kolinto 2 11:23 - buacou seiso no faeva esvʉtʉ

²³ zou soskuskunu to kilisto na hin'i? ake'i efnaso, te h'unano zou a'o! 'o la'u hioa la h'unano ngoseo, h'unano man'i 'o hia'u noekotu, h'unasa 'aoka noa ti'usna, man'i ci hia yonto sokoeva 'e nsou.

kolinto 2 11:23 ပူးပေါင်းရင်းမြစ်များ

sitoo 14:19

at'inghi, panto piyo ci couyutaya mo i'mi to 'antia ne pisiti ho ine 'ikonen ho esmi; ihe teouskuni 'omo botngonʉ ho poa mayo to fatu ho tokʉi 'o poolo, ihe ta'unano micu mcoi, cu easasa ho e'eafi ta hosa.

sitoo 20:23

os'oc'o cohivi, yonto mahohosa isi pas'ofeihna to seilei a'o, panto poo'usna ho 'atutumzo mo mooteo a'o.

sitoo 21:11

mo uso ho baito a'mi, yaa 'o snoeputa to poolo, isi iachia seo'eisi 'o emucu ho i'o t'angosi, yainca:

sitoo 25:14

aʉlʉ mipiyohi ne'e, 'o fuisutu isi eʉsvʉsvʉta to 'acipa na hi'hioa to poolo, yainca:

sitoo 27:1

ho micueno afu'a esvʉtʉ no smaimio ta etʉpʉ ho emo'usnu ne 'italia, ihe cu toveineni to yuliu ci ngungkang to honte 'o poolo ho i'o mocmo ci isi poekotva.

sitoo 28:16

ataveisi ne mimzacu sʉc'ʉhʉ ne looma, ihe teomneni 'o poolo, poa no'upu tomo noʉt'ʉcʉ ci heetai ho poa yontomo h'unasi ci 'oyona.

sitoo 28:30

mo topuska to isi yoni ci emoo 'o poolo. i'omo afu'u 'u'uso ci cou, isi acʉha aʉt'ʉt'ʉca.

sitoo 9:16

te'o iachia pa'cohivi, tena nomio a'o ho elʉ tomo mav'ov'o ci 'atutumio.>

looma 8:36

mais'a 'o isi yainca to seiso: nomio suu, lamza conconohie yonta mo mcoi ci a'a'ausna; lahe hu'u'usna notena chua ci moatʉ'nʉ a'mi.

kolinto 1 15:10

at'inghi, i'mi no mengumi to hamo, mi'ocu mais'a 'e a'o maitan'e, i'o isi pafeni a'o ci mengumi o'a mo 'afeungu. apuyu, mi'o afnasohe ngoseo yaahioai ta mocmo ci sitoo; a'ʉmtʉsi, o'a mi'o anouc'o peihcachi, mai'o mengumi to hamo 'omo i'upu yaahioa a'o.

kolinto 1 3:5

te tamza no cuma 'o 'apolo? tamza no cuma 'o poolo? 'amimzac'oeno noa soskuskunu to hamo, te engocha muu ho poa tmaa'uzo to hamo. 'e mimza macicihi ci cou moc'o acʉhʉ fiho no lasi skueni to nooe'oca ho yaahioa:

kolinto 1 4:1

ntemula hu'u'usna no soskuskunu to kilisto na a'mi, tiou no leaʉt'ʉcʉ to moumsʉ'eonʉ ci emoo to hamo.

kolinto 1 4:11

ac'ʉhʉ maitan'e. mimzac'on'a asngʉcʉ sieo ho mecu. yuesih'i. conino noa ti'usna. nongongabo mimiyo.

kolinto 1 4:9

maica'sio, ieni to hia'u bobaito, husansana ho isi poa socivcia to hamo 'e mimza sitoo, mais'a isi yʉsvʉta note poa mcoi ci isi poekotva, yonta taico ta pepe ho ceoa ho peistotothomʉ, poa aitneni to tensi ho ita yatatiskova.

kolinto 2 10:7

lamu i'eafneni ho aiti 'e a'a'ausna ta hi'hioa. hoci panonte ma'unano mo iachi tma'usnu to kilisto, ntesi i'vaha ta'to'tohʉngvana'a, homo tma'usnu to kilisto, 'amimzaeno totiski maezo tma'usnu to kilisto.

kolinto 2 11:5

os'o taa'uzva mio no'vonʉ na o'a os'o o'te toc'ʉhi tola yainca !

kolinto 2 3:6

isi poa yaa totontone a'mi ho teyai soskuskunu ta faeva ci esvʉta; 'e esvʉta eni o'a i'o isi huyafi ci tposʉ ta hoolicu, ma esvʉta to seilei. 'e isi huyafi ci tposʉ ta hoolicu mo mahafo no mcoi, at'inghi 'e seilei la mofi to nsou.

kolinto 2 4:11

'e conomza yunsou, asngʉcʉ nomio to iesu ho mita isi sokoeva no mcoi, akoeva no poa hupopayoneni tate kuzo ci feangomia na nsousi.

kolinto 2 6:9

la yainca uk'acila bohngʉ a'mi, a'ʉmtʉsi lahe toehunga cohivi ta ehuehungu; yainca mimzacu mcoi, a'ʉmtʉsi mimza yoayokeo ho yaansoua. lamza noa ti'usna, at'inghi o'ala opcoza;

ngalatea 6:17

ahoi maitan'e ho ataveisi, teav'anas'a yontamo maica ci hioa ho e'ep'epva a'o, maica 'e feango'u mo mahafo to 'epi to iesu.

'epeso 3:1

i'mi tan'e, 'e mi'o nomio ta couyafana ci muu ho holeo to kilisto iesu ci poolo. te'o mi'usnu to hamo ho 'inolineni muu.

'epeso 4:1

ko'koeno, te'o poucufna muu - mi'o i'mi no fifiho to nooe'oca ho noa poekotva - na lamu peipeis'ausna ntemu acʉha poa toseolʉ to ohsi p'eyac'a to hamo ci huomza ho ohsila eoho'a muu.

'epeso 6:20

mi'o e'vono mahafo ta ekʉka, mi'o nomio ta fukuin ho afnaso ci soskuskunu. temu 'inoli to nooe'oca ho pafi no 'ʉteʉ a'o ho engha na nte'o anana'va engha ci e'e.

pilipi 1:13

to ataveisi, acʉcʉhʉ 'o makekengsacu ta lasi yoni to honte, ho i'o afu'u yatan'e, mo acʉhʉ bochio ho mi'o nomio to kilisto ho noa poekotva.

pilipi 2:17

'upenaeno te'o boemi ta hmuyu'u ho sʉ'teni, sahuneni ta imu yomza no singkoo ho sʉ'teni to hamo ci sʉ'ta, te'oc'o kaebʉ, a'vinano poa tma'upu no kaebʉ'u na muu.

kolosai 1:24

maitan'e ho la'u 'atutumzeni muu mo ma'kakaebʉ ci hi'hioa; maica homo 'atutumzo 'e feango'u, mais'a os'o ticngiha 'o nia 'atutumzo to kilisto ho ohsila 'atutumzeni 'e feangosi - 'ai'o ohsieno uveica ho o'temocu aepʉnga ci 'atutumzo ta kiokaisi.

kolosai 1:29

nomio ta isi mituhci tan'e, os'o titha 'e isi pafeni a'o to kilisto ci meoino no tonʉ, o'te bʉʉpsʉpsʉ no ngoseo, 'aanana'o yaahioai.

tesalonike 1 3:2

temza popeoskuna 'o ohaesa ci temote ho poa uhta lamu yoni; 'e temote lamza toehungu nomio to hamo ho psoyaski to fukuin to kilisto. na atuhcusi ho imza popeoskuna tesi amamahtʉica ho to'usni na singkoomu.

temote 1 4:6

hociko pa'cohivneni to maanat'ohaesa 'e hi'hioa eni, mikocu ʉmnʉ ci soskuskunu to kilisto iesu; a'vinano inamo yaa singkoo ci e'e ho i'o lako asonghoza fihi ci mo emzo ci ceonʉ tesi to'usni na piepiyasu ho poa yusuhci.

temote 2 1:16

tesi'so coveoza to nooe'oca 'o conoemoo to 'anisifo, maica isi siho poucufna a'o, poa ma'eayokeo a'o. o'a isi h'oinveni ho mi'o noekotu,

temote 2 1:8

i'mi tan'e, 'atekos'a ta'unano isi h'oinveni ci hi'hioa ho teko 'akasi 'o nooe'oca, yaeza teav'a h'oinveni ho mi'o nomio to nooe'oca ho noekotu. teko maino isi faeni to hamo ci tonʉ, nomio ta fukuin ho e'to'usnu no 'atutumio.

temote 2 2:9

mi'o i'mi no psoyaska 'e fukuin eni ho tiou ta 'atutumio, ac'ʉha no noa seo'eisi, totiski tomo yaa kuisi, at'inghi, na e'e to hamo o'ate peelʉi seo'eisi.

temote 2 3:11

a'vinano e'paevai ta os'o tiova ci akuzkuzo ho 'atutumzo. osko acʉha cohivi 'o os'o yupteilʉneni ho uveica ci akuzkuzo ne mo'u yone 'antia, 'ikonen, ho ine lusuto; at'inghi, isi to'usni to nooe'oca a'o ho poa momeesih'i ta acʉcʉhʉ tan'e.

fuilimong 1:9

at'inghi, isi cucufni no himngonghi a'o ho m'ene suu. na a'o - poolo, e'vono zou soskuskunu to kilisto iesu, maitan'e os'o yaeza nomzi ho noekotu, te'oc'o ma'kaebʉ no maica ci hioa.

hevulu 10:34

lamu i'upu 'atutumzo tola poekotva ci cou. cono holahe ti'einga 'o acʉcʉhʉ ci macucumamu, temuc'o uveica tiova; maica ho imu cohivi, panton'a imu songacva cimo afnaso ʉmnʉ ho noana'ohe ci ezoezoyʉ.