kolinto 2 12:10 - buacou seiso no faeva esvʉtʉ

¹⁰ nomio to kilisto. la'u kaeba uveica na yoz'u, pohcingha, 'atutumzo, ngoveo ho akuzkuzoa; maica ho homna na ta'u yoz'u. 'aeno ho homna na ta'u taso.

kolinto 2 12:10 ပူးပေါင်းရင်းမြစ်များ

luka 6:22

yohane 15:21

nomio a'o, tehe mi'usni muu ho hioa 'e ohela afu'a hi'hioa, maica o'a ihe honga 'omo popeosmuhnu a'o ci ic'o.

sitoo 5:41

mongoi to ngikai 'o sitoo, maica ho mo nomio to ongko to iesu ho noa aokoe'iya, mo na'no kaebʉ 'o 'tohʉngʉhe.

looma 5:3

o'amo anouc'o maica, hola yono 'atutumzo, leato a'cʉ'cʉnʉ kokaekaebʉ; maica ho ito cohivi 'e 'atutumzo tesi p'eyac'a na luaveica.

kolinto 1 4:10

mimza nomzo to kilisto hocu nongonongo ci cou, na muu mimu apuyu yonto kilisto ho na'no mau'to'tohʉngʉ; lamza yoheoz'u, lamu apuyu yumamahtʉicʉ; lahe hupotfʉnga a'mi, apuya koe'ia muu.

kolinto 2 1:4

ta ito esmiza ci mav'ov'o ci 'atutumzo, isi ao'pova a'to, poa meelʉ boemi no isi titha ao'pou a'to ho ao'pova 'omo maezo elʉ to mav'ov'o ci 'atutumio ci cou.

kolinto 2 10:18

maica, inate a'ʉmta peelʉi emomoengʉa ci cou 'aeno nalasi emomoengʉa to nooe'oca ci cou, o'a i'ola iachi meefʉc'ʉ efnasa 'e iachi ci cou.

kolinto 2 12:9

isi at'ingha yut'inga a'o ho yainca: ko'koeno, te'o afnasa ʉmnʉa etanveni 'e yoz'u'u, te'o ko'ko ta'hongi na tonʉ to kilisto ho lasi aʉt'ʉca a'o.

kolinto 2 13:4

e'vono moso yono yoheoz'u ho noa spica to zuuzika ho mcoi, at'inghi mo noe'ocʉ no tonʉ to hamo mioc'o yaansoua. ho mimza yuecnguhu to kilisto, mimza maezo yoheoz'u, at'inghi nomio no te koa ʉmnʉ muu, temia noe'ocʉ no meoino tonʉ to hamo ho i'upu yaansoua.

kolinto 2 13:9

mimza yoheoz'u mimu taso, ntemza 'aveoveoneni na eni. 'e imza 'inolineni, zou temu meelʉ yʉepʉngi ci cou.

kolinto 2 4:17

'e imza yupteilʉneni ci moc'o akameosʉ ci 'atutumio, tesi hafneni no o'ate peelʉi ta'cʉ'ha ci 'auesiesi psoevohngʉ.

kolinto 2 4:5

'e imza psoyaska o'as'a 'e iachi, i'o lamza psoyaska ; nomio to iesu, mimza noa soskuskunu muu.

kolinto 2 5:15

ho isi mcoineni 'emo botngonʉ, tesi akoeva no poa o'tec'o nomio no iachi 'e mon'a yaansou ci cou ho yaansoua, mate nomio to moso nomio a'to ho mcoi ho smoevovei ci kilisto ho yaansoua.

kolinto 2 5:20

ko'koeno, mimza afnaso ci soskuskunu to kilisto. isi iachia ieni a'mi to hamo ho poucufna muu: temza mi'usnu muu ho p'enzeni 'o kilisto, poa naovei muu 'o hamo.

kolinto 2 6:4

nomio no yonta acʉcʉhʉ ci hi'hioa ho epa'teni ho zou soskuskunu to hamo a'mi, lamza buveici tamo mav'ov'o ci 'atutumio, thi'cia, ngoseo.

kolinto 2 7:4

os'o asansana taa'uzva muu, a'sʉftona emomoengʉa muu. yontomo mav'ov'o ci 'atutumzo, mi'o a'sʉftonʉ noa ao'pou, nongcʉngci no kokaekaebʉ.

'epeso 6:10

atavei, temula noe'ocʉ to meoino tonʉ to nooe'oca ho yutataso ci cou.

pilipi 1:29

mimu mayo no afnaso ci tonʉ ho fifiho to kilisto, o'a te anovac'o taa'uzva, te maezo nomio to kilisto ho tiou no 'atutumzo.

kolosai 1:24

maitan'e ho la'u 'atutumzeni muu mo ma'kakaebʉ ci hi'hioa; maica homo 'atutumzo 'e feango'u, mais'a os'o ticngiha 'o nia 'atutumzo to kilisto ho ohsila 'atutumzeni 'e feangosi - 'ai'o ohsieno uveica ho o'temocu aepʉnga ci 'atutumzo ta kiokaisi.

tesalonike 2 1:4

i'mi tan'e, leamza mi'usnu to makikiokai to hamo ho emomoengʉa muu. imu mia na mav'ov'o ci pohtutumzo, 'atutumzo, ho a'cʉ'cʉnʉ tmaa'uzo, a'cʉ'cʉnʉ buveici; 'aeno eni na imza koa emomoengʉa.

temote 2 3:11

a'vinano e'paevai ta os'o tiova ci akuzkuzo ho 'atutumzo. osko acʉha cohivi 'o os'o yupteilʉneni ho uveica ci akuzkuzo ne mo'u yone 'antia, 'ikonen, ho ine lusuto; at'inghi, isi to'usni to nooe'oca a'o ho poa momeesih'i ta acʉcʉhʉ tan'e.

yakovu 1:2

maanat'ohaesa, homimu elʉ to mav'ov'o ci hʉsvʉta, ntemula ma'unano mo abohtʉ ci hi'hioa,

mokusi 2:3

miko yaa luaveica ci 'tohʉngʉ, mosula nomio a'o ho sucaefi to 'atutumzo. ho o'te peteozu.