hevulu 7:25 - buacou seiso no faeva esvʉtʉ

²⁵ ko'koeno, tesi conino peelʉi to'usni 'omo emomio to iachisi ho ohcum'u to hamo ci cou; maica homo 'auesiesi yaansoua, mi'usnu to hamo ho eoho'neni.

hevulu 7:25 ပူးပေါင်းရင်းမြစ်များ

yohane 14:13

temu boemi ta ongko'u, upena hoci m'ene no cuma, 'ate'o ahtao'te faeni, te akoeva no poa ieni ta okosi ho pa'teni na psoevohngʉ to amo.

yohane 14:16

te'o m'ene to amo, tesi pafi muu note h'unasi ci le'aʉt'ʉcʉ, 'auesiesia no'upi muu.

yohane 14:6

yainca to iesu: <'aeno ceonʉ, so'emio, nsou na a'o; hoci o'te ieni a'o, uk'aci te meelʉ uhto lasi yoni to amo.

looma 5:10

na a'to zou anana'o hangʉ to hamo, at'inghi ieni to mcoi to okosi ko'ko mitocu naoveia 'o hamo. ho mitocueno naoveia 'o hamo, o'a tetos'aeno afnaso ieni to nsou to kilisto ho mayo no to'usni?

looma 5:2

ieni no tmaa'uzo, isicu poa yaansou no 'ayumona no mengumi to hamo na a'to, i'mi tan'e mito kokaekaebʉ ho yaa ta'usni no tma'upu no psoevohngʉ to hamo!

looma 8:34

homo maica, siya naten'a topco no kuisihe? o'ai'os'a kilisto iesu! 'o iesu zou 'o mohcula mcoi, a'ʉmtʉsi, nte'o yainca i'o mohcu smoevovei, ho seolʉa no yonto vhona to hamo ho mi'usnu to hamo ho 'inolineni a'to!

kolinto 1 1:21

isi titha to hamo 'o moutʉs'ʉsi, o'te poa meelʉ boemi no mau'to'tohʉngʉhe 'e yatatiskova ho poa honganeni 'e iachi; apuyu, isi ieni to imza psoyaska ci mo ci e'e ho to'usni 'omo tmaa'uzo ci cou.

'epeso 2:18

ieni to kilisto, 'upena 'e couyutaya ho i'e couyafana, teto acʉhʉ meelʉ yono 'ayumona to conci seilei ho uhto tuhcu to amopepe.

'epeso 3:12

ieni to kilisto, ho tmanoe'ocʉ. teto meelʉ tobohtʉ o'te smoyo ho uhto tuhcu to hamo.

'epeso 3:20

'o hamo tesi peelʉi yomza nola yonta taicoto ci tonʉsi ho aepʉnga 'e acʉcʉhʉ, na'nohe nosa'o no lato p'enza ho ta'to'tohʉngva.

pilipi 3:21

te boemi to tonʉ nosi poa meo'uzo 'e acʉcʉhʉ, ho poa aezuhu 'emo yoz'u ho ahtuo'te mcoi ci feangoto, poa totiski to kilisto na a'to, yaa psoevohngʉ ci feango.

temote 1 2:5

'e so'emio eni 'aisieno yainca: moc'o cihi 'o hamo, ta pae'ohsa to hamo ho ita cou mo yaa cihi cimo notaico ci cou, 'ai'o moeno tmucou ci kilisto iesu;

temote 2 1:12

i'mi tan'e, ko'ko mi'o tiou tamo maica ci 'atutumio. at'inghi, os'oc'o asngʉcva ta'sansana taa'uzva; maica os'o cohivi mi'o noe'ocʉ no siya, yaeza ta'sansana tesi noyʉci 'o isi toveineni a'o. ac'ʉhʉ no hiesi ho tena yuovei 'o nooe'oca.

hevulu 11:6

hoci uk'a singkoo 'e cou o'ate meelʉ noa ʉm'ʉmnʉa to hamo. namo afu'u uhto tuhcu to hamo ci cou ahtao'te taa'uzva ho mio yayo 'o hamo, a'vinano taa'uzva ho tasi evei 'omo biebimi ci cou.

hevulu 13:15

nteto ieni to iesu, asngʉcʉ boemi no tohmomoengʉ ho meesi, sʉ'teni to hamo, 'aeno boemi ta sumsuto ho ebobohngʉ to ongkosi.

hevulu 2:18

maica isi iachia sucaefiza 'emo 'atutumzo ci hʉsvʉta, tiou no tikuzkuzoa ci 'atutumzo; maitan'e tesicu peelʉi to'usni 'omo noa hʉsvʉta ci cou.

hevulu 2:9

ito apuya aiti 'o iesu, isi akameosa siyahe to mo cʉecʉhe to tensi, te ko'ko peelʉi ieni to mengumi to hamo ho nomio ta yatatiskova ho mcoi. maitan'e, ito aiti 'o iesu micu sucaefi to 'atutumzo to mcoi ho mayo to psoevohngʉ, so'einu ci tafange.

hevulu 5:7

ne moson'a yonta hpʉhpʉngʉ 'o iesu, mosola mi'usnu tote meelʉ to'usnu ho poa momeesih'i no mcoi ci hamo ho tmunoi 'inoli, yʉesʉ ho eyoho'ʉ. maica homo ma'ceaco, isi talʉi to hamo 'o hiasi eyoho'ʉ.

hevulu 7:16

homo saisi, o'amo i'mi no t'ʉcna no h'oesvʉta, mo i'mi to tonʉ no uk'a noca'cʉ'hi nsou.

hevulu 7:19

'o hoolicu to moose o'atesi peelʉi poa peihcʉ'ho no a'sʉftonʉ 'emo mav'ov'o ci hi'hioa. maitan'e mitocu yaa asuhcu ʉmnʉ ci ta'usni, ieni tan'e, teto meelʉ ohcum'u to hamo.

hevulu 7:24

at'inghi, mo 'auesiesi yayo 'o iesu; 'o lasi hioa to saisi o'ate ticngiha no mocmo.

hevulu 7:8

hocic'o e'usna to saisi. la tiou to amaska coni to cou. te ahtuo'te mcoi; at'inghi. hoci e'usna to maicisito. la maezo tiou to amaska coni. at'inghi mo yaansoua. aʉlʉ mais'a 'o e'e to seiso.

hevulu 9:24

'o kilisto ma'imo yʉmeʉmʉ to isi teyai ta cou ci socofkoyana; mac'o hu'ongka to a'ʉmtʉ socofkoyana. mo yʉmeʉmʉ ne pepe, yac'ʉneni to tuhcu to hamo a'to.

yuta 1:24

tesi peelʉi noʉt'ʉci to hamo na muu ho o'te poa smopcuku, poa uk'a heo'tʉ na muu, meelʉ kokaekaebʉ ho uhto tuhcu to psoevohngʉsi.