hevulu 9:15 - buacou seiso no faeva esvʉtʉ

¹⁵ ko'koeno, 'o kilisto micu bitaico ci cou ta faeva esvʉta, akoeva no poa tiou no ohsi teomneni ci 'auesiesi ʉm'ʉmnʉ 'o ohsi afu'a eyoho'a to hamo. ho isi aepʉnga na eni isi ieni to mcoi; 'e mcoi eni isi yungvo'a 'o ohela hioa ci kuisi to nia ahoi 'oesvʉtʉ.

hevulu 9:15 ပူးပေါင်းရင်းမြစ်များ

matai 19:29

'upena na siya, nomio a'o ho teongasi na emoo, nanat'ot'ohaesa, maameoi, 'o'oko, ho ezoezoyʉ, te acʉha evei note tose'conza ci hnoo. a'vinano mayo no 'auesiesi nsou.

matai 22:3

isi popeoskuna 'o 'enepio ci soskuskunusi ho eucucufna 'o ohsi eho'a ci cou ho poa uso hote eabobonʉ no tovcongʉ, at'inghi o'amo mimho uso 'o isi eho'a.

matai 25:34

ataveisi, tesi yainca to honte 'omo yonto vhonasi: <<'e isi fii no ʉm'ʉmnʉ to amo ci cou, temu uhtan'e! uhtan'e ho tiou ta ahoi ne ohon'a teyai 'e ceoa ho ayocneni muu ci hpʉhpʉngʉ.

matai 25:36

ho la'u yuesih'i, lamu fii to te'o paceofa; ho la'u tma'congo, lamu aʉt'ʉca a'o; ho la'u noekotu, lamu usa ho aiti.>>

maluko 10:17

moc'on'a aʉlʉ e'ohʉ 'o iesu, panto cihi ci cou mo smo'usnu, top'ungu to tuhcu to iesu, tuocosi:

luka 18:18

panto cihi ci papoevʉ to couyutaya mo uso ho noa po'pa'cohivi to iesu, yainca:

luka 22:20

cu oepʉngʉ, isi yaeza eepza 'o sooetohvʉ, yainca: <'e sooetohvʉ eni zou faeva esvʉtʉ to hamo, boemi tamo nomzo muu ho moheafo ci hmuyu'u ho p'eyac'a.

yohane 10:28

os'o pafi to 'auesiesi nsou, o'ate ahtu meaapayo'ʉ; 'upena na siya uk'a ci te meelʉ i'mi ta emucu'u ho ti'einga.

sitoo 20:32

looma 5:10

na a'to zou anana'o hangʉ to hamo, at'inghi ieni to mcoi to okosi ko'ko mitocu naoveia 'o hamo. ho mitocueno naoveia 'o hamo, o'a tetos'aeno afnaso ieni to nsou to kilisto ho mayo no to'usni?

looma 5:6

ne mohton'a noenoe'in'i, 'o kilisto cu fiho to ohsi esvʉta to hamo ci hie ho mcoineni 'emo yaa kuisi ci cou.

looma 5:8

at'inghi 'o hamo isi pa'teni a'to na uk'a toc'ʉhʉ ci himngonghi: ne mohton'a yaa kuisia, isicu mcoineni to kilisto a'to!

looma 6:23

maica na huphina no kuisi 'aeno mcoi; at'inghi 'o isi taha'veni a'to to hamo ci mengumi isi poa yonto 'ayumona to nsou to nooe'oca kilisto iesu na a'to ho mayo no 'auesiesi nsou.

looma 8:28

ito cohivi, lasi poa yupa totoe'ocʉ to hamo 'emo mav'ov'o ci hi'hioa, poa elʉ no ʉmnʉsi 'emo himngonghi to hamo ci cou - 'ai'o isieno ieni to 'tohʉngʉsi ho eyoho'a ci cou.

looma 8:30

'o isi ayoca epeiya to hamo ci cou, isi eyoho'a; 'o isi eoho'a ci cou, isi esvʉta ho poa coumoʉlʉlʉ; 'o isi esvʉta ho poa coumoʉlʉlʉ ci cou, isi poa tma'upu no psoevohngʉ.

looma 9:24

maica na a'to o'a anouc'o isi i'mi ta 'ayumona ta couyutaya, yaeza i'mi ta couyafana ho eyoho'a.

kolinto 2 3:6

isi poa yaa totontone a'mi ho teyai soskuskunu ta faeva ci esvʉta; 'e esvʉta eni o'a i'o isi huyafi ci tposʉ ta hoolicu, ma esvʉta to seilei. 'e isi huyafi ci tposʉ ta hoolicu mo mahafo no mcoi, at'inghi 'e seilei la mofi to nsou.

ngalatea 3:20

at'inghi, hocic'o noleongʉ ci hi'hioa, o'ate 'ahʉyʉ yaa notaico ci cou, 'o hamo ma moc'o i'leongʉ.

'epeso 1:7

i'mi homo mcoi 'o kilisto, mito elʉ to ziu, noa peteongasa 'e kuisito. na eni 'amoeno i'mi to atngaso ci mengumi to hamo.

tesalonike 2 2:14

ieni to omzala psoecʉ'ha muu ci fukuin, isi eoho'a to hamo na muu; isi eoho'a muu ho poa tma'upu no psoevohngʉ to nooe'oca iesu kilisto.

temote 1 2:5

'e so'emio eni 'aisieno yainca: moc'o cihi 'o hamo, ta pae'ohsa to hamo ho ita cou mo yaa cihi cimo notaico ci cou, 'ai'o moeno tmucou ci kilisto iesu;

temote 2 2:10

i'mi tan'e, mi'o nomio to isi epeiya to hamo ci 'o'okosi ho uveica 'e acʉcʉhʉ, te ko'ko peelʉi poa maezo mayo tomo i'mi to kilisto iesu ci to'usnu ho 'auesiesi ci psoevohngʉ.

tito 1:2

'e so'emio eni mo i'tohungu to isi ieni to mingeou no 'auesiesi nsou. i'o o'ala meknuyu ci hamo, ne auyusi ta mauhpʉhpʉngʉ, ohsicula teomneni ho pafeni a'to 'e 'auesiesi nsou,

tito 3:7

i'mi to mengumisi, mitocu meelʉ yaa suseolʉ ci natʉ'ca 'o hamo, ho peelʉi elʉa 'o ito mingeovi ci 'auesiesi nsou.

hevulu 10:34

lamu i'upu 'atutumzo tola poekotva ci cou. cono holahe ti'einga 'o acʉcʉhʉ ci macucumamu, temuc'o uveica tiova; maica ho imu cohivi, panton'a imu songacva cimo afnaso ʉmnʉ ho noana'ohe ci ezoezoyʉ.

hevulu 10:36

nomio no peiseafi na 'tohʉngʉ to hamo ho tiou no ohsila teomneni, temu asansano buveici.

hevulu 11:13

'emo maica ci cou mo ac'ʉhʉ no mcoi ho yaa singkoo. uk'a mocu ci ihe tiova to isi teomneni to hamo; at'inghi mo i'mocvihi ho aiti, 'aveoveoyʉ 'e 'tohʉngʉ, a'vinano ta'sansana homo yonta hpʉhpʉngʉ moc'o covnʉ ho lenohi'u ci cou.

hevulu 12:24

mimu esmi ta tuhcu ta coutaico ta faeva 'oesvʉtʉ ci iesu, 'aeno esmi to isi sahuneni ci hmuyu; 'e isi epa'teni ta hmuyu tan'e mo yonghuhe to hmuyu to yaapo.

hevulu 13:20

'o hamo isicu poa i'mi to mcoi ho smoevovei 'o nooe'ocato ci iesu. isi ieni tomo mohtoesuyu ci hmuyu to iesu ho to'hongi 'o 'auesiesi ci esvʉta, poa meelʉ meoino le'aʉt'ʉcʉ moatʉ'nʉ. i'ola mofi no soanono ci hamo tesi'sola poa yono lamu hioa cimo mav'ov'o ci peis'ʉ'ʉmnʉ ho poa a'sʉftonʉ muu, poa meelʉ peis'ofeihni no 'tohʉngʉsi, tesi'sola ieni to iesu kilisto yonta feangoto ho aepʉnga na lasi 'aveoveoneni ci hi'hioa! no'unu'sio to kilisto na psoevohngʉ, ac'ʉhʉ ho noana'o! 'aamen.

hevulu 2:14

'e 'o'oko eni ho mioeno acʉhʉ yaa hmuyu ho feango ci cou, 'o feango to iesu mio maezo totiski ho yaa yu'ausna ta cou. maicac'o, i'mi to mcoisi, tesi peelʉi aapayo'a 'omo tiʉt'ʉcʉ no mcoi ci 'akuma,

hevulu 3:1

noa epeiya ho eyoho'a to hamo ci sinto maananghia, ntemu ta'to'tohʉngva 'o iesu; 'aeno 'o ito ehohonga ta singkooto ci soskuskunu ho taisaisi.

hevulu 6:13

ne moso mi'usnu to 'avulahamu 'o hamo ho p'eyac'a 'o isi teomneni, moso esvʉtʉ. maica ho uk'a cimo tosa'o to iachisi, cu mi'usnu to iachi ongko ho esvʉtʉ.

hevulu 6:15

ohsi uveica totea to 'avulahamu, petohʉyacu toc'ʉha 'o ohsila teomneni to hamo.

hevulu 7:22

'emo maica ci naskuca isi poa hosoo tomo asuhcu ʉmnʉ ci esvʉta 'o iesu.

hevulu 8:13

ho isieno engha to hamo na faeva ci esvʉta, isicu humzi ho uk'anaci a'a'ausna ta ahoi esvʉta; namo afu'u uk'ana a'a'ausna ho ausuhcu noana'o, ahtuo'te monmon'i aapayo'ʉ.

hevulu 9:12

nemo yupaezumo to tohesa 'o kilisto, ne isi peisnʉski aepʉngʉ yʉmeʉmʉ to socofkoyana, o'amo titho no hmuyu to moatʉ'nʉ ho ito oko no 'uachumu ho teyai sʉ'ta, ma isi titheni to iachisi hmuyu ho nomio a'to ho aepʉnga 'e 'auesiesi to'usnu.

hevulu 9:16

'o afu'u eutotavi ahtao'te asansanana'a ho micu mcoi na moso m'eac'ʉ no eutotavei;

hevulu 9:28

totiski, 'o kilisto yaeza i'nʉska sʉ'teni, peuonvacu 'e kuisi tamo botngonʉ ci cou. tena maezo i'nʉskʉ aopa'to, o'ate cmʉ'ho ho mi'usni 'e kuisi, mate cmʉ'ho ho to'usni 'emo mingsoyʉ mooteo ci cou.

yakovu 1:12

'ola elʉ to hʉsvʉta ho apaezumo buveici ci cou te ʉm'ʉmnʉ; maica ho micu yupaezumo no hʉsvʉta, tena tiou to isi ayocneni tomo himngonghi to hamo ci ohsi teomneni ci tafange no nsou.

petelo 1 3:18

maica 'o kilisto mosola maezo peisnʉskʉ aepʉnga ho mcoineni na kuisi. isi peʉezi to moulʉlʉ 'o 'oha moulʉlʉ, akoeva no hafa muu ho uhto tuhcu to hamo. noa opcoza 'o feangosi, at'inghi isi pa'eunsova 'o piepiyasi.

petelo 1 5:10

at'inghi, ataveisi ho mimu tiou ta akameosʉ ci 'atutumio, i'ola mofi to afu'u mengumi ci hamo, 'ai'omoeno eyoho'ʉ muu ho ieni to kilisto iesu ho yuecnguhu ho toehungu tma'upu no psoevohngʉ ci hamo, 'atasi ahtao'te iachia p'eʉlʉlʉa. amamahtʉica, pafi no tonʉ ho ino tmaʉlʉlʉ ci totnguca na muu.

yohane 1 2:25

na eni 'ai'o ohsilaeno iachia teomneni to kilisto ho faeni a'to ci 'auesiesi nsou.

mokusi 5:9

mo pasunaeno tomo conci faeva ci pasunaenva: zouc'o suu nate 'aseolʉ no tiou ta tposʉ, paavi 'o toopcasi; maica ohola opcoza suu! i'mi ho mosula yuhmuyu ho ciha 'e nsou. osko i'mi ta mayoyou. maee'e. masusuezopʉ. mauhpʉhpʉngʉ. psuovei 'e cou, poa tmaovei to hamo.