kolinto 1 16:13 - buacou seiso no faeva esvʉtʉ

¹³ temula aʉtʉs'ʉ, la bʉʉlʉlʉ na singkoo, la 'ʉteʉ. la butotaso.

kolinto 1 16:13 ပူးပေါင်းရင်းမြစ်များ

matai 25:13

yainca to iesu:

matai 26:41

la aʉtʉs'ʉ 'inoli, te o'te su'ayumonʉ no ma'pepecvai. la e'vono ma'kaebʉ na 'tohʉngʉmu, at'inghi la yoz'u si feangomu.>

luka 21:36

temula aʉtʉs'ʉ, o'te tosvo 'inoli, poa yaa tonʉa no buveici tate esmi ci afu'u hi'hioa, ko'ko meelʉ yac'ʉ to tuhcu to okocou.>

kolinto 1 14:20

maanat'ohaesa, ta 'to'tohʉngʉmu 'ote mais'a oko; tamo kuzo ci hi'hioa temula mais'a foinana. tela poa yʉepʉngi na 'tohʉngʉmu.

kolinto 1 15:58

ko'koeno, ngohia ci maanat'ohaesa, temula bʉʉlʉlʉ, 'otela tmaot'ou. la buoo'te bʉʉpsʉpsʉ no ngoseo ho yaahioaneni 'o nooe'oca; maica imu cohivi, inate yaahioa to nooe'oca o'ate ahtu 'afeungu.

kolinto 2 1:24

o'aimzas'a pashʉi muu ho yainca cuma na temu taa'uzva, maica ho mimucu bʉʉlʉlʉ ta singkoo. imza apuya tata'za hocito toetoehungu yaahioa, akoeva no poa yaa 'aveoveoyʉ muu.

ngalatea 5:1

te akoeva no poa meelʉ mayo no ziu na a'to, isicu psoevoyunga to kilisto a'to. ko'koeno, temu mit'oengonʉ, teav'a poa peotʉkceni no ngotohva no tolei na muu.

'epeso 3:16

te'o 'inoli to hamo, fiho no atngaso ci psoevohngʉsi, ieni to seilei ho pafi no taso na muu, poa yutataso na nsou no 'ayumonamu.

'epeso 6:10

atavei, temula noe'ocʉ to meoino tonʉ to nooe'oca ho yutataso ci cou.

pilipi 1:27

ina te sotva'esa zou: na h'oyunsovamu la poa toseolʉ to fukuin to kilisto. maicac'o, 'upena hoci'u o'te meelʉ baito muu, te'oc'o acʉha cohivi lamu yaa totiski cite mituhci, mahtʉicʉ ho o'te aezuhu, tohmʉskʉ ci 'tohʉngʉ toteuyuneni na tonʉ ho nomio no singkoo ta fukuin ho 'aanana'o ehtothomʉ.

pilipi 4:1

maanat'ohaesa, la'u atva'esa ngohia na muu, la'u a'ʉmtas'a taaecingia muu! zou kokaekaebʉ'u na muu, tafange'u na muu. ngohia ci maananghia, temula noe'ocʉ to nooe'oca ho bʉʉlʉlʉ.

pilipi 4:13

ieni to isi pafeni to kilisto ci tonʉ, te'o peelʉi noseolʉi 'emo mav'ov'o ci a'a'ausna.

kolosai 1:23

temu asansana ayʉca na singkoo, bʉʉlʉlʉ ta mo mahtʉicʉ ci i'tohungva; teav'a teongasi na ohmu ta'usni ne mohmun'a ahoi tiou ta fukuin. maitan'e, 'e fukuin eni micu psoengabo ta mauhpʉhpʉngʉ; na a'o - poolo. 'aeno soskuskunu ta fukuin tan'e.

kolosai 4:12

'omo i'mi ta lamu yoni ci 'ipafu mo tuayokeo muu; zou maezo soskuskunu to kilisto iesu. lasi asngʉcva asno'zona 'inolineni muu, mi'usnu to hamo ho p'enzeni no mahtʉicʉ ci singkoo na muu, meelʉcu yʉepʉngi ci kilistoto, a'sʉftonʉ meot'ʉt'ʉcʉ no 'tohʉngʉsi.

kolosai 4:2

temula asno'zonʉ 'inoli, a'vinano aʉtʉs'ʉ, mi'usnu to hamo ho yaa 'aveoveoyʉ ci 'tohʉngʉ.

tesalonike 1 3:8

hocimu yaa mahtʉicʉ ci singkoo to nooe'oca, temzacu a'ʉmtʉ sop'o ci 'tohʉngʉ.

tesalonike 1 5:6

ko'koeno, o'anteto mais'a mocmo ho m'onoi; teto aʉtʉs'ʉ etngou.

tesalonike 2 2:15

ko'koeno, maanat'ohaesa, la yaa bimahtʉicʉ ci singkoo, mi'usnu ta omzala po'pa'cohivneni ci so'emio, 'upena 'o ohola psoyaska ho i'o omza tposi ta tengami. temula acʉha noyʉci.

temote 1 6:12

yonta yupa toosa'o no singkoo ho pnanfi na tonʉ ho peayofʉ, yaeni no 'auesiesi nsou 'e iachi; 'amoeno nomio ta isi mituhci tan'e, miko noa eoho'a to hamo, yonta tuhcu tamo botngonʉ ho apa'ta esansana 'omo yonghu ci singkoo.

temote 2 2:1

oko'u, teko ieni to isi faeni to kilisto iesu ci mengumi ho yumamahtʉicʉ.

temote 2 4:5

inacu suu, 'upena hoci yono mo mainenu ci a'a'ausna la asngʉcʉ bumemealʉ; la uveica na 'atutumzo, ho hioa nante anana'va hioa nola lepsoyaski, conci 'tohʉngʉ ho pee'ofeihni na teko hioa ho miko fifiho.

temote 2 4:7

i'omo 'aseolʉ ci yupania toosa'o no peayofʉ, o'ucula toe'ofeihna; i'onte'o anana'va toemizi ci ceonʉ, os'ocu toepaezuma; 'ente noyʉci ci singkoo, os'ocu noyʉyʉci.

petelo 1 4:7

tec'u noc'ʉhi na puesona ta acʉcʉhʉ. temula bumemeala noʉyʉci 'e iachi, aʉtʉs'ʉ 'inoli.

petelo 1 5:8

temu aʉtʉs'ʉ ho etngou! 'o hangʉmu - 'akuma aʉlʉ mais'a muhiei ci sisi ho biyavovei, eseiseiti no tesi peelʉi pnʉska ci cou.

mokusi 16:15