kolinto 1 15:57 - buacou seiso no faeva esvʉtʉ

⁵⁷ at'inghi, 'aveoveoyʉ to hamo, isi ieni to nooe'ocato iesu kilisto na a'to ho poa atpʉtʉa!

kolinto 1 15:57 ပူးပေါင်းရင်းမြစ်များ

yohane 16:33

os'o eʉsvʉta muu 'e hi'hioa eni, te'o akoeva no poa i'mi ho mimu yuecnguhu a'o ho yaa soanono. ta hpʉhpʉngʉ, mimu yaa 'atutumio; at'inghi temula 'ʉteʉ, mi'ocu atpʉtʉ ta hpʉhpʉngʉ!>

sitoo 27:35

eepʉnga 'e e'esi, mo mayo to pang 'o poolo, yonta tuhcu ta mo botngonʉ ho to'aveoveoyʉ to hamo, cu tipcia ho ana.

looma 7:25

'aveoveoyʉ to hamo, ieni to nooe'ocato iesu kilisto, isi peelʉi to'usni a'o. 'e a'a'ausna'u 'amoeno maica: te'oc'o iachi yonta piepiya'u ho meo'uzo to p'ofiha to hamo, 'ecu feango'u la fiho to p'ofiha to kuisi.

looma 8:37

acʉhʉ o'asa'a. yonta acʉcʉhʉ ci hi'hioa tan'e, mimza noe'ocʉ tomo himngonghi a'mi ci nooe'oca mimzacu a'sʉftonʉ atpʉtʉ!

kolinto 1 15:51

temu buyuyue'iya na moumsʉ'eonʉsi ta hi'hioa tan'e: o'atetos'a acau acʉhʉ mcoi, matena yonoc'o akameosʉ. cono mahtʉ'vosʉ, hotena muni 'o isi peetavei ci la'pa, te acʉhʉ aezuhu. hote muni 'o sotavei ci la'pa, te smoevovei 'omo mcoi hocu o'tena kuzo; tenato maezo aezuhu.

kolinto 2 2:14

at'inghi, 'aveoveoyʉ to hamo! maica lasi asngʉcva eahahafa a'mi, 'e ohsila holeo to kilisto ci a'mi poa meelʉ to'upu toteuyunu to kilisto homo atpʉtʉ. isin'a yaeza titha a'mi ho poa meingongabo 'o namusngau ho mito bohngʉ to kilisto.

kolinto 2 9:15

teto 'aveoveoyʉ to hamo! mo yaa o'ate peelʉi eepʉnga ci mengumisi!

'epeso 5:20

la epici to ongko to nooe'oca iesu kilisto ho mi'usnu to hamo ho 'aveoveoneni 'e mav'ov'o ci hi'hioa.

hevulu 2:14

'e 'o'oko eni ho mioeno acʉhʉ yaa hmuyu ho feango ci cou, 'o feango to iesu mio maezo totiski ho yaa yu'ausna ta cou. maicac'o, i'mi to mcoisi, tesi peelʉi aapayo'a 'omo tiʉt'ʉcʉ no mcoi ci 'akuma,

mokusi 12:11

'o masisinto isicu ieni to hmuyu to okomoatʉ'nʉ ho ito ihe epeaska ci so'emio ho atpʉtʉ to long; ac'ʉhʉ no kaebʉ hoci ciha 'o iachihe nsou.

mokusi 21:4

tesi paipeapi 'e afu'u esʉʉhe; 'anate i'vaho yaa mcoia, maezo uk'ana nac'o, mongsi, hocieno 'atutumzo. na nia hi'hioa ne noana'o micu acʉhʉ sucaefi.>