hevulu 7:27 - buacou seiso no faeva esvʉtʉ

²⁷ o'amo totiski to mocmo ci taisaisi, o'ate nama huhucmasa auevan'a sʉ'teni 'e iachisi kuisi, hocu sʉ'teni 'e kuisi ta yatatiskova. mosoc'o i'nʉskʉ sʉ'tʉ; isi sʉ'ta 'o iachisi, isic'o peisnʉski aepʉnga.

hevulu 7:27 ပူးပေါင်းရင်းမြစ်များ

looma 6:10

i'o mcoisi, isi tohesi 'o kuisi, peisnʉski aepʉnga; homo yaansou maitan'e, mo nomio to hamo ho yaansoua.

'epeso 2:22

noe'ocʉ to iesu kilisto, tesi yaeza p'eyac'a muu, meelʉcu ieni to seilei ho 'oyona amiocni to hamo.

'epeso 5:2

nalamu h'oyunsova la aa'pucva peiseafo no himngonghi, aʉlʉ 'o kilisto ho isi ngohia a'to, nomio a'to ho ciha 'o nsousi, mooyai namusngau ci sʉ'ta ho sʉ'teni to hamo.

tito 2:14

'o kilisto isi nomzi a'to ho ciha 'o iachi, to'usni a'to ho poa momeesih'i no afu'u kokuzo, poacu cofkoya ci 'o'okosi, tma'usnu to hamo, ho poa popeislʉlʉ.

hevulu 5:1

'emo macicihi ci taisaisi la acʉha i'mi tamo botngonʉ ho epeiya, la asvʉta no fifiho to hamo ho yaahioaneni 'e yatatiskova, nomio to kuisihe ho mi'usnu to hamo ho mofi no teonghia ho ito sʉ'ta.

hevulu 5:3

a'vinano, maica homo iachi yoz'u, o'amo anouc'o nomio to kuisi ta yatatiskova ho sʉ'tʉ, lasi yaeza sʉ'teni 'e iachisi kuisi.

hevulu 8:4

hocita yonta ceoa, asonʉ o'ateta meelʉ saisi, maica ho panto micu fiho to hoolicu to yutaya ho mofi to teonghia ci saisi.

hevulu 9:12

nemo yupaezumo to tohesa 'o kilisto, ne isi peisnʉski aepʉngʉ yʉmeʉmʉ to socofkoyana, o'amo titho no hmuyu to moatʉ'nʉ ho ito oko no 'uachumu ho teyai sʉ'ta, ma isi titheni to iachisi hmuyu ho nomio a'to ho aepʉnga 'e 'auesiesi to'usnu.

hevulu 9:14

na tesi aepʉnga to hmuyu to kilisto o'ates'aeno asuhcuhe man'i? ieni to 'auesiesi ci piepiya, isi aucunva teyai sʉ'ta 'o iachisi feango ho sʉ'teni to hamo. 'o hmuyusi tesi poa cofkoya 'e 'tohʉngʉto peuonva 'emo kuzo ci lato peipeis'ausna, poa meelʉ fifiho to 'auesiesi yaansoua ci hamo.

hevulu 9:25

'o taisaisi to couyutaya la totovaha mahafo to hmuyu to yuansou ho yʉmeʉmʉ to socofkoyana. at'inghi, 'o kilisto o'atesi nama i'vaveivia sʉ'teni 'o iachi,

hevulu 9:26

hoci maica, ahoi ne ohcu teyai 'e hpʉhpʉngʉ, 'atesieno siho uveica na 'atutumzo. 'o kilisto isic'o i'nʉska aepʉnga sʉ'teni 'e iachisi, ta puesonasi ta hpʉhpʉngʉ, isi teyai sʉ'ta 'e iachi, ho acocofkoya na kuisi.

hevulu 9:28

totiski, 'o kilisto yaeza i'nʉska sʉ'teni, peuonvacu 'e kuisi tamo botngonʉ ci cou. tena maezo i'nʉskʉ aopa'to, o'ate cmʉ'ho ho mi'usni 'e kuisi, mate cmʉ'ho ho to'usni 'emo mingsoyʉ mooteo ci cou.

hevulu 9:7

i'oc'o taisaisi 'ola yʉmeʉmʉ to mʉ'eona to cofkoyana, at'inghi lac'o i'nʉskʉ homo conotonsoha, la aacni mahafo to hmuyu homo yʉmeʉmʉ, nomio ta iachi ho itamo peisnongonongo peiskuisi ci yatatiskova ho sʉ'tʉ to hamo.