kolinto 1 12:27 - buacou seiso no faeva esvʉtʉ

²⁷ na muu zou feango to kilisto, 'emo macicihi ci cou zou acʉhʉ maesoesou.

kolinto 1 12:27 ပူးပေါင်းရင်းမြစ်များ

looma 12:5

totiski, mito e'vono botngonʉ ci cou, mito no'ayumonʉ to kilisto ho cono feango, macoconi yupa yuecnguhu, hocu mav'ov'o ci maesoesou ta feango.

kolinto 1 1:2

tmopsʉ ta tengami ho faeni tomo yonta hosa ta kolinto ci sinto to kiokai to hamo. na muu ho i'o mo nopeaski ho eyoho'ʉ to ongko to nooe'oca kilisto iesu ci cou, totiski mo yonto 'ayumona to kilisto iesu ho noa eyoho'a ci sinto ho ma'hi'usnu to hamo. zou nooe'ocahe 'o kilisto, ci 'aeno maezo nooe'ocamia.

kolinto 1 10:17

maica mitoc'o coni ci pang, mito acʉhʉ tma'upu ta mo totiski coni ci pang; ko'koeno, mito e'vono botngonʉ. mioc'o cono feango.

kolinto 1 12:12

'o kilisto mo mais'a conci feango, ho yaa man'i ci maesoesou; 'e feango mo e'vono man'i ci maesoesou, mioc'o cono feango.

kolinto 1 12:26

hoci 'atutumzo 'emo conci esou, 'e afu'u maesoesou te acʉhʉ 'atutumzo; hoci psoevohngʉ 'emo conci esou, 'e afu'u maesoesou te acʉhʉ kokaekabʉ.

kolinto 1 6:15

'aimu ahtao'te cohivi, 'e feangomu 'aeno maesoesou to kilisto. tetoeno peelʉi teyai maesoesou no noasisi na maesoesou to kilisto? o'ate ahta peelʉi!

'epeso 1:23

'e kiokai zou feango to kilisto, isi nongcʉngci tomo nongcʉngcʉ ta mouhpʉhpʉngʉ ci kilisto.

'epeso 4:12

na atuhcusi te ae'ayocʉ no yaahioa no lasi hioa to hamo 'e 'o'okosi, p'eyac'a 'e kiokai - 'ai'e eno feango to kilisto.

'epeso 5:23

maica zou fnguu ta mamespingi 'e hahocngʉ, aʉlʉ mais'a 'o kilisto zou fnguu ta kiokai, maezo leto'usnu ta kiokai.

'epeso 5:30

maica zou maesoesou to feangosi a'to.

kolosai 1:18

zou fnguu ta kiokai, ci'aeno fnguu ta feangosi; isi i'toekui ta faeva ci nsou. zou pehoza ci oko, ahoi i'mi to mcoi ho smoevovei, na atuhcusi te sutmoyaevonʉ ta acʉcʉhʉ.

kolosai 1:24

maitan'e ho la'u 'atutumzeni muu mo ma'kakaebʉ ci hi'hioa; maica homo 'atutumzo 'e feango'u, mais'a os'o ticngiha 'o nia 'atutumzo to kilisto ho ohsila 'atutumzeni 'e feangosi - 'ai'o ohsieno uveica ho o'temocu aepʉnga ci 'atutumzo ta kiokaisi.

kolosai 2:19

cu antʉhʉ 'o hia yupecnguhu to kilisto. na a'ʉmtʉsi, inac'o i'mi ta fnguu ta feango, 'ai'oeno kilisto, niante meelʉ mayo no konansou, ieni to yupa tʉyʉcʉ 'e ma'vo'vokʉ maveoveocʉ ho yuecngucnguhu, maino 'tohʉngʉ to homo ho ausuhcu yusuhci.