hevulu 9:14 - buacou seiso no faeva esvʉtʉ

¹⁴ na tesi aepʉnga to hmuyu to kilisto o'ates'aeno asuhcuhe man'i? ieni to 'auesiesi ci piepiya, isi aucunva teyai sʉ'ta 'o iachisi feango ho sʉ'teni to hamo. 'o hmuyusi tesi poa cofkoya 'e 'tohʉngʉto peuonva 'emo kuzo ci lato peipeis'ausna, poa meelʉ fifiho to 'auesiesi yaansoua ci hamo.

hevulu 9:14 ပူးပေါင်းရင်းမြစ်များ

matai 12:28

hoci'u noe'ocʉ to piepiya to hamo ho meya hicu, 'aiscueno soomei tan'e micu yonta taicomu na hpʉhpʉngʉ to hamo.

matai 16:16

yut'inga to saimong petelo:

matai 20:28

aʉlʉ mais'a 'e okocou, o'amos'a cmʉ'ho ho noa aʉt'ʉt'ʉca ta cou, mate cmʉ'ho ho aʉt'ʉt'ʉcʉ ta cou, a'vinano nomio no to'usni 'e yatatiskova ho ciha 'o iachisi nsou.>

matai 7:11

lamu e'vono kokuzo, lean'a cohivi ho fii nomo ʉmnʉ ci macucuma na iachi 'o'oko, namo yone pepe ci amomu o'a tesis'aeno fii nomo asuhcu ʉmnʉ ci macucuma namo afu'u m'ene ci cou?

luka 12:24

aitieno 'o tfua'a. o'ala emʉm'ʉ ho a'pʉ'pʉyʉ, uk'a ci tvo'oanʉa, leasin'a aʉt'ʉca to hamo, ma mimu na'nohe pepe to zomʉ!

luka 12:28

'e maukukuzo ho bʉvnʉ ta yʉn'ʉ la cmʉfeʉ ta taseona maitan'e, oemi'mi ho micu hucma, lac'u to'seni to pupuzu ho hmoi, leasin'aso yaica ci hia paehongsa to hamo, o'atesis'aeno afnasa pafi no yʉsʉ na muu? la angu okosi na singkoomu!

luka 4:18

mo cmʉ'ho a'o 'o piepiya to nooe'oca, maica ho isicu epeiya a'o, tesi poa mi'usnu tomo thi'cia ci cou ho psoecʉ'ha 'omo ʉmnʉ ci fihngau. isi popeoskuna a'o ho psoevaha: 'o ohola holeo. te poesih'a; 'omo bʉkngʉ. te teosansano; 'ola 'opohcingha. te elʉ no ziu;

yohane 3:34

i'o isi skuna to hamo ci ic'o mo epeaski to e'e to hamo, maica 'o hamo mo uk'a aca'cʉ'hi ho faeni na seileisi.

sitoo 1:2

ac'ʉhʉ to hiesi no ohpepe o'ucu acʉha etotoyangza, to auyusi no ohpepe, isi ieni to tonʉ to seilei ho fii tomo man'i ci eutotavei 'o ohsila epeiya ci sitoo.

sitoo 10:38

imu yaeza cohivi 'o counazalo ci iesu; 'o hamo mo mainenu na hiasi ieni to seilei ho ito meoino tonʉ ho hoyuha to feangosi, poa smaingabo ta mauhpʉhpʉngʉ, peihcocoyʉ to ʉmnʉ ci hi'hioa, aotothoma 'o isi atʉkca no 'akuma ci cou. 'amoeno maica ho isi no'upi to hamo.

sitoo 14:15

sitoo 15:9

na a'to ho i'o couyafana, o'aisi yupa apaevaza to hamo, maezo i'mi homo tmaa'uzo ho poa cofkoya 'o 'tohʉngʉhe.

looma 1:20

'ola o'te peelʉi aiti ci yu'ausna to hamo, 'ai'oeno 'auesiesi ci tonʉ ho i'o yu'ausnasi, a'ʉmtʉsi isicu ahoza ho ohon'a teyai 'e hpʉhpʉngʉ hocu teolʉi, te i'mi ta ohsila teyai ci acʉcʉhʉ ho honga. ko'koeno 'e cou uk'acite peelʉi 'o'emamzi.

looma 11:12

'o peis'epo to couyutaya isi hafneni ta atngaso ci ʉm'ʉmnʉ 'e hpʉhpʉngʉ; 'o aviovio to piepiyahe apuya hafneni to atngaso 'o couyafana. homo maica, hoci pai'ayumoni no to'usnu to hamo 'e acʉcʉhʉ ci couyutaya, 'atesis'aeno hafneni no asuhcu atngaso ci ʉm'ʉmnʉ?

looma 11:24

na suu couyafana te peelʉi epo'usa to isi tibkoca ci ehti no 'olivu no yʉn'ʉ, mo nakvo'a ho cnguhneni tomo ʉmnʉ ci evi no 'olivu. 'e couyutaya mo mais'a 'o oho peoʉlʉlʉa ci evi; i'o ohsi tibkoca to hamo ta evisi ci ehti hocisi i'vaha cnguhneni ta anana'osi evi, 'ates'aeno sonʉhe?

looma 6:13

yaeza teav'a poa peteozu no kuisi si feangomu, noa 'otitha no kokuzo. apuyu. temula sʉ'teni to hamo si iachimu, mais'a cihi cimo i'mi no mcoi ho esvoveiya poa yunsou ci cou, ho aucunva sʉ'teni to hamo 'e iachi, noa 'otitha no moulʉlʉ.

looma 6:22

maitan'e, isicu i'mi no kuisi ho poesih'a muu, noa soskuskunu to hamo; imucu a'sʉftona sʉ'teni to hamo isi nsoumu, na temu tov'oha 'aeno 'auesiesi ci nsou.

kolinto 1 15:45

maica isi yainca to seiso: <'e ahoi cou ci 'atamu isi teyai ho poa yaa nsou ci cou>; at'inghi 'e atavei ci 'atamu mo mofi no nsou ci piepiya.

kolinto 2 5:21

uk'a ci kuisi to kilisto, at'inghi isi nomzi a'to, 'o hamo isi poa ngoeveni to kilisto 'e kuisito, poacu meelʉ i'mi to kilisto na a'to ho yaa naseolʉ ci natʉ'ca to hamo.

kolinto 2 6:16

'o seiten to hamo ho uacoua teeno meelʉ biepohʉ yac'ʉ? zou seiten to no'auesiesi ci hamo a'to. aʉlʉ mais'a 'o e'e to hamo: te'o no'upu ta 'o'oko'u, yuavovei ta 'ayumonahe. tehe hamo ta 'o'oko'u; te'o ta'okoa na hin'i.

ngalatea 2:19

hote ieni to hoolicu ho engha, mi'ocu mcoi, isi opcoza to hoolicu, akoeva no poa meelʉ nomio to hamo ho yaansou. na a'o isicu a'upa to kilisto ho spica to zuuzika.

'epeso 2:5

'e piepiyato ne mosola nomio no yutasufku ho mcoi to kuisi, isi poa i'upu to kilisto ho smoevovei a'to; zou mengumisi 'omo to'usnu muu.

'epeso 5:2

nalamu h'oyunsova la aa'pucva peiseafo no himngonghi, aʉlʉ 'o kilisto ho isi ngohia a'to, nomio a'to ho ciha 'o nsousi, mooyai namusngau ci sʉ'ta ho sʉ'teni to hamo.

tesalonike 1 1:9

ihe toehunga epeaska: ne momza uso ho baito muu, 'o nia hiamu aʉt'ʉt'ʉca a'mi, mo mainenu na hiamu mongoi to uacoua ho miezuhu to hamo, fifiho tomo a'ʉmtʉ ho yaansou ci hamo,

temote 1 1:17

na koe'ia ho psoevohngʉ. no'unu'sio to 'auesiesi honte ta hpʉhpʉngʉ - i'o o'ate kuzo, o'te teolʉi, cihic'o ci hamo! 'aamen.

temote 1 3:15

hoci ma'i poha'o, 'e tengami eni tesi eʉsvʉta muu, ho lato yonta emoo to hamo ntee mainenu na teto h'oyunsova. 'e emoo eni 'aeno kiokai to no'auesiesi ci hamo, zou sʉesʉ ho totnguca ta so'emio.

tito 2:14

'o kilisto isi nomzi a'to ho ciha 'o iachi, to'usni a'to ho poa momeesih'i no afu'u kokuzo, poacu cofkoya ci 'o'okosi, tma'usnu to hamo, ho poa popeislʉlʉ.

hevulu 1:3

isi psoevoveiya 'o tiskova to hamo, yaeza a'sʉftona psoe'ongka 'o atuhcusi feango to hamo; isi yomza to meoino tonʉ ci e'esi ho e'oca 'e aʉcʉcʉhʉ. ataveisi ne ohsicu ateop'ʉca 'e kuisi ta cou, cu yusuhngu to vhona tomo soyaatonʉa ne pepe.

hevulu 10:10

isicu pee'ofeihni to iesu kilisto 'o 'tohʉngʉ to hamo, sʉ'teni 'o iachisi feango, peisnʉski hocu aepʉnga, poa cofkoya a'to ho tmaovei to nooe'oca.

hevulu 10:12

at'inghi. 'o kilisto isic'o i'nʉska sʉ'teni 'emo 'auesiesi yaa a'a'ausna ci meepoptoengaso kuisi. ataveisi micu yusuhngu to vhona to hamo.

hevulu 10:2

'o kuisi tomo m'ohkuyu to hamo ci cou hoci a'ʉmtʉ elʉ no cofkoya, 'anate i'vaho ma'unano mo yaa kuisia, acʉcʉhʉ 'e sʉ'tʉ ci hi'hioa 'atec'ueno peelʉi tosveni.

hevulu 10:22

'antetoeno boemi no mou'ʉmtʉ ci 'tohʉngʉ ho mahtʉicʉ ci singkoo, boemi to isicu poa cofkoya, uk'a heo'tʉ ci 'tohʉngʉ, ho i'o ohcu toʉlʉi to chumu ci feango, ho ohcum'u to hamo.

hevulu 11:21

i'mi no singkoo, ne tesicu yʉepʉnga to yakovu 'o nsousi isi tooyokeoi 'omo yoso ci 'o'oko to yosefu; mo bohso'fʉ ho m'ohkuyu to hamo.

hevulu 13:12

ko'koeno, 'o iesu mo maezo mcoi to yafana to hosa, akoeva no titheni to hmuyusi ho tocofkoyai 'e kuisi ta cou.

hevulu 3:12

maanat'ohaesa'u, temula bumemealʉ, ta taicomu tees'ala yaa kokuzo ci 'tohʉngʉ, o'te mimho tmaa'uzo, pef'uhu to 'auesiesi yaansou ci hamo.

hevulu 6:1

maicacu, mantetocu saf'uha na ahoisi ta fukuin to kilisto, mi'usnu no micu asuhcu yʉepʉngi ci singkoo ho emosuhcu. o'ateto amameoi yontac'o ahoisi ta singkoo ho bitotonʉ, mais'a 'oeno ma'susuae no kuici h'oyunsova, tmaa'uzo to hamo,

hevulu 7:16

homo saisi, o'amo i'mi no t'ʉcna no h'oesvʉta, mo i'mi to tonʉ no uk'a noca'cʉ'hi nsou.

hevulu 7:27

o'amo totiski to mocmo ci taisaisi, o'ate nama huhucmasa auevan'a sʉ'teni 'e iachisi kuisi, hocu sʉ'teni 'e kuisi ta yatatiskova. mosoc'o i'nʉskʉ sʉ'tʉ; isi sʉ'ta 'o iachisi, isic'o peisnʉski aepʉnga.

hevulu 9:12

nemo yupaezumo to tohesa 'o kilisto, ne isi peisnʉski aepʉngʉ yʉmeʉmʉ to socofkoyana, o'amo titho no hmuyu to moatʉ'nʉ ho ito oko no 'uachumu ho teyai sʉ'ta, ma isi titheni to iachisi hmuyu ho nomio a'to ho aepʉnga 'e 'auesiesi to'usnu.

hevulu 9:26

hoci maica, ahoi ne ohcu teyai 'e hpʉhpʉngʉ, 'atesieno siho uveica na 'atutumzo. 'o kilisto isic'o i'nʉska aepʉnga sʉ'teni 'e iachisi, ta puesonasi ta hpʉhpʉngʉ, isi teyai sʉ'ta 'e iachi, ho acocofkoya na kuisi.

hevulu 9:7

i'oc'o taisaisi 'ola yʉmeʉmʉ to mʉ'eona to cofkoyana, at'inghi lac'o i'nʉskʉ homo conotonsoha, la aacni mahafo to hmuyu homo yʉmeʉmʉ, nomio ta iachi ho itamo peisnongonongo peiskuisi ci yatatiskova ho sʉ'tʉ to hamo.

hevulu 9:9

'e tohesa ta yafana isi epo'usa ta hie maitan'e. te yainca eni 'o isi faeni to hamo ci teonghia ho i'o sʉ'ta o'atesi ahta poa a'sʉftona na 'tohʉngʉ tamo m'ohkuyu ci cou.

petelo 1 1:19

maisi ieni tomo mohtoesuyu ho sopepea ci hmuyu to kilisto, mais'a 'o o'amo ake'i ca'i ci hmuyu to oko no moatʉ'nʉ.

petelo 1 2:22

o'amosola peismi no kuisi; uk'a ci mosola tmalʉ hoci meknuyu.

petelo 1 2:24

isi iachia hafa to kilisto na kuisito ho uhto zuuzika, poa o'tena i'vaho yaansou no 'ayumona no kuisi na a'to, c'o nomio no moulʉlʉ ho yaansou. i'mi to isi tiova ci alolongʉ, mimu meelʉ yov'o.

petelo 1 3:18

maica 'o kilisto mosola maezo peisnʉskʉ aepʉnga ho mcoineni na kuisi. isi peʉezi to moulʉlʉ 'o 'oha moulʉlʉ, akoeva no hafa muu ho uhto tuhcu to hamo. noa opcoza 'o feangosi, at'inghi isi pa'eunsova 'o piepiyasi.

petelo 1 4:2

ahoi maitan'e, na ang'osʉsi no temun'a mia ci hie ta hpʉhpʉngʉ temu poa aʉt'ʉcneni no 'tohʉngʉ to hamo, teav'ana i'vaha poa atʉkceni no ma'konvosʉ ci 'tohʉngʉ ta cou.

yohane 1 1:7

at'inghi, ho cito yaansou to taico to tiskova, mais'a 'o hamo hola yono taico to tiskova, tetocu meelʉ yupania cono taucunu, ina hmuyu to okosi ci iesu tesi toʉlʉi na afu'uto kuisi.

yohane 1 3:5

imu cohivi, na atuhcusi homo aopa'to 'o kilisto tesi aapayo'a na kuisi; 'o kilisto uk'a ci kuisi.