ieni no 'tohʉngʉhe to hamo ho poa yaa kuzo ci 'tohʉngʉ, hioa 'o o'ante hioa ci hi'hioa.

looma 8:10

at'inghi, hoci no'ayumonʉ muu 'o kilisto, 'upena hoci nomio no kuisi ho mcoi 'e feangomu, tesi poa yaansou to piepiya to hamo na muu, mo maica ho isicu poa coumoʉlʉlʉ to hamo na muu.

kolinto 1 11:28

'emo macicihi te auevan'a hʉsvʉta 'e iachi, niantec'u bonʉ ta pang ho mimo to sooetohvʉ.

kolinto 1 11:31

hocito auevan'a hʉsvʉta 'e iachi, 'anateto 'ahʉyʉ noa yʉsvʉta.

kolinto 1 3:16

'atemu ahtao'te cohivi, na muu zou seiten to hamo, na piepiya to hamo mo no'ayumonʉ muu.

kolinto 1 6:15

'aimu ahtao'te cohivi, 'e feangomu 'aeno maesoesou to kilisto. tetoeno peelʉi teyai maesoesou no noasisi na maesoesou to kilisto? o'ate ahta peelʉi!

kolinto 1 6:19

o'a imueno cohivi 'e feangomu zou emoo to seilei? 'e seilei eni mo yonta 'ayumonamu, isi pafeni to hamo. o'amimu tma'usnu ta iachi, mamo tma'usnu to hamo,

kolinto 1 6:2

o'a imueno cohivi hotena yʉsvʉta ta sinto 'e hpʉhpʉngʉ? ho temu eno yʉsvʉta 'e hpʉhpʉngʉ, uk'a ci temus'aeno tonʉ no eususeoma 'e moc'o okosi ci hi'hioa?

kolinto 1 9:24

'aimu ahtao'te cohivi, i'ola yonto toosa'va ho i'upu yupa toosa'o no mayahe ci cou, la e'vono botngonʉ, at'inghi 'ote mayo to hnoo lac'o cihi. ko'koeno, temula yaa ma'koyu no atpʉtʉ ci 'tohʉngʉ ho peayofʉ.

kolinto 1 9:27

la'u eyʉyʉci mi'usni 'e iachi feango, akoeva no a'sʉftona atʉkca, ci tes'a 'afeungu eyoho'ʉ no mocmo ho poa i'upu toosa'o, apuya patnʉ'va no mocmo 'e iachi.

kolinto 2 6:16

'o seiten to hamo ho uacoua teeno meelʉ biepohʉ yac'ʉ? zou seiten to no'auesiesi ci hamo a'to. aʉlʉ mais'a 'o e'e to hamo: te'o no'upu ta 'o'oko'u, yuavovei ta 'ayumonahe. tehe hamo ta 'o'oko'u; te'o ta'okoa na hin'i.

ngalatea 2:20

maicac'o, 'e mo yaansou maitan'e o'a nas'a a'o, mo yonta 'ayumona ta nsou'u 'o kilisto ho yaansoua. ho mi'o yaansou maitan'e, mo i'mi no tmaa'uzo to oko to hamo ho yaansoua; isi ngohia a'o, nomio a'o ho ciha 'o nsousi.

ngalatea 4:19

mao'o'oko'u, te'o ivaho i'nʉskʉ mais'a 'o ino ho tiou no 'atutumzo hote peyafa 'o oko, ac'ʉhʉ ho tenac'u tmucou ta nsoumu 'o yu'ausna to kilisto.

ngalatea 6:4

'emo macicihi ntela yue'iya na iachia peipeis'ausna; hoci pano mo ʉmnʉ ci peipeis'ausna, te peelʉi etotofsi'za, o'ate 'ahʉyʉ yupania patotiska nala peihcʉ'hi no mocmo ci cou.

'epeso 3:17

te'o maezo 'inoli to kilisto, ieni ta singkoomu, no'ayumonʉ ta 'tohʉngʉmu, yono himngonghisi ho poa biemisi ho yaa i'tohungvi na muu.

kolosai 1:23

temu asansana ayʉca na singkoo, bʉʉlʉlʉ ta mo mahtʉicʉ ci i'tohungva; teav'a teongasi na ohmu ta'usni ne mohmun'a ahoi tiou ta fukuin. maitan'e, 'e fukuin eni micu psoengabo ta mauhpʉhpʉngʉ; na a'o - poolo. 'aeno soskuskunu ta fukuin tan'e.

kolosai 1:27

'e isi ta'kokoeva to hamo tesi poa cohivneni ta 'o'okosi, 'emo at'otngaso ho psoevohngʉ ci moumsʉ'eonʉ 'ateeno epa'teni ta yatatiskova. 'e moumsʉ'eonʉ eni 'aeno: mo yonta nsoumu 'o kilisto. tee yainca, mimu tma'upu no psoevohngʉ to hamo.

kolosai 2:19

cu antʉhʉ 'o hia yupecnguhu to kilisto. na a'ʉmtʉsi, inac'o i'mi ta fnguu ta feango, 'ai'oeno kilisto, niante meelʉ mayo no konansou, ieni to yupa tʉyʉcʉ 'e ma'vo'vokʉ maveoveocʉ ho yuecngucnguhu, maino 'tohʉngʉ to homo ho ausuhcu yusuhci.

kolosai 2:7

yonto 'ayumonasi ho biemisi, yusuhci. p'eyac'a na singkoo, 'amoeno maica na lamu tiova ci mo'ma'cohio; temu yaeza poa ngangcʉngcʉ na 'aveoveoyʉ ci 'tohʉngʉ.

temote 1 2:15

at'inghi 'e mamespingi hoci iachi atʉkcʉ, noyʉci na singkoo, himngonghi, cofkoya, te meelʉ i'mi no mebabo no 'o'oko ho noa to'usni.

temote 2 3:8

mo mais'a ne noana'o i'o yaani ho yampulei moso mainenu na hia yutasufku to moose, maitan'e 'emo maica ci cou mioc'o totiski ho yutasufku to so'emio. mo ton'on'o 'o 'tohʉngʉhe, o'anamo yaa tonʉ no tiou no hʉsvʉta na singkoo,

tito 1:13

'e e'esi o'amo epeu. ko'koeno, teko eyʉyʉci ho meoino koica, ko'ko peelʉi poa yaa yoayokeo ci singkoo,

tito 1:16

la mainca mo bohngʉ to hamo, at'inghi la yonto peipeis'ausna ho peecveni 'o hamo. zou kokuzo, zou moyutasufku, cuma nantehe peelʉi hioa cimo ʉmnʉ.

tito 2:2

teko eucufna 'o mamameoi ci cou, la mouyʉcʉ, ʉmnʉ ci yu'ausna, atʉkca 'e iachi, yaa yoayokeo ci singkoo, himngonghi, ho luaveica.

hevulu 12:15

la bumemealʉ, tees'a yaa payo'ʉ no mengumi to hamo. la bumemealʉ, tees'a yaa mais'a mahiz'o ci cacʉfea, holac'u yʉepʉngi, cu koakuzo tamo botngonʉ.

hevulu 4:1

ho isieno teomneni to hamo ho teto tma'upu to isi pafeni ci soanono, manteto yaa ma'sasmoyo ci 'tohʉngʉ, citehes'ala ta'unano pano mimu peispapayo'ʉ, ho o'tena meelʉ tma'upu no soanonosi.

hevulu 6:8

at'inghi, 'e ezoyʉ eni hoci cmʉfeʉ na o'ate koa ʉmnʉ ci cʉcʉmʉ ho emcu, tec'u sokoeva no noa patkuzoi, a'vinano te noa hmoi.

yakovu 4:4

'e mimu 'oha meot'ʉt'ʉcʉ ho o'te tmaa'uzo ci cou, o'aimueno cohivi hoci enananghia ta hpʉhpʉngʉ, te nahanga 'o hamo, siya nate nanghia ta hpʉhpʉngʉ, 'aeno siya na hangʉ to hamo!

petelo 1 5:9

temula poa mahtʉicʉ na singkoo ho yutasufka, maica imu cohivi namo tmaa'uzo to nooe'oca ci maanat'ohaesa ta mauhpʉhpʉngʉ mo acʉhʉ maezo smaimio tamo totiski ci 'atutumio.

mokusi 2:5

teko ta'to'tohʉngva, mikocu tma'cʉ'ho nenu ho miko supeohʉ! teko ma'vovei, peisvovei 'o nia yaa himngonghi ci peipeis'ausna to ahoisi. hociko o'te ma'vovei, te'o cmʉ'ho, yaa si isi anana'va tnguci ta totnguca lampusu.