kolinto 1 15:10 - buacou seiso no faeva esvʉtʉ

¹⁰ at'inghi, i'mi no mengumi to hamo, mi'ocu mais'a 'e a'o maitan'e, i'o isi pafeni a'o ci mengumi o'a mo 'afeungu. apuyu, mi'o afnasohe ngoseo yaahioai ta mocmo ci sitoo; a'ʉmtʉsi, o'a mi'o anouc'o peihcachi, mai'o mengumi to hamo 'omo i'upu yaahioa a'o.

kolinto 1 15:10 ပူးပေါင်းရင်းမြစ်များ

matai 10:20

maica ina maee'emu, o'as'a iachimu e'e, ma i'o piepiya to hamo tesi ieni muu ho ya'ei.

matai 25:16

'omo tiyou tomo posiyoemohʉ ci peisu no king, micu osni 'amamhimhino, i'vaho tmaspuhngu tomo posiyoemohʉ.

looma 11:1

te'ocueno tuocosi: isinana hopsʉpseni to hamo 'o 'o'okosi? o'aisis'a! na a'o maezo cihi ta cou'isolaelu, zou mʉntʉ'ca to 'avulahamu, tma'usnu to suezopʉ to penyaming.

looma 12:3

ieni to isi faeni a'o to hamo ci mengumi, te'o mi'usnu ta mimu macicihi ho yainca: teav'a anga huepzi si iachimu, la apuyu einu ho noyʉyʉci 'e iachi, macicihi maino isi faeni to hamo ci singkoo ho tosvʉti 'e iachi.

kolinto 1 15:11

homo maica, 'upena na a'o hocieno 'o mocmo ci sitoo, lamzac'o acʉhʉ maica ci hia psoyaski, mimu maezo acʉhʉ maica ci hia tmaa'uzo.

kolinto 1 15:2

hocimu noyʉyʉci 'e fukuin eni, ho o'tec'o meumzomzo tmaa'uzo, 'ate ahtuo'te i'mizi no noa to'usni.

kolinto 1 3:10

os'o titha 'o isi faeni a'o to hamo ci mengumi, mais'a cihi ci lemooyai emoo ho teongfongfeni no totnguca, tec'u yonta skoskopnasi na mocmo ho eemo. at'inghi 'emo macicihi te ianan'ou bumemealʉ te mainenu nate hia m'eac'ʉ ta skoskopna ta totnguca.

kolinto 1 3:6

os'o emʉ'a, isi cohmi to 'apolo, at'inghi inamo poa yusuhci 'ai'oeno hamo.

kolinto 1 4:7

siya namo poa tosa'o no mocmo na suu? na acʉcʉhʉsu o'a isis'aeno acʉha pafeni to hamo? maincis'a iachi etano, 'e acʉcʉhʉsu mais'a o'aisi pafeni to hamo ci mengumi?

kolinto 2 12:11

ci mi'o mais'a cihi ci nongonongo, ma muu si mimu popeoc'ʉc'ʉ a'o ho poa maica. mantemu anana'va emomoengʉa a'o. 'upena ho o'a mi'o nama mainenu, maezo uk'a ci isi yainca o'a mi'o toc'ʉhʉ to .

kolinto 2 3:5

o'ate yainca na eni, maica ho mimza bie'ocʉ to kilisto ho yaa maica ci singkoo. iachi totontone ho hioa eni; 'e totontonemia mo i'mi to hamo.

kolinto 2 6:1

lasi toehungneni yaahioa to hamo a'mi; temia poucufna muu: afu'u cueno tiou to mengumi to hamo, teav'as'a poa peis'afeungu 'e mengumi eni.

ngalatea 2:8

maica, 'o hamo isi ieni to meoino no tonʉsi ho poa sitoo ta couyafana a'o, aʉlʉ totiski to petelo ho isi poa sitoo to couyutaya.

pilipi 2:13

maica la asngʉcʉ yonta 'tohʉngʉmu 'o hamo ho yaahioa, poa smoekaebʉ muu ho a'ʉmta peiseafi na yonghu ci 'tohʉngʉsi.

pilipi 4:13

ieni to isi pafeni to kilisto ci tonʉ, te'o peelʉi noseolʉi 'emo mav'ov'o ci a'a'ausna.

tesalonike 1 5:12

maanat'ohaesa, temia m'ene muu, temula einva 'ola ngoseo yaahioa ta 'ayumonamu - 'ai'o ohsi epeiya to nooe'oca ho poa eucufnu ho kokoicʉ muu.

temote 1 4:10

i'mi tan'e, lamza asno'zonʉ ho ngoseo, nala ta'usni la toveineni to no'auesiesi ci hamo; zou nooe'oca ta yatatiskova. afnaso leto'usnu tamo tmaa'uzo ci cou.