kolinto 2 1:23 - buacou seiso no faeva esvʉtʉ

²³ te'o m'eya 'akasineni to hamo; hoci'u meknuyu. tasi patvovei a'o, ho mi'o esvʉtʉ o'te uhne kolinto os'o ta'to'tohʉngveni muu.

kolinto 2 1:23 ပူးပေါင်းရင်းမြစ်များ

sitoo 18:1

ataveisi tan'e, mo mongoi ne yaaten 'o poolo, esmi ne kolinto.

sitoo 18:8

i'o leaʉt'ʉcʉ to kaitoo ci cilisupu ho i'o conosi emoo mo acʉhʉ tmaa'uzo to nooe'oca; mion'a botngonʉ ci coukolinto 'omo maezo tmaa'uzo ne micu tmac'ʉhʉ to fukuin, a'vinano tiou to toonono.

looma 1:9

isi cohivi to hamo la asngʉcʉ yono 'inoli'u ho taaecingia muu. la'u pnanfi na 'tohʉngʉ'u koyu'u ho fifiho to hamo, psoyaska 'omo natʉ'ca 'o okosi ci fukuin; tesi peelʉi soomei ho mo a'ʉmtʉ emio 'e e'e'u.

looma 9:1

te'o mo'engho tamo mou'ʉmtʉ ci e'e; mi'o tma'usnu to kilisto, o'ami'o meknuyu. 'e ʉmnʉ ci 'tohʉngʉ'u mo yono isi psoetiskovi to seilei ho soomei ho o'a mi'o meknuyu:

kolinto 1 4:21

nenusi na temu epeiyahe? nenusi no te'o mahafo no eobaknana, hocieno mahafo no himngonghi ho ma'cocacni ci 'tohʉngʉ ho uso?

kolinto 1 5:5

'antemu faeni no satan 'e cou eni. poa aapayo'neni no satan 'e feangosi. teeno peelʉi to'usni na piepiyasi ho tena yuovei 'o nooe'oca.

kolinto 2 1:1

zou poolo a'o; mi'o tiou no 'tohʉngʉ to hamo ho sitoo to kilisto iesu. na a'o ho i'e nat'ohaesa ci temote tmopsʉ ta tengami ho faeni tomo yone kolinto ci kiokai to hamo ho ito afu'u sinto ta 'akaiya.

kolinto 2 1:18

te'o mi'usnu to 'o'emio ci hamo, i'o nia e'e'u o'a mos'a tee .

kolinto 2 10:2

ho ta'u uso, teav'as'a popeoc'ʉc'a a'o ho 'oha koe'ia muu. mi'usnu tola eayaezoyʉ am'i ho yainca mimza biftongʉ no 'tohʉngʉ ta hpʉhpʉngʉ ho yaahioa ci cou, o'a te'os'a koekoe'ia.

kolinto 2 11:10

te'o smeecʉ'ho mas'osʉ tomo yonta 'tohʉngʉ'u ci so'emio to kilisto ho mainca, i'e os'o afu'a etanveni tena psoengabo ta mia'usnu ta 'akaiya.

kolinto 2 11:11

mo mainci maica co e'e'u? os'onana o'te ngohia muu? isi cohivi to hamo, os'o ngohia muu!

kolinto 2 11:31

i'o amohamo to nooe'oca iesu zou i'o te 'auesiesia tohmomongʉneni; isi cohivi o'a la'u meknuyu.

kolinto 2 12:20

os'o sokoeva ho ta'u uso muu, aiti hocimu o'te toseolʉ no o'ula 'ucia totea, ho tamu aiti a'o maezo o'amo toseolʉ no ohmula totea, os'o yaeza smoyoa ho ci'u baito no youbobai, smo'eubut'u, ma'sʉsʉ'no, ma'konvosʉ, eayaezoyʉ, buusumsu, bobitano, ho 'afeo'fu'u.

kolinto 2 13:10

ko'koeno, ho mi'o nomcovhi muu te'o tposi 'e tengami eni, ta'u o'te 'ahʉya titha 'o isi faeni a'o to nooe'oca ci tonʉ ho mi'usni muu ho eyʉyʉcʉ, i'o isi faeni a'o to kilisto ci tonʉ mate p'eyac'a muu, o'ates'a aon'oza muu.

kolinto 2 13:2

mi'usnu to mosola peiskuisi ne auyusi ho ito mocmo ci cou, ne mo'ula opsohʉ muu o'ucula engahva, maitan'e 'upena ho o'ami'o yonsica, te'o i'vaha engahva muu, hoci'u vohvaha muu, o'ana ta'us'a peteongasa.

kolinto 2 6:6

lamza boemi no cofkoya, mau'to'tohʉngʉ, buveici, ma'cocacni, afnaso i'tohungu to seilei. mou'ʉmtʉ ci himngonghi.

ngalatea 1:20

mo acʉhʉ eʉlʉ 'e e'e'u; isi cohivi to hamo, o'ala'u meknuyu.

pilipi 1:8

isi cohivi to hamo, os'o yainca la'u titho to himngonghi to kilisto iesu ho a'ʉmta taaecingia muu, 'e e'e eni mo eʉlʉ.

tesalonike 1 2:5

imu cohivi, ahoi to ahoisi o'amimza ahtu mi'usnu muu ho mo'engho nomo euteoteozu ci e'e, maezo o'amimza ma'sasoe ma'konvosʉ ci koyu; na eni tesi peelʉi 'akasineni to hamo.

temote 1 1:20

ta 'ayumona tan'e panto suminai ho i'o 'alisanta; os'ocu faeni to emucu to satan, poa meelʉ o'tena ekuzkuzo to hamo.