kolinto 1 4:15 - buacou seiso no faeva esvʉtʉ

¹⁵ no h'oyunsova ta sinto 'upena hoci yainca pano posimaskʉ ci lema'cohio, mioc'o cihi na amomu. maica ho os'o psoecʉ'ha muu 'e fukuin, ho mi'o yonto 'ayumona to kilisto iesu temucu amo a'o.

kolinto 1 4:15 ပူးပေါင်းရင်းမြစ်များ

looma 15:20

la'u conino ma'koyu. te'o uhta o'amocumosola ahtu tmac'ʉhʉ to kilisto ci hpʉhpʉngʉ ho epeaska 'e fukuin, cite'os'a p'eyac'a no totnguca no mocmo na os'o hioa.

kolinto 1 1:30

'o hamo isi peelʉi poa tmuteuyunu to kilisto iesu na muu, yaeza teyai moutʉs'ʉto; ieni to kilisto, mitocu meelʉ yupa toseolʉ ci natʉ'ca 'o hamo, meelʉcu cofkoya ci 'o'oko to hamo, a'vinano elʉ no ziu.

kolinto 1 15:1

maanat'ohaesa, temusola talʉa 'o o'ula psoecʉ'ha muu ci fukuin; 'e fukuin eni imucu tiova, a'vinano teyai totnguca to singkoomu.

kolinto 1 3:10

os'o titha 'o isi faeni a'o to hamo ci mengumi, mais'a cihi ci lemooyai emoo ho teongfongfeni no totnguca, tec'u yonta skoskopnasi na mocmo ho eemo. at'inghi 'emo macicihi te ianan'ou bumemealʉ te mainenu nate hia m'eac'ʉ ta skoskopna ta totnguca.

kolinto 1 3:6

os'o emʉ'a, isi cohmi to 'apolo, at'inghi inamo poa yusuhci 'ai'oeno hamo.

kolinto 1 3:8

i'omo emʉm'ʉ ho i'omo cohmo o'amo nama yupa naskuca, 'o hamo tesi ieni no ihe hioa ta macicihi ho tohnoi.

kolinto 1 9:12

hoci yaa tonʉ na mocmo ho maica ci mooteo muu, o'atemzas'aeno h'unano yaa maica ci tonʉ? at'inghi, o'a omzala ahta titha 'emo maica ci tonʉ, apuya uveica 'e acʉcʉhʉ, cites'a poa nomʉtʉ to fukuin to kilisto.

kolinto 1 9:14

totiski, isi yaeza yaica ci eucufnu to nooe'oca: i'ola yaahioa no psoyaski to fukuin ci cou, nte anana'o noe'ocʉ to psoyaski no fukuin ho e'oca na h'oyunsova.

kolinto 1 9:16

uk'a ci te'o 'o'emamzi no nomio no psoyaski ta fukuin ho efnaso; mami'oc'o fiho no 'osmuhnua ho psoyaska. hoci'u o'te psoyaska 'e fukuin. te'ocu meamzi.

kolinto 1 9:18

homo maica, cuma na os'o elʉa ci hnoo? 'ainaeno h'okaebʉa'u ho os'o o'ate 'ahʉya poa tipeisu 'e cou ho mi'o psoyaski ta fukuin, tee yainca o'a os'o titha na nte'o tov'oha ci tonʉ ho mi'o psoyaski ta fukuin.

kolinto 1 9:23

mi'o nomio ta fukuin ho hioa 'emo maica ci hi'hioa, na atuhcusi te'o 'ucia poa tma'upu no ʉmnʉsi ta fukuin 'e cou.

kolinto 2 4:5

'e imza psoyaska o'as'a 'e iachi, i'o lamza psoyaska ; nomio to iesu, mimza noa soskuskunu muu.

ngalatea 3:24

maicac'o, 'e hoolicu zoucu le'aʉt'ʉcʉ a'to, engocha a'to ho e'usna to kilisto, na isi mituhci tesi poa i'mi no na a'to ho poa yaa toseolʉ ci natʉ'ca 'o hamo.

ngalatea 3:25

ho zoucueno hiesi no maitan'e, 'anatesi 'aoka aʉt'ʉcʉ to hoolicu a'to.

ngalatea 4:19

mao'o'oko'u, te'o ivaho i'nʉskʉ mais'a 'o ino ho tiou no 'atutumzo hote peyafa 'o oko, ac'ʉhʉ ho tenac'u tmucou ta nsoumu 'o yu'ausna to kilisto.

temote 2 4:3

ho tac'u cmʉ'ho na hiesi, ho mio 'e cou tahe hose'veni 'emo yutataso ci mahsʉsʉftʉ, mee'ofeihni to iachi ma'konvosʉ, 'akikieingi biebimi no lema'cohio, ko'ko poa ma'mamso 'omo soe'os'o ci koyuhe.

tito 1:4

tito, te'o tmopsʉ ta tengami ho faeni suu; yontamo totiski ci singkooto zou a'ʉmtʉ'u oko na suu. pafeni suu'sio to amohamo ho ito nooe'oca kilisto iesu na mengumi, ho soanonosi!

fuilimong 1:19

te'o yontan'e ho aʉla iachia tposi: na a'o - poolo, te'o sviei ho peʉezi. (o'ana te'o nama aʉtʉs'a suu, i'o osoko yuevaha a'o ma i'o iachisu nsou!)

yakovu 1:18

la maino iachisi 'tohʉngʉ, ieni no so'emio ci e'e ho teyai a'to, poa notmoyaevonʉ ta ohsila afu'a teyai ci acʉcʉhʉ na a'to.

petelo 1 1:23

mimucu i'momhomʉ yayo, o'amo i'mi tote kuzo ci tutu ho yayo, mamo i'mi to o'ate kuzo ci tutu - 'amoeno cmʉfeʉ to isi peyafa to hamo cimo yoayokeo ho 'auesiesi ci e'e.