kolinto 2 13:10 - buacou seiso no faeva esvʉtʉ

¹⁰ ko'koeno, ho mi'o nomcovhi muu te'o tposi 'e tengami eni, ta'u o'te 'ahʉya titha 'o isi faeni a'o to nooe'oca ci tonʉ ho mi'usni muu ho eyʉyʉcʉ, i'o isi faeni a'o to kilisto ci tonʉ mate p'eyac'a muu, o'ates'a aon'oza muu.

kolinto 2 13:10 ပူးပေါင်းရင်းမြစ်များ

kolinto 1 4:21

nenusi na temu epeiyahe? nenusi no te'o mahafo no eobaknana, hocieno mahafo no himngonghi ho ma'cocacni ci 'tohʉngʉ ho uso?

kolinto 2 10:2

ho ta'u uso, teav'as'a popeoc'ʉc'a a'o ho 'oha koe'ia muu. mi'usnu tola eayaezoyʉ am'i ho yainca mimza biftongʉ no 'tohʉngʉ ta hpʉhpʉngʉ ho yaahioa ci cou, o'a te'os'a koekoe'ia.

kolinto 2 10:4

'e soanothʉ ho lamza ehtothomʉ o'a mo tma'usnu ta hpʉhpʉngʉ, ma soanothʉ no meoino tonʉ to hamo, te peelʉi popsupapayo'a na mahtʉicʉ ci peochipa. temza toemʉema na acʉcʉhʉ cila e'ankʉ ci eehcʉvho,

kolinto 2 10:8

i'o isi pafeni a'mi to nooe'oca ci tonʉ mate p'eʉlʉlʉa muu, o'ates'a pouc'ʉc'a muu; ko'koeno, 'upena hoci'u ake'a etanveni 'e tonʉ eni, yaeza o'ate'o nama h'oinveni.

kolinto 2 13:2

mi'usnu to mosola peiskuisi ne auyusi ho ito mocmo ci cou, ne mo'ula opsohʉ muu o'ucula engahva, maitan'e 'upena ho o'ami'o yonsica, te'o i'vaha engahva muu, hoci'u vohvaha muu, o'ana ta'us'a peteongasa.

kolinto 2 13:8

o'atemza ahtu peismi no te mihango to so'emio ci hi'hioa, tec'o e'oca 'o so'emio.

kolinto 2 2:3

ko'koeno, ne o'u tposi 'o tengami ic'o ho faeni muu, os'o yose'vi ho tena'u uso muu, i'ontoho poa kaebʉ a'o ci cou nama apuya poa nac'o a'o. os'o yaeza ta'sansana, na kaebʉ'u 'aeno maezo toehungu kaebʉmu.

kolinto 2 6:6

lamza boemi no cofkoya, mau'to'tohʉngʉ, buveici, ma'cocacni, afnaso i'tohungu to seilei. mou'ʉmtʉ ci himngonghi.

tito 1:13

'e e'esi o'amo epeu. ko'koeno, teko eyʉyʉci ho meoino koica, ko'ko peelʉi poa yaa yoayokeo ci singkoo,