kolinto 1 7:19 - buacou seiso no faeva esvʉtʉ

¹⁹ maica hoci tiou ho o'te tiou no s'e'honga cumanantesi a'a'ausna; na sotva'esa te meot'ʉcʉ to mashʉyʉ to hamo.

kolinto 1 7:19 ပူးပေါင်းရင်းမြစ်များ

matai 5:19

ko'koeno, 'ola yuszozʉ tamo so'okosia ci h'oesvʉta, a'vinano pa'cohivi na mocmo ho poa peis'ofeihni, ho tac'u yonto hpʉhpʉngʉ ne pepe tena so'okosia. apuyu, 'ola meot'ʉcʉ to hoolicu ho yaeza poa peis'ofeihni na mocmo ci cou, ho tac'u yonto hpʉhpʉngʉ ne pepe, tena atva'esi meoisi.

yohane 15:14

honcimu noyʉci 'e mashʉyʉ'u, 'acueno nanghia'u.

looma 3:30

moc'o cihi 'o hamo, tesi poa i'tohungu no tmaa'uzo 'o couyutaya, 'o couyafana te maezo i'mi no tmaa'uzo ho yaa yupa toseolʉ ci natʉ'ca 'o hamo.

kolinto 1 8:8

a'ʉmtʉsi, 'e 'oanʉ o'ate koa asuhcu ʉmnʉ na teto natʉ'ca 'o hamo; hoci o'te bonʉ uk'a cite nama payo'a, hoci bonʉ uk'a cite nama tov'oha.

ngalatea 3:28

o'anate avahvoh'una na couyutaya ho couyafana, hocieno tolei ho ziu, hahocngʉ ho mamespingi, to 'ayumona to nsou to kilisto iesu, mimucu acʉhʉ cono feango,

ngalatea 5:6

maica, hocitocu no'ayumonʉ no nsou to kilisto iesu, hoci tiou ho o'te tiou no s'e'honga uk'a citesi nama natʉ'ca, inac'o isi boemi no himngonghi ho peispa'teni na singkoo 'aeno eni nate sotva'esi.

ngalatea 6:15

tiou no s'e'honga ho o'te tiou no s'e'honga. uk'a ci tesi nama a'a'ausnu; nate sotva'esa teto i'vaho faeva ci cou.

kolosai 3:11

ho isicu e'usna tan'e, 'anate i'vaha avahvoh'una na coungilisia ho couyutaya; o'anate yaa s'e'honga hocieno o'te s'e'honga. yano voveiveiyo, uafeihi, tolei hocieno couziu. 'o kilisto 'aeno acʉcʉhʉ, 'o kilisto isi nocʉcʉhi 'e acʉcʉhʉ.

mokusi 22:14

inala toʉlʉi na yʉsʉsi ci cou te a'ʉmtʉ ʉm'ʉmnʉ! te meelʉ bonʉ to beahci to evi no nsou, a'vinano te meelʉ emomzo to phingi to hosa ho yʉmeʉmʉ to 'ayumonasi.