kolinto 2 1:12 - buacou seiso no faeva esvʉtʉ

¹² i'elamza etanveni zou: 'e ʉmnʉ ci 'tohʉngʉmza isi soomei na lamza hia mi'usnu ta cou ta hpʉhpʉngʉ, aavaho na natʉ'ca ta a'mi ho muu, acʉhʉ tiou to isi pafeni to hamo ci mo'esansano ho 'o'elʉlʉ. na eni moc'o acʉhʉ i'mi no tonʉ no mengumi to hamo. o'amos'a i'mi nomo tma'usnu ta hpʉhpʉngʉ ci moutʉs'ʉ.

kolinto 2 1:12 ပူးပေါင်းရင်းမြစ်များ

sitoo 23:1

isi teochʉmi to poolo 'o cou to ngikai, yainca:

sitoo 24:16

ko'koeno, la'u conino eucucufna 'e iachi, yonto tuhcu to hamo ho ita cou, asngʉcva butʉtʉyʉca na acocofkoya ho tʉs'ʉ ci 'tohʉngʉ.

looma 9:1

te'o mo'engho tamo mou'ʉmtʉ ci e'e; mi'o tma'usnu to kilisto, o'ami'o meknuyu. 'e ʉmnʉ ci 'tohʉngʉ'u mo yono isi psoetiskovi to seilei ho soomei ho o'a mi'o meknuyu:

kolinto 1 1:17

ho isi popeoskuna to kilisto a'o o'a isis'a akoeva no poa toonono, ma isi poa psoyaski ta fukuin a'o, o'amo boemi no moutʉs'ʉ ci e'e, ci tes'a aapayo'ʉ na tonʉ to kilisto homo mcoi to zuuzika.

kolinto 1 12:8

'o seilei isi pafi no moutʉs'ʉ ci e'e 'emo cihi, totiski ci seilei isi pafi no mau'to'tohʉngʉ ci e'e 'emo h'unasi ci cou.

kolinto 1 15:10

at'inghi, i'mi no mengumi to hamo, mi'ocu mais'a 'e a'o maitan'e, i'o isi pafeni a'o ci mengumi o'a mo 'afeungu. apuyu, mi'o afnasohe ngoseo yaahioai ta mocmo ci sitoo; a'ʉmtʉsi, o'a mi'o anouc'o peihcachi, mai'o mengumi to hamo 'omo i'upu yaahioa a'o.

kolinto 1 2:13

ko'koeno, 'e imza engha ci e'e o'a mo boemi no ohola po'pa'cohivneni ta cou ci moutʉs'ʉ ho engha, mamo boemi no isi po'pa'cohivneni to seilei ci e'e, ho mi'usnu tamo tma'usnu to seilei ci cou ho esansana namo tma'usnu no piepiya ci so'emio.

kolinto 1 4:4

la'u iachi mainca no koyu mo cofkoya co 'tohʉngʉ'u, at'inghi o'ate'o i'mi tan'e ho soomei no uk'aci kuisi'u. 'ai'oc'oeno nooe'oca nate etfʉngʉ a'o.

kolinto 1 5:8

ko'koeno, ho teto noyʉci 'e meesi eni, o'ate titho nomo noana'o ci smoof'o, 'ai'oeno mo yaa smoof'o no kokuzo, te tithohe to o'amo yaa smoof'o ci pang, 'ai'o moeno yaa cofkoya ho so'emio ci pang.

kolinto 2 1:17

'emo maica ci ta'koeva, siya nate meelʉ ehcʉvo ho mainca mi'o 'aʉnpʉnpʉ? 'e ma'koyu eni mios'aeno i'mi no ma'cachi ci 'tohʉngʉ, zohzou no o'a, ho ma'vav'ov'o?

kolinto 2 11:3

os'o ta'sokoeva na 'tohʉngʉmu hoci mi'usnuhe nomo kuzo, ciha na ma'mamhocni ho cofkoya ci himngonghi to kilisto, totiski to 'eva ne moso noa pa'hipepecvazi to moezʉezʉhʉ ci fkoi.

kolinto 2 2:17

o'a mimza mais'a 'o botngonʉ ci cou, titha 'amamhimhino 'e e'e to hamo; maica isi skuna to hamo a'mi, poa yonto tuhcusi a'mi ho boemi no ongko no soskuskunu to kilisto ho aʉ'ʉmta psoyaska 'e e'e.

kolinto 2 4:2

imza acʉha hopsʉpseni 'ola afu'u nootoefʉngʉ ho h'oinveni ci hi'hioa, o'ala hioa 'omo moezʉezʉhʉ ci hi'hioa, yaeza o'ala eknon'a 'o e'e to hamo. yonto tuhcu to hamo. lamza epopayoa 'e so'emio, ieni ta iachi peipeis'ausna ho paavi na ʉmnʉ ci 'tohʉngʉ ta macicihi.

kolinto 2 8:8

o'ate'o esvʉtʉ no 'ofiha no cuma, te'oc'o maka poa cohivneni muu, nalahe hia asno'zonʉ no mocmo hola to'usnu no cou. ieni tan'e ho hʉsvʉta na himngonghimu.

ngalatea 6:4

'emo macicihi ntela yue'iya na iachia peipeis'ausna; hoci pano mo ʉmnʉ ci peipeis'ausna, te peelʉi etotofsi'za, o'ate 'ahʉyʉ yupania patotiska nala peihcʉ'hi no mocmo ci cou.

'epeso 6:14

ko'koeno, temula ae'ayocʉ. boemi no so'emio ho teyai snoeputa, boemi no moulʉlʉ ho teyai tooftonga t'oenga.

pilipi 1:10

temu meelʉ epei tomo so'ʉmnʉa. maicac'o, yono hiesi no i'vaho cmʉ'ho 'o kilisto, temu meelʉ cofkoya ho uk'a 'o'emamzi no koica.

tesalonike 1 2:10

mi'usnu ta mimu sinto, 'e lamza e'e ho i'e peipeis'ausna la acʉhʉ cofkoya, ahmʉskʉ, ho uk'a 'o'emamzi no koica. ta tan'e, na muu ho i'o hamo 'ateeno acʉhʉ meelʉ 'akasi.

temote 1 1:5

na atuhcusi ta mashʉyʉ tan'e la cucufnu no himngonghi; 'e himngonghi eni, la i'mi no cofkoya ci 'tohʉngʉ. ʉmnʉ ci koyu, ho ino a'ʉmtʉ ci singkoo ho cmʉfeʉ.

tito 2:7

'ecu iachisu, 'upena no mainenu ci hi'hioa la acʉha poa ʉmnʉ nala peipeis'ausna, mooyai no tehela peis'ofeihni. hola mo'ma'cohio to cou la eʉlʉ, ho mouyʉcʉ,

hevulu 13:18

teav'asola tosveni 'inolineni a'mi. imza iachia taa'uzva mo tʉs'ʉ ho ʉmnʉ 'e koyumza, smoekakaebʉ mino mo emio ci ceonʉ.

yakovu 4:6

at'inghi, na isi pafeni to hamo ci mengumi mo na'nohe atngaso, aʉlʉ mais'a 'o isi yainca to seiso:

petelo 1 3:16

at'inghi tela boemi no ma'cocacni ho ma'eaceaco ci koyu ho yut'ingi. la yaa cofkoya ho ʉmnʉ ci 'tohʉngʉ, poa iachi ma'kokoe'i 'ola aokoe'i muu, ho lamu tmaa'uzo to kilisto ho popeis'ʉ'ʉmnʉ.

petelo 1 3:21

'e chumu eni 'aisieno epo'usa no toonono. maitan'e 'e toonono eni isi to'usni muu, o'a isis'a yainca isi toonvi na ca'i ta feangomu, mamo boemi no cofkoya ci 'tohʉngʉ ho mi'usnu to hamo ho ekoyu; 'e toonono eni isi ieni to smoevovei to iesu kilisto hocu to'usni muu.