kolinto 2 11:10 - buacou seiso no faeva esvʉtʉ

¹⁰ te'o smeecʉ'ho mas'osʉ tomo yonta 'tohʉngʉ'u ci so'emio to kilisto ho mainca, i'e os'o afu'a etanveni tena psoengabo ta mia'usnu ta 'akaiya.

kolinto 2 11:10 ပူးပေါင်းရင်းမြစ်များ

sitoo 18:12

nemo seolʉa no sootoku to 'akaiya 'o kalio, mo biteuyunu 'o couyutaya ho suyumi 'o poolo, e'usna to hooin,

sitoo 18:27

ataveisi mo iachi ma'koyu 'o 'apolo te uhne 'akaiya, ihecu to'usni to sinto ne 'epeso, tmopsʉ to tengami ho faeni to sinto ne 'akaiya, poa aʉt'ʉcneni 'o 'apolo. ne micu sʉc'ʉhʉ ne'e, mo na'no meoino to'usnu to micu mayo no mengumi ci sinto.

looma 1:9

isi cohivi to hamo la asngʉcʉ yono 'inoli'u ho taaecingia muu. la'u pnanfi na 'tohʉngʉ'u koyu'u ho fifiho to hamo, psoyaska 'omo natʉ'ca 'o okosi ci fukuin; tesi peelʉi soomei ho mo a'ʉmtʉ emio 'e e'e'u.

looma 16:5

maezo tuayokeo tola yonto emoohe ho yu'eteuyunu ci kiokai. tuayokeo to ngohia ci nanghia'u 'ipainitu; moso ahoi tma'usnu to kilisto ci cou ta 'aziasoo.

looma 9:1

te'o mo'engho tamo mou'ʉmtʉ ci e'e; mi'o tma'usnu to kilisto, o'ami'o meknuyu. 'e ʉmnʉ ci 'tohʉngʉ'u mo yono isi psoetiskovi to seilei ho soomei ho o'a mi'o meknuyu:

kolinto 1 16:15

maanat'ohaesa, panto te'o poucufneni ci e'e. 'aimu ahtao'te honga 'o cono emoo to sutepana; 'e cono emoohe moso atva'esi auyu sinto ta 'akaiya, a'vinano tola hia aʉt'ʉt'ʉcʉ to sinto la afnaso cuveu ci 'tohʉngʉ.

kolinto 2 1:1

zou poolo a'o; mi'o tiou no 'tohʉngʉ to hamo ho sitoo to kilisto iesu. na a'o ho i'e nat'ohaesa ci temote tmopsʉ ta tengami ho faeni tomo yone kolinto ci kiokai to hamo ho ito afu'u sinto ta 'akaiya.

kolinto 2 1:23

te'o m'eya 'akasineni to hamo; hoci'u meknuyu. tasi patvovei a'o, ho mi'o esvʉtʉ o'te uhne kolinto os'o ta'to'tohʉngveni muu.

kolinto 2 10:15

i'ocu mo noyafo ta imza ekuyungvi, ho aepʉnga no mocmo ci hioa, o'atemza seecʉ'ha etanveni. lamzac'o tata'zeni hocila yusuhci na singkoomu, poa meelʉ yono 'ayumona no isi paisvʉti to hamo ho a'cʉ'cʉna poocoya ta 'ayumonamu nala hioa.

kolinto 2 11:12

te'o a'cʉ'cʉna 'e os'o hioa maitan'e, akoeva no o'tena i'vaha poa etano 'ola mainca zou ci cou, la ma'unano mo acʉhʉ totiski ta lamza hioa 'o ihe hioa.

kolinto 2 11:31

i'o amohamo to nooe'oca iesu zou i'o te 'auesiesia tohmomongʉneni; isi cohivi o'a la'u meknuyu.

kolinto 2 12:19

hocieno, lamu ta'unano lamza conino ehcʉvheni 'e iachi, a'ʉmtʉsi o'amos'a maica; yono tuhcu to hamo leamzac'o e'e 'o isi poa e'eneni to kilisto. ngohia ci maananghia, i'e imza afu'a hioa uk'a ci isi o'te 'ucia p'eʉlʉlʉa muu.

kolinto 2 9:2

os'o cohivi mimu smoekaebʉ no tuyafa na tonʉ, i'mi tan'e mo'ula mi'usnu to yane makitong ho etanveni na hiamu mealʉ. o'u yainca: <'o sinto ne 'akaiya. micu ahoi ne nʉt'ʉcu ho ae'ayocʉ.> ina lamu hia ma'cucuveu ci 'tohʉngʉ isicu poot'ova 'o 'tohʉngʉ to botngonʉ ci cou.

ngalatea 1:20

mo acʉhʉ eʉlʉ 'e e'e'u; isi cohivi to hamo, o'ala'u meknuyu.

ngalatea 2:20

maicac'o, 'e mo yaansou maitan'e o'a nas'a a'o, mo yonta 'ayumona ta nsou'u 'o kilisto ho yaansoua. ho mi'o yaansou maitan'e, mo i'mi no tmaa'uzo to oko to hamo ho yaansoua; isi ngohia a'o, nomio a'o ho ciha 'o nsousi.

tesalonike 1 2:10

mi'usnu ta mimu sinto, 'e lamza e'e ho i'e peipeis'ausna la acʉhʉ cofkoya, ahmʉskʉ, ho uk'a 'o'emamzi no koica. ta tan'e, na muu ho i'o hamo 'ateeno acʉhʉ meelʉ 'akasi.

tesalonike 1 2:5

imu cohivi, ahoi to ahoisi o'amimza ahtu mi'usnu muu ho mo'engho nomo euteoteozu ci e'e, maezo o'amimza ma'sasoe ma'konvosʉ ci koyu; na eni tesi peelʉi 'akasineni to hamo.

temote 1 2:7

nomio ta isi mituhci tan'e, mi'o noa popeoskuna ho lepsoyaski ho sitoo to couyafana, lema'cohio ho poa tmaa'uzo a'vinano bohngʉ ta so'emio. o'a mi'o meknuyu; 'e e'e'u mo acʉhʉ eʉlʉ!