kolinto 2 11:14 - buacou seiso no faeva esvʉtʉ

¹⁴ a'ʉmtʉsi o'ate nama yamceni. ac'ʉhʉ to satan la maezo tmaangeai ho mais'a tiskova ci tensi!

kolinto 2 11:14 ပူးပေါင်းရင်းမြစ်များ

kolinto 2 11:3

os'o ta'sokoeva na 'tohʉngʉmu hoci mi'usnuhe nomo kuzo, ciha na ma'mamhocni ho cofkoya ci himngonghi to kilisto, totiski to 'eva ne moso noa pa'hipepecvazi to moezʉezʉhʉ ci fkoi.

kolinto 2 2:11

ci tes'a tosa'ohe na satan, maica ho imza na'na asansana 'o moezʉezʉhʉ to satan.

ngalatea 1:8

a'ʉmtʉsi, upena na siya, hocieno a'mi, hocieno i'mi ta pepe ci tensi, hoci mi'usnu muu ho epeaski nomo h'unasi ci fukuin. o'te totiski ta omzala psoecʉ'ha muu ne auyusi, nte tiou no patkuzoi!

'epeso 6:12

maica o'amito mi'usnu tamo yaa hmuyu ho yaa feango ci cou, mito mi'usnu to h'aokuv'o ta mouhpʉhpʉngʉ, 'o teto mi'usni 'ai'olaeno aʉt'ʉcʉ, tʉʉt'ʉcʉ ta voecʉvcʉ ci hpʉhpʉngʉ, ho ito tonʉ no kokuzo ta hpʉhpʉngʉ.

kolosai 1:12

'aveoveoyʉ to amopepe, maica ho isi poa yaa ongko no tma'upu no ohsila songacveni no sinto cimo ʉm'ʉmnʉ to 'ayumona to tiskova ci hpʉhpʉngʉ na muu.

kolosai 1:13

isi to'usni a'to ho poa momeesih'i no tonʉ no voecʉvcʉ, poa noskufu no tonʉ to songohia ci okosi ho poa yunsou a'to.

mokusi 12:9

'o meoino long isicu topeohneni; 'aeno 'o ohola yainca fkoi noana'o, 'o ongkosi zou 'akuma hocieno satan, la maspepecvai ta yatatiskova. mo noa topeohneni ta ceoa; isi yaeza topehneni 'o soskuskunusi.