kolinto 1 14:4 - buacou seiso no faeva esvʉtʉ

⁴ i'ola epiepiya ci cou lac'o p'eyac'a 'e iachi, i'ola epeaski to e'e to hamo la p'eyac'a 'e kiokai.

kolinto 1 14:4 ပူးပေါင်းရင်းမြစ်များ

maluko 16:17

namo tmaa'uzo te yaa tonʉ no peispopo'e: te boemi ta ongko'u ho meobango no hicu, mo'engho tomo faeva ci e'e no piepiya,

looma 14:19

ko'koeno, tetola cucufnu no nananghinghia, yupa m'eac'ʉ note cono feango ci h'oyunsova.

kolinto 1 12:10

'o seilei isi pafeni ta cou tan'e na tonʉ no po'e, pafeni ta cou ta'e na mengumi no meemealʉ evaho no e'e to hamo, pafeni nomo cihi na tonʉ no bohbohngʉ no moipiepiya, isi faeni tamo h'unasi na tonʉ no epiepiya, isi i'vaha faeni tamo cihi na tonʉ no evaho tamo epiepiya.

kolinto 1 12:28

ta 'ayumona ta kiokai, isi acʉha poa elʉ note hioa 'emo macicihi; i'o isi sotoyangza: 'emo coni zou sitoo, 'emo yuso zou eyongensa, 'emo tuyu zou lema'cohio; acnguhusi zou la meelʉ peispopo'e, acnguhusi, la yaa tonʉ no aotothomʉ. i'olac'u meemealʉ to'usnu to mocmo ci cou; 'ola meemealʉ tmasusuce to hi'hioa, i'ola meelʉ epiepiya.

kolinto 1 13:1

'upena hoci'u meelʉ tamo mav'ov'o ci e'e ta yatatiskova, ac'ʉhʉ no e'e no tensi, hoci uk'a himngonghi, 'e e'e'u teec'o mais'a 'ola ptaʉngʉ ci lungu ho i'ola moengʉ ci lingi.

kolinto 1 13:2

hoci'ueno yaa tonʉ no meemealʉ eʉsvʉsvʉtʉ, a'vinano yaeza hʉh'ʉti 'e mav'ov'o ci mau'to'tohʉngʉ, mav'ov'o ci moumsʉ'eonʉ, ac'ʉhʉ no yaa mahtʉicʉ ci singkoo ho peelʉi soezuha 'e hcuyu ho hoyuha ne etʉpʉ, hoci uk'a himngonghi, uk'a ci tesi nama a'a'ausna.

kolinto 1 14:12

totiski, homimueno a'ʉmtʉ tata'e nomo tma'usnu no mengumi no piepiya, 'anteno buii'ima nate meelʉ koa m'eac'ʉ ta kiokai ci mengumi.

kolinto 1 14:22

maica ci hia baito, 'e mengumi no epiepiya o'a mo nomio ta sinto, maisi teyaineni huomza to o'amo tmaa'uzo ci cou. at'inghi, na mengumi no evaho to e'e to hamo o'as'a nomio to o'amo tmaa'uzo ci cou, maisi faeni ta sinto ho teyai huomza.

kolinto 1 14:26

maanat'ohaesa, zou cuma na 'tohʉngʉ? ho lamu yu'eteuyunu ho m'ohkuyu, pantola pasunaeno ci cou, pontola mo'ma'cohio, pantola elʉ no paavi to hamo, panola epiepiya, panola mahcinghi ta epiepiya. la cohivi, nala afu'a hioa nte acʉhʉ koa ec'ʉ ta kiokai niante emio.

kolinto 1 14:3

at'inghi, i'ola epeaski to e'e to hamo la mi'usnu ta cou ho engha, la m'eac'ʉ, poucufna, ho ao'pou ta cou.

kolinto 1 14:5

os'o tata'ia hocimu acʉhʉ meelʉ epiepiya, at'inghi os'o asuhca tata'ia hocimu yaa mengumi no epeaski ta e'e to hamo. maica, mac'oci yaa atfʉngʉ mahcinghi to epiepiya, ho peelʉi p'eyac'a 'e kiokai, hoci o'te maica, 'emo epeaski ta e'e to hamo te na'nohe huecvʉhʉa tamo epiepiya.