kolinto 2 1:21 - buacou seiso no faeva esvʉtʉ

²¹ isi mi'usni to hamo na suu a'o ho hosoo, mito yunsou to 'ayumona to kilisto; isi ah'una a'to,

kolinto 2 1:21 ပူးပေါင်းရင်းမြစ်များ

yohane 3:34

i'o isi skuna to hamo ci ic'o mo epeaski to e'e to hamo, maica 'o hamo mo uk'a aca'cʉ'hi ho faeni na seileisi.

sitoo 10:38

imu yaeza cohivi 'o counazalo ci iesu; 'o hamo mo mainenu na hiasi ieni to seilei ho ito meoino tonʉ ho hoyuha to feangosi, poa smaingabo ta mauhpʉhpʉngʉ, peihcocoyʉ to ʉmnʉ ci hi'hioa, aotothoma 'o isi atʉkca no 'akuma ci cou. 'amoeno maica ho isi no'upi to hamo.

looma 16:25

no'unu'sio to hamo na psoevohngʉ! lasi peelʉi ieni to os'o psoyaska ci fukuin ho amamahtʉica na singkoomu. 'e fukuin eni mo e'usnu to e'e to iesu kilisto, cu paavi 'omo ahoi ne noana'o ho nootoefʉngʉ ci moumsʉ'eonʉ.

looma 8:9

inacu muu, ho mioeno yonta 'ayumonamu 'o piepiya to hamo, na h'oyunsovamu o'ana tesi eahahafa ta feango, lac'o tiou no atʉkca to seilei. namo uk'a piepiya to kilisto ci cou o'ate tma'usnu to kilisto.

kolinto 1 1:8

'atesi ahtao'te apopaezuma to'usni to nooe'oca muu, no hiesi ho tac'u ohpueho 'o nooe'oca iesu kilisto poa uk'a emzi no koica muu.

kolinto 2 5:5

'o hamo isi iachia ayoca ho poa suseolʉ tamo maica ci te aezuhu na a'to, isi pafeni 'o seilei ho titha hosoo a'to.

kolosai 2:7

yonto 'ayumonasi ho biemisi, yusuhci. p'eyac'a na singkoo, 'amoeno maica na lamu tiova ci mo'ma'cohio; temu yaeza poa ngangcʉngcʉ na 'aveoveoyʉ ci 'tohʉngʉ.

tesalonike 1 3:13

maicac'o, tesi poa ma'mahtʉicʉ muu, ho tenac'u cmʉ'ho 'o nooe'oca iesu ho i'o masisintosi, meelʉ yonto tuhcu to hamo ho cofkoya ho uk'a heo'tʉ.

tesalonike 2 2:17

poucufna muu, poa yaa ma'ʉ'ʉteʉ ci 'tohʉngʉ. psoyaska ho peiseafi 'e acʉcʉhʉ cimo yonghu ci hi'hioa.

tesalonike 2 2:8

homio, te yuyafo 'ola popeiskuzkuzo, at'inghi ho tena i'vaho cmʉ'ho 'o nooe'oca iesu tasi yomza to peucu to ngayosi ho opcoza, ieni no tiskovasi ho aapayo'a.

tesalonike 2 3:3

at'inghi, zou 'o'emio 'o nooe'oca; tesi peelʉi poa bimahtʉicʉ muu, o'te poa suv'ohneni tola kokuzo.

hevulu 13:9

teav'a poa e'ep'epveni tola mav'ov'o ci eʉsvʉsvʉtʉ. nte noe'ocʉ to mengumi to hamo, ho poa yutataso na 'tohʉngʉmu. 'ote noe'ocʉ to 'ofiha no 'oanʉ; i'ola noe'ocʉ tomo maica ci 'ofiha ma'imo elʉ no koa ʉmnʉ.

petelo 1 5:10

at'inghi, ataveisi ho mimu tiou ta akameosʉ ci 'atutumio, i'ola mofi to afu'u mengumi ci hamo, 'ai'omoeno eyoho'ʉ muu ho ieni to kilisto iesu ho yuecnguhu ho toehungu tma'upu no psoevohngʉ ci hamo, 'atasi ahtao'te iachia p'eʉlʉlʉa. amamahtʉica, pafi no tonʉ ho ino tmaʉlʉlʉ ci totnguca na muu.

yohane 1 2:20

mimucu tiou no s'os'o to socofkoya, ko'ko mimu acʉhʉ bohngʉ to so'emio.

yohane 1 2:27

inacu muu, isicu faeni muu to kilisto na piepiyasi. hoci mako no'upu muu na piepiyasi, 'anatemu 'ahʉya noa po'pa'cohivi no mocmo ci cou; maica ina piepiyasi tesi acʉha po'pa'cohivneni muu na acʉcʉhʉ ci hi'hioa, a'vinano na lasi hia mo'ma'cohio mo acʉhʉ aʉ'ʉmtʉ, o'amo meknuyu. ko'koeno, temula meo'uzo no lasi hia mo'ma'cohio to seilei, conino yaansou to 'ayumona to nsou to kilisto.

mokusi 1:6

isi poa saisi ta hpʉhpʉngʉsi a'to, ho fifiho to amohamo. no'usnu'sio to iesu kilisto na psoevohngʉ ho tonʉ, ac'ʉhʉ no 'auesiesi! 'aamen.

mokusi 3:18

ko'koeno, te'o poucufna suu mi'usnu a'o ho mhino tomo so'ʉmnʉa ci king. poa a'ʉmtʉ atngaso suu; maezo mhino tomo fʉecʉ'za ci yʉsʉ ho paceofa, teeno tomʉti si h'oinveni cimo yuamaesih'i ci feangosu; maezo mhia s'os'o mcoo ho sieseni ta mcoosu, tekoeno meelʉ smo'eusansano.