kolinto 1 14:26 - buacou seiso no faeva esvʉtʉ

²⁶ maanat'ohaesa, zou cuma na 'tohʉngʉ? ho lamu yu'eteuyunu ho m'ohkuyu, pantola pasunaeno ci cou, pontola mo'ma'cohio, pantola elʉ no paavi to hamo, panola epiepiya, panola mahcinghi ta epiepiya. la cohivi, nala afu'a hioa nte acʉhʉ koa ec'ʉ ta kiokai niante emio.

kolinto 1 14:26 ပူးပေါင်းရင်းမြစ်များ

looma 1:13

maanat'ohaesa, te'o poa cohivneni muu, mo'u siho ma'koyu no baito muu, at'inghi la conino yaa nomʉtʉ ci hi'hioa ho o'te emozou. na te'o mituhci nte'o uhta taicomu ho engochʉ ta cou ho poa tmaa'uzo to nooe'oca. totiski ho la'u yonto taico to mocmo ci couyafana.

looma 12:7

hoci zou fukumu, 'ateeno fukumu; hoci zou lema'cohio, 'anteeno mo'ma'cohio;

looma 14:19

ko'koeno, tetola cucufnu no nananghinghia, yupa m'eac'ʉ note cono feango ci h'oyunsova.

looma 15:2

'e mito macicihi la conino ta'to'tohʉngveni nate koa ʉmnʉ to mocmo ci sinto, ho m'eac'ʉ note toehunga fihi ci h'oyunsova no singkoo.

kolinto 1 14:15

teeno mainenu homo maica? te'o boemi no epiepiya ho 'inoli, maezo boemi no toutʉs'ʉ ho 'inoli; te'o boemi no epiepiya ho pasunaeno, te'o maezo boemi no toutʉs'ʉ ho pasunaeno.

kolinto 1 14:2

i'ola epiepiya o'amo mi'usnu ta cou ho ya'ei, mamo mi'usnu to hamo, maica uk'a cite tma'hongʉ to e'esi. isi ieni to seilei ho engha na moumsʉ'eonʉ ci so'emio.

kolinto 1 14:27

hoci panonte epiepiya, ntec'o poa yoso hoci o'te tuyu nante yupa easuski, a'vinano nte poa yaa atfʉngʉ mahcinghi ta ihe engha.

kolinto 1 14:40

'ela afu'a hi'hioa la aa'pucva poa auseoseolʉ ho suce.

kolinto 2 12:19

hocieno, lamu ta'unano lamza conino ehcʉvheni 'e iachi, a'ʉmtʉsi o'amos'a maica; yono tuhcu to hamo leamzac'o e'e 'o isi poa e'eneni to kilisto. ngohia ci maananghia, i'e imza afu'a hioa uk'a ci isi o'te 'ucia p'eʉlʉlʉa muu.

kolinto 2 13:10

ko'koeno, ho mi'o nomcovhi muu te'o tposi 'e tengami eni, ta'u o'te 'ahʉya titha 'o isi faeni a'o to nooe'oca ci tonʉ ho mi'usni muu ho eyʉyʉcʉ, i'o isi faeni a'o to kilisto ci tonʉ mate p'eyac'a muu, o'ates'a aon'oza muu.

'epeso 4:12

na atuhcusi te ae'ayocʉ no yaahioa no lasi hioa to hamo 'e 'o'okosi, p'eyac'a 'e kiokai - 'ai'e eno feango to kilisto.

'epeso 4:16

te aucunu noe'ocʉ 'e feango, ieni tamo ma'vo'vokʉ maveoveocʉ ho yupa toseolʉ, yu'ti'ti'eopʉ. maicac'o, ho tac'u yutataso 'e maesoesou, 'e feango tec'u meelʉ yono himngonghi ho ausuhcu yusasmoyʉskʉ ho p'eac'a 'e iachi.

'epeso 4:29

teav'a poa alolongʉ no mocmo na lamu pateafa ci e'e, lac'o mo'engho tote koa to'usnu, koa yusuhci to cou ci e'e, poa mayo no ʉmnʉsi namo tmalʉ ci cou.

'epeso 5:19

boemi no pasunaenva, tohmomoengʉ, topiepiya ho yupa yut'ingi; la i'mi no 'tohʉngʉ ho muni, tohmomoengʉ to nooe'oca, mi'usnu ho pasunaeno.

tesalonike 1 5:11

i'mi tan'e, temula yupa poucufnu, yupa to'usnu, mais'a 'e imu hioa maitan'e.