kolinto 1 10:32 - buacou seiso no faeva esvʉtʉ

³² 'upena hocimu mi'usnu no couyutaya, coungilisia, hocieno mi'usnu ta kiokai to hamo. o'ate ʉmnʉ hoci poa smopcuku na mocmo ci cou.

kolinto 1 10:32 ပူးပေါင်းရင်းမြစ်များ

sitoo 20:28

temula iachi bumemealʉ, maezo nomio to ohsila toveineni muu to seilei ho aʉt'ʉca 'e kiokai ho bumemealʉ. la aʉt'ʉca 'o kiokai to hamo - 'aeno 'o isi ieni no mcoi to iachisi oko ho peʉezeni.

sitoo 24:16

ko'koeno, la'u conino eucucufna 'e iachi, yonto tuhcu to hamo ho ita cou, asngʉcva butʉtʉyʉca na acocofkoya ho tʉs'ʉ ci 'tohʉngʉ.

looma 14:13

ko'koeno, 'anateto i'vaho yupa eayaezoyʉ; nte ma'kokoyu, o'te hioa nate koa smopcuku ho poa peiskuisi na mocmo ci cou.

kolinto 1 1:2

tmopsʉ ta tengami ho faeni tomo yonta hosa ta kolinto ci sinto to kiokai to hamo. na muu ho i'o mo nopeaski ho eyoho'ʉ to ongko to nooe'oca kilisto iesu ci cou, totiski mo yonto 'ayumona to kilisto iesu ho noa eyoho'a ci sinto ho ma'hi'usnu to hamo. zou nooe'ocahe 'o kilisto, ci 'aeno maezo nooe'ocamia.

kolinto 1 10:33

temula maito la'u hioa ho hioa; ma os'o acʉha 'ucia poa kokaekaebʉ, o'aos'o ahta ta'to'tohʉngva nate koa ʉmnʉ a'o, la ta'to'tohʉngva nate koa ʉmnʉ tamo botngonʉ, akoeva no poa elʉ no to'usnu.

kolinto 1 11:22

o'antemueno meelʉ yono emoo ho eabobonʉ? nenusino mimu emozu potfʉngʉ to kiokai to hamo. a'vinano poa ma'kokoe'i 'ola thi'cia ci cou? ho te'o mi'usni muu ma nte'o av'a? nte'onana emomoengʉa muu? o'ate'o peelʉi emomoengʉa muu!

kolinto 1 12:28

ta 'ayumona ta kiokai, isi acʉha poa elʉ note hioa 'emo macicihi; i'o isi sotoyangza: 'emo coni zou sitoo, 'emo yuso zou eyongensa, 'emo tuyu zou lema'cohio; acnguhusi zou la meelʉ peispopo'e, acnguhusi, la yaa tonʉ no aotothomʉ. i'olac'u meemealʉ to'usnu to mocmo ci cou; 'ola meemealʉ tmasusuce to hi'hioa, i'ola meelʉ epiepiya.

kolinto 1 15:9

ta 'ayumona ta sitoo mi'o so'okosia, o'ami'o 'aseolʉ no sitoo, maica mo'ula pohtutumzo ta kiokai to hamo.

kolinto 1 7:17

'e h'oyunsova tamo macicihi nte poa maino mengumi to nooe'oca, a'vinano la suseolʉ no atuhcusi no koa eyoho'a to hamo. na eni zou h'ofiha to la'u hia mo'ma'cohio ta makikiokai.

kolinto 1 8:13

ko'koeno, hoci i'mizi no peiskuisi ta sinto na 'oanʉ, 'auesiesi 'anate'o bonʉ no fou, ci tes'a koa peismi no kuisi to sinto.

kolinto 2 1:1

zou poolo a'o; mi'o tiou no 'tohʉngʉ to hamo ho sitoo to kilisto iesu. na a'o ho i'e nat'ohaesa ci temote tmopsʉ ta tengami ho faeni tomo yone kolinto ci kiokai to hamo ho ito afu'u sinto ta 'akaiya.

kolinto 2 6:3

o'aimza ʉmnʉa hoci ekuzkuzoa no mocmo 'e lamza hia fifiho, ko'koeno maezo o'atemza nomʉmʉtʉ no mocmo.

ngalatea 1:13

'o nia peipeis'ausna'u ne mo'un'a tmaa'uzo to yutayakio, imu acʉha asansana. o'u 'aanana'veni akuzkuzoa 'o kiokai to hamo, pnanfi 'o tonʉ ho aapayo'a.

pilipi 1:10

temu meelʉ epei tomo so'ʉmnʉa. maicac'o, yono hiesi no i'vaho cmʉ'ho 'o kilisto, temu meelʉ cofkoya ho uk'a 'o'emamzi no koica.

pilipi 3:6

hoci e'usnu no hia asno'zonʉ, o'ula akuzkuzoa 'o kiokai. ko'koeno, hoci tamza no moulʉlʉ homo meot'ʉcʉ to hoolicu to moose, uk'a cinte nama emzi no koica a'o.

tesalonike 1 2:14

maanat'ohaesa, 'eimu elʉa mo totiski to ihe elʉa to makikiokai to mia'usnu ne yutaya - i'omo tma'usnu to iesu kilisto ci sinto - lamu noa pohtutumza ta iachi 'oahngʉ, aʉlʉ totiski to ohela tiova ci pohtutumzo to iachihe 'oahngʉ to couyutaya.

temote 1 3:15

hoci ma'i poha'o, 'e tengami eni tesi eʉsvʉta muu, ho lato yonta emoo to hamo ntee mainenu na teto h'oyunsova. 'e emoo eni 'aeno kiokai to no'auesiesi ci hamo, zou sʉesʉ ho totnguca ta so'emio.

temote 1 3:5

'emo cihi ci cou hoci o'te cohivi na asusuce ta iachi emoo, nteeno meelʉ smo'eʉt'ʉcʉ ta kiokai to hamo?