kolinto 1 1:30 - buacou seiso no faeva esvʉtʉ

³⁰ 'o hamo isi peelʉi poa tmuteuyunu to kilisto iesu na muu, yaeza teyai moutʉs'ʉto; ieni to kilisto, mitocu meelʉ yupa toseolʉ ci natʉ'ca 'o hamo, meelʉcu cofkoya ci 'o'oko to hamo, a'vinano elʉ no ziu.

kolinto 1 1:30 ပူးပေါင်းရင်းမြစ်များ

matai 1:21

tesi peyafa 'o cihi ci oko, teko poa iesu na tesi ongko, maica ho tesi to'usni 'o mao'o'okosi ho poa momeesih'i no kuisihe.>

luka 11:49

ko'koeno, na mosola toutʉs'ʉ to hamo ohela yainca: <>

luka 21:15

maica te'o fii no mahsosonʉ ci ngayo ho moutʉs'ʉ, poa o'te meelʉ etpʉtʉ ho yutasufku na hangʉmu.

yohane 1:18

uk'amocu ci mosola baito to hamo, i'oc'o pecnia oko, 'ai'o moeno atva'esi natvopca to amo ci ic'o, isi paavi ho eyafa.

yohane 14:6

yainca to iesu: <'aeno ceonʉ, so'emio, nsou na a'o; hoci o'te ieni a'o, uk'aci te meelʉ uhto lasi yoni to amo.

yohane 17:26

os'ocu poa husansaneni hin'i na suu; te'ola a'cʉ'cʉna yaica, te'o akoeva no poa cmʉfeʉ ta nsou hin'i na himngonghisu, te'o maezo no'ayumonʉ ta nsou hin'i.>

yohane 17:8

os'o evahi ta ohsula afu'a faeni a'o ci e'esu, ihe yaeza tiova. ihe asansana cohivi na a'o mi'o i'mi suu, yaeza taa'uzva ho osko popeoskuna a'o.

yohane 8:12

i'vaho mi'usnu to botngonʉ 'o iesu ho yainca:

sitoo 26:18

teko paavi 'o mcoohe, poa i'mi no voecʉvcʉ ho miezuhu no tiskova, momeesih'i no tonʉ to satan ho miezuhu to hamo, ko'ko meelʉ i'mi homo tmaa'uzo a'o ho noa peteongasa na kuisihe, a'vinano yaa ca'hʉa to 'ayumona to 'o'oko to hamo.>> >

looma 1:17

maica 'e fukuin eni isi paavi 'o hamo tesi yainenu 'e cou nate hia meelʉ yupa toseolʉ na natʉ'ca: mo i'hoi no tmaa'uzo, ac'ʉhʉ no tmaa'uzo. aʉlʉ mais'a 'o isi yainca to seiso: <'omo i'mi no tmaa'uzo ho yupa toseolʉ na natʉ'ca to hamo te elʉ no nsou.>

looma 11:36

maica 'e acʉcʉhʉ mo i'mi ta iachisi, ieni ta iachisi, noovei ta iachisi, na psoevohngʉ ta'usna'sio to hamo, ac'ʉhʉ no 'auesiesi! 'aamen.

looma 12:5

totiski, mito e'vono botngonʉ ci cou, mito no'ayumonʉ to kilisto ho cono feango, macoconi yupa yuecnguhu, hocu mav'ov'o ci maesoesou ta feango.

looma 16:11

tuayokeo to 'oahngʉ ta yutaya ci hiloten; maezo tuayokeo tomo tmaa'uzo to nooe'oca ci nanat'ot'ohaesa to emoo to nakisu.

looma 16:7

tuayokeo to momzala noteuyunu to poo'usna ci 'oahngʉ'u ta yutayaci 'antoniku ho i'o yunia. ta 'ayumona ta sitoo mo afnaso yaa ongkoa, moso auyuhe a'o ho tma'usnu to kilisto.

looma 4:25

isi faeni ta emucu ta cou 'o iesu, nomio ta kuisito ho mcoi; isi poa smoevovei to hamo, ko'ko mitocu meelʉ yaa yupa toseolʉ ci natʉ'ca 'o hamo.

looma 4:6

'o isi yainca to tavite, i'omo o'te noe'ocʉ no peipeis'ausna hocu yainca to hamo zou coumoʉlʉlʉ ci cou mo ʉm'ʉmnʉ, 'aeno eni 'e e'ausnasi. isi yainca:

looma 5:19

aʉlʉ mais'a 'emo cihi ci cou homo pef'uhu no mashʉyʉ, cu acʉhʉ yaa kuisi 'e yatatiskova; totiski. 'emo cihi ci cou mo meot'ʉt'ʉcʉ, cu acʉhʉ coumoulʉlʉ 'e yatatiskova.

looma 5:21

aʉlʉ mais'a 'o kuisi isi ieni no mcoi ho atʉkcʉ, 'o mengumi to hamo isi yaeza ieni no moulʉlʉ ho aʉt'ʉcʉ, poa meelʉ mito nooe'oca iesu kilisto na a'to ho mayo no 'auesiesi nsou.

looma 8:1

maitan'ecu, i'omo yaansou to 'ayumona to kilisto iesu ci cou o'ate topci no kuisi.

looma 8:23

o'a anouc'o 'e ohola teyai namo maica, 'e mito elʉ tamo ahoi fafʉhʉ ci beahci, 'aeno 'emo elʉ no seilei ci cou, leac'o maezo e'ʉyʉ ho teoecengi 'e 'tohʉngʉ, mooteo hocisi tiova to hamo ho teyai 'o'oko a'to, poa ziu 'e aucunu ci a'o.

looma 8:9

inacu muu, ho mioeno yonta 'ayumonamu 'o piepiya to hamo, na h'oyunsovamu o'ana tesi eahahafa ta feango, lac'o tiou no atʉkca to seilei. namo uk'a piepiya to kilisto ci cou o'ate tma'usnu to kilisto.

kolinto 1 1:2

tmopsʉ ta tengami ho faeni tomo yonta hosa ta kolinto ci sinto to kiokai to hamo. na muu ho i'o mo nopeaski ho eyoho'ʉ to ongko to nooe'oca kilisto iesu ci cou, totiski mo yonto 'ayumona to kilisto iesu ho noa eyoho'a ci sinto ho ma'hi'usnu to hamo. zou nooe'ocahe 'o kilisto, ci 'aeno maezo nooe'ocamia.

kolinto 1 1:24

at'inghi ho isi aiti ta isi epeiya to hamo ci cou, 'upena na couyutaya ho coungilisia, 'e e'e eni zou kilisto; zou meoino tonʉ to hamo, moutʉs'ʉ to hamo.

kolinto 1 12:18

ko'koeno, 'o hamo isi ieni no iachisi 'tohʉngʉ ho siya ta feango 'emo o'te totiski ci maesoesou.

kolinto 1 12:27

na muu zou feango to kilisto, 'emo macicihi ci cou zou acʉhʉ maesoesou.

kolinto 1 12:8

'o seilei isi pafi no moutʉs'ʉ ci e'e 'emo cihi, totiski ci seilei isi pafi no mau'to'tohʉngʉ ci e'e 'emo h'unasi ci cou.

kolinto 1 4:15

no h'oyunsova ta sinto 'upena hoci yainca pano posimaskʉ ci lema'cohio, mioc'o cihi na amomu. maica ho os'o psoecʉ'ha muu 'e fukuin, ho mi'o yonto 'ayumona to kilisto iesu temucu amo a'o.

kolinto 1 6:11

ta taicomu, piyo 'omosola maica ne auyusi. at'inghi. isicu tocofkoyai na muu, isicu poa cofkoya ho tma'usnu to hamo, isicu ieni to ongko to nooe'oca iesu kilisto ho ito piepiya to hamo ho meelʉcu yaa yupa toseolʉ ci natʉ'ca 'o hamo.

kolinto 2 12:2

panto os'o cohivi cimo cihi ci sinto, ne auyusi no tomaska uspotʉ oho esifova to tai'toteuha ne pepe (o'a os'o cohivi nenusino 'o feangosi namo ohpepe, hoci o'amoc'o baito no mavolosi, i'oc'o hamo namo bochio).

kolinto 2 4:6

i'omoso mainca ci hamo. 'aeno maezo i'omo boemi to tiskova ho psoetiskovi 'e 'to'tohʉngʉto ci hamo; isi poa bohngʉ no psoevohngʉ to hamo a'to, psoe'usna to sapci to iesu kilisto.

ngalatea 1:4

'o kilisto moso nomio no tesi to'usni a'to ho poa mongoi ta kokuzo ci hpʉhpʉngʉ, fiho no 'tohʉngʉ to amoto ci hamo, nomio no kuisito ho sʉ'teni 'e iachi.

ngalatea 3:13

'o kilisto isicu nomzi a'to ho ngoevi 'e patkuzoi. ieni tan'e ho to'usni a'to ho poa mongoi no patkuzoi to hoolicu; maica isi yainca to seiso:

'epeso 1:10

ho tac'u no'sʉftonʉ na hiesi i'o tasi aepʉnga ci ohsi ta'koeva to hamo 'aeno: 'e ohsi afu'a teyai ta pepe ho ceoa tesi acʉha poa tma'usnu to kilisto. te papoevʉ 'o kilisto.

'epeso 1:14

'o seilei isi hosoo a'to te tmacngihi no ohsi teomneni to hamo, faeni tamo tma'usnu ci cou na a'sʉftonʉ ci ziu. teto tohmomoengʉ no psoevohngʉsi!

'epeso 1:7

i'mi homo mcoi 'o kilisto, mito elʉ to ziu, noa peteongasa 'e kuisito. na eni 'amoeno i'mi to atngaso ci mengumi to hamo.

'epeso 2:10

zou hamo na moso mooyai a'to; isi ieni to kilisto iesu ho teoezuhi a'to, poa peislʉlʉ a'to; na eni ohsicu noana'va ta'eoyoca ho poa hioaneni a'to.

'epeso 4:30

teav'a poa nac'o na seilei to hamo; maica 'e seilei zou to'honga no tanua to hamo na muu. hosoo ho tena cmʉ'ho na hiesi no psoevoyunga to hamo.

'epeso 5:26

ho isi yaica isi ieni to e'esi, boemi to chumu ho poa cofkoya 'e kiokai,

pilipi 3:9

a'sʉftonʉ yuecnguhu to kilisto. 'anami'o 'aoko mais'a mo yaa moulʉlʉ homo meot'ʉcʉ to hoolicu. 'e moulʉlʉ'u maitan'e mo i'mi ho mi'o tmaa'uzo to kilisto. isi pafeni to hamo eni. mo i'tohungu no tmaa'uzo.

kolosai 1:14

ieni to songohia ci okosi, mito mayo no ziu - 'e kuisito isi peteongasa.

kolosai 3:16

'o e'e to kilisto temula at'otngasa poa no'ayumonʉ ta 'tohʉngʉmu. la boemi no mav'ov'o ci moutʉs'ʉ ho yupa mo'ma'cohio, eucufnu, boemi no tohmomoengʉ, pasunaeno, pasupiepiya ho i'mʉs'onʉ no 'tohʉngʉ ho tayafi namo 'aveoveoyʉ ci fihngau ho tohmomoengʉ to hamo.

tesalonike 1 5:23

i'ola mofi a'to to soanono ci hamo tesi'sola poa a'sʉftonʉ cofkoya muu! tesi'sola aʉt'ʉca na piepiya, hzoo, ho feangomu, ho tac'u i'vaho cmʉ'ho 'o nooe'oca iesu kilisto meelʉ h'aucucunu!

tito 2:14

'o kilisto isi nomzi a'to ho ciha 'o iachi, to'usni a'to ho poa momeesih'i no afu'u kokuzo, poacu cofkoya ci 'o'okosi, tma'usnu to hamo, ho poa popeislʉlʉ.

hevulu 9:12

nemo yupaezumo to tohesa 'o kilisto, ne isi peisnʉski aepʉngʉ yʉmeʉmʉ to socofkoyana, o'amo titho no hmuyu to moatʉ'nʉ ho ito oko no 'uachumu ho teyai sʉ'ta, ma isi titheni to iachisi hmuyu ho nomio a'to ho aepʉnga 'e 'auesiesi to'usnu.

yakovu 1:5

ta taicomu hoci panomo o'te amso na moutʉs'ʉ, nte mi'usnu to hamo ho m'ene, tesi pafi no moutʉs'ʉ na muu, maica lasi kaeba at'otngasa ho pafeni tamo macicihi ci cou.

petelo 1 1:2

ho mimu noa epeiya mo maino ohsi ta'eoyoca no 'tohʉngʉ to hamo, isi ieni to seilei ho meelʉ cofkoya, akoeva no te meo'uzo to iesu kilisto, a'vinano noa cofkoya to hmuyusi. tesi'sola at'otngasa pafi no mengumi, soanono to hamo na muu!

petelo 2 1:1

na a'o - saimong petelo zou sitoo ho soskuskunu to iesu kilisto. te'o tmopsʉ ta tengami ho faeni tamo boemi to moulʉlʉ to hamo ho ito leto'usnu ci iesu kilisto, ho maezo a'mi ho tma'upu no sopepea ci singkoo ci cou:

yohane 1 5:6

'o iesu kilisto homo uhta hpʉhpʉngʉ isi ieni to chumu no toonono ho ito hmuyu no ciha 'o nsousi; o'amo anouc'o boemi to chumu, mamo boemi to chumu ho hmuyu. 'o seilei isi iachia 'akasi na eni ho zou mou'ʉmtʉ, maica 'o seilei 'aeno so'emio.

mokusi 14:4

'emo maica ci cou acʉhʉ o'amocu mosola aaso no mamespingi ci oko no hahocngʉ. hoci uhnenu 'o okomoatʉ'nʉ, te maezo sʉc'ʉhʉ nenu. 'e cou eni isi i'mi ta yatatiskova ho psuovei, ahoza titha ho sʉ'teni to hamo ho ito okomoatʉ'nʉ.

mokusi 5:9

mo pasunaeno tomo conci faeva ci pasunaenva: zouc'o suu nate 'aseolʉ no tiou ta tposʉ, paavi 'o toopcasi; maica ohola opcoza suu! i'mi ho mosula yuhmuyu ho ciha 'e nsou. osko i'mi ta mayoyou. maee'e. masusuezopʉ. mauhpʉhpʉngʉ. psuovei 'e cou, poa tmaovei to hamo.