kolinto 2 11:3 - buacou seiso no faeva esvʉtʉ

³ os'o ta'sokoeva na 'tohʉngʉmu hoci mi'usnuhe nomo kuzo, ciha na ma'mamhocni ho cofkoya ci himngonghi to kilisto, totiski to 'eva ne moso noa pa'hipepecvazi to moezʉezʉhʉ ci fkoi.

kolinto 2 11:3 ပူးပေါင်းရင်းမြစ်များ

matai 24:24

maica tec'u yuyafo 'o mekikilisto ho meyoyongensa, tahe hioa na meoino peispopo'e ho poa ma'pepecvai 'e cou; hoci peelʉi, ac'ʉha no paspepecvazi 'e ohsila epeiya to hamo ci mao'o'okosi.

yohane 8:44

zou anana'o oko to 'akuma na muu, ko'ko mimuc'o peis'ofeihni to ma'konvosʉ to amomu. mosola ahoi to ahoisi ho le'opcoi, asonghoi o'amo bi'upu ta so'emio, maica ho asansano uk'a ci so'emiosi. hola lolekoknuyu mo i'mi to yu'ausnasi; maica 'aeno anana'o lolekoknuyu, maezo 'oi'miza no afu'u lolekoknuyu.

looma 12:8

hoci zou poucufnu, nte poucufnu; zou tmaha'o, la mealʉ; hoci zou so'ehti, o'ate bʉʉpsʉpsʉ no ngoseo; hoci lea himcocoveoi no cou, 'ateeno kokaekaebʉ.

kolinto 2 1:12

i'elamza etanveni zou: 'e ʉmnʉ ci 'tohʉngʉmza isi soomei na lamza hia mi'usnu ta cou ta hpʉhpʉngʉ, aavaho na natʉ'ca ta a'mi ho muu, acʉhʉ tiou to isi pafeni to hamo ci mo'esansano ho 'o'elʉlʉ. na eni moc'o acʉhʉ i'mi no tonʉ no mengumi to hamo. o'amos'a i'mi nomo tma'usnu ta hpʉhpʉngʉ ci moutʉs'ʉ.

kolinto 2 11:20

'upena na siya hoci skuzkuzoi muu, epuka na muu, akuzkuzoa muu, hupotfʉnga muu, hocieno t'oplikvi muu, lamu acʉha peelʉi uveica.

kolinto 2 11:29

siya nala yoz'u, te'o o'te yoz'u? siya nala smopcuku ho peiskuisi, te'o o'te ta'tipvonga?

kolinto 2 2:17

o'a mimza mais'a 'o botngonʉ ci cou, titha 'amamhimhino 'e e'e to hamo; maica isi skuna to hamo a'mi, poa yonto tuhcusi a'mi ho boemi no ongko no soskuskunu to kilisto ho aʉ'ʉmta psoyaska 'e e'e.

kolinto 2 4:2

imza acʉha hopsʉpseni 'ola afu'u nootoefʉngʉ ho h'oinveni ci hi'hioa, o'ala hioa 'omo moezʉezʉhʉ ci hi'hioa, yaeza o'ala eknon'a 'o e'e to hamo. yonto tuhcu to hamo. lamza epopayoa 'e so'emio, ieni ta iachi peipeis'ausna ho paavi na ʉmnʉ ci 'tohʉngʉ ta macicihi.

ngalatea 1:6

mi'o na'no yamci, cimimu aac'o na'no m'ozu mongoi ta isi ieni to mengumi to kilisto ho itomo epei muu ci hamo, ho mee'ofeihni tomo h'unasi ci fukuin.

ngalatea 2:4

at'inghi pantomo mesisinto ci cou, aasoe tma'ayumonʉ ta kiokai, 'ucia poa tiou to s'e'honga; 'emo maica ci cou la mais'a supai ho oh'ayumonʉ, lahe huafeozi na imza yaa ci ziu ho mimza tmaa'uzo to kilisto iesu, lahe akoevano 'ucia tolei a'mi.

ngalatea 3:1

nongonongo ci coungalatea, siya namo i'vaho maspepecvai muu? 'o hi'hioa ho isi spica to zuuzika 'o iesu kilisto, ta tuhcu ta mcoomu o'a mos'aeno yaa husansana ci ongko?

ngalatea 4:11

la'u na'na ta'kuv'eni muu, sokoeva no acʉhʉ peis'afeungu 'o o'ula hioa ta taicomu ne auyusi.

'epeso 4:14

maicac'o, nianteto o'te i'vaho mais'a foinana, mumzo to moezʉezʉhʉ ho meknuyu ci la buoyoifo ta cou, fiho tomo mav'ov'o ci motposʉ ho meavaevoezuhu.

'epeso 4:22

temula yungvo'a 'ola conino koa yunsou tote meaapayo'ʉ ci ; i'o noana'o ci a'o isi ieni to eepecvai to ma'konvosʉ hocu toapayo'ʉ.

'epeso 6:24

tesi'sola fii no mengumi to hamo 'ola ma'hʉhʉyʉ himngonghi to nooe'oca iesu kilisto ci cou!

kolosai 2:18

teav'a poa ti'eingneni tola mais'amo afnaso smo'eumcovhi, meeeinu ho m'ohkuyu to tensi ci cou na ntohmu yaa ci hnoo. lac'o fiho ta ma'ankʉ ta cou, aha'o na'no bobitano.

kolosai 2:4

ho os'o e'e eni, temu o'te noa boemi no ecocohʉmʉ ci e'e ho e'usna nomo emopeu ci ceonʉ.

kolosai 2:8

temula bumemealʉ, teav'a poa e'eʉngceni ta mo sveepʉ ci motposʉ; maica 'emo maica ci motposʉ, lac'o psoecingcingha ta cou, mo i'tohungu ta nana'so moipiepiya no macocongeoha ta mouhpʉhpʉngʉ, o'a mo i'tohungu to kilisto.

tesalonike 1 3:5

i'mi tan'e, ko'kocu popeoskuna 'o temote; 'anate'o 'aoko mooteo. ho os'o popeoskuna, akoeva no cohivi mionana atuhcu mainenu na singkoomu. o'a os'o taa'uzva hocisicu paspepecvazi no 'akuma na muu, ho poa 'afeungu na niala hioamza!

temote 1 1:3

os'o tata'za ho ciko nochʉmʉ ne 'epeso; ne te'o emo'usnu ne makitong o'ucu eutotaveiya suu. panto piyo ci cou la yone'e ho psoyaski to o'amo emzo ci mahsʉsʉftʉ, teko asansana pashʉi ho potani.

temote 1 2:14

o'a i'o 'atamu na isi eepepecvazi, ma i'o mamespingi; homo noa paspepecvazi, mo yuszozʉ to hoolicu to hamo.

temote 2 3:13

i'ola kokuzo ci cou ho i'ola lolekoknuyu te huhucmasi ausuhcu kuzo; la meknuyu to mocmo, lea maezo noa peknui.

tito 1:10

maica mo botngonʉ 'ola yuszozʉ ta ceonʉ, boemi to e'ankʉ uk'a a'a'ausna ci e'e ho meknuyu to cou, aavaho 'olan'a ephou no s'e'honga ci sinto ta yutaya.

hevulu 13:9

teav'a poa e'ep'epveni tola mav'ov'o ci eʉsvʉsvʉtʉ. nte noe'ocʉ to mengumi to hamo, ho poa yutataso na 'tohʉngʉmu. 'ote noe'ocʉ to 'ofiha no 'oanʉ; i'ola noe'ocʉ tomo maica ci 'ofiha ma'imo elʉ no koa ʉmnʉ.

petelo 2 3:17

at'inghi, songohia ci maananghia, imucu aueva cohivi 'emo maica ci hi'hioa, ntela etngoeva, tehes'ala boemi tola epeu ci eʉsvʉsvʉtʉ ho e'usna nomo yupeevai ci ceonʉ, ho poa mongoi nomo mahtʉicʉ cila yac'i.

petelo 2 3:3

na sotva'esa zou, temu asansana cohivi, ta puesona ta hie, panto cou la noa atʉkca to iachi ma'konvosʉ, la yuyafo ho potfʉnga muu,

yohane 1 2:18

mao'o'oko, na puesona ta hpʉhpʉngʉ tec'u esmi! ohmula tac'ʉhi te cmʉ'ho 'ote mihango to kilisto; maitan'e 'o botngonʉ ci hangʉ to kilisto micu biyoyafo, i'mitan'e tetocu cohivi tec'u esmi na puesonasi.

yohane 1 4:1

songohia ci maananghia, mi'usnu tola invonvo mainca mio yaa seilei, o'atemu acʉha taa'uzva, conino hʉsvtana'a na piepiyahe mio nana i'mi to hamo, maica micu yaa botngonʉ ci meyoyongensa mo nongabo yuyafo.

yuta 1:4

maica homo yaa 'oha einu ci cou mo aasoe ohtuvho ta taicoto, boemi to eknon'a 'omo yaa mengumi ci e'e to hamo ho efʉnga 'o kuzo ci peipeis'ausnahe, lahe hopsʉpseni 'o moc'o cihi ci tmuoteuyuna - nooe'ocato ci iesu kilisto. ne na'no noana'o, ohsicula eyoca to seiso te asansano tiou no patvovei 'emo maica ci cou.

mokusi 12:15

mo nof'uhu to mamespingi 'o fkoi ic'o, i'mi to ngayosi ho mufunu to fozu ci chumu, 'ucia pangohca 'o mamespingi.

mokusi 12:9

'o meoino long isicu topeohneni; 'aeno 'o ohola yainca fkoi noana'o, 'o ongkosi zou 'akuma hocieno satan, la maspepecvai ta yatatiskova. mo noa topeohneni ta ceoa; isi yaeza topehneni 'o soskuskunusi.

mokusi 20:2

isicu tʉtpʉta 'o pak'i ci long, 'ai'oeno fkoi noana'o, zou 'akuma, la yaeza yainca satan, te toposifou hote seo'eisi.