hevulu 7:19 - buacou seiso no faeva esvʉtʉ

¹⁹ 'o hoolicu to moose o'atesi peelʉi poa peihcʉ'ho no a'sʉftonʉ 'emo mav'ov'o ci hi'hioa. maitan'e mitocu yaa asuhcu ʉmnʉ ci ta'usni, ieni tan'e, teto meelʉ ohcum'u to hamo.

hevulu 7:19 ပူးပေါင်းရင်းမြစ်များ

yohane 1:17

'o hamo isi ieni to moose ho epeaska 'o hoolicu. at'inghi 'o mengumi ho i'o so'emio, isi ieni to iesu kilisto ho cmʉ'ho.

yohane 14:6

yainca to iesu: <'aeno ceonʉ, so'emio, nsou na a'o; hoci o'te ieni a'o, uk'aci te meelʉ uhto lasi yoni to amo.

looma 5:2

ieni no tmaa'uzo, isicu poa yaansou no 'ayumona no mengumi to hamo na a'to, i'mi tan'e mito kokaekaebʉ ho yaa ta'usni no tma'upu no psoevohngʉ to hamo!

looma 7:7

homo maica, tetoeno peelʉi yainca mo yaa kuisi 'o hoolicu? o'ate ahtu maica! at'inghi, ieni to hoolicu, os'ocu cohivi cuma na kuisi. hocisi o'te yainca to hoolicu <'otela ma'konvosʉ>, o'ate'o cohivi cuma na ma'konvosʉ.

looma 8:3

'o hoolicu to moose maica mo i'mi no yu'ausna no yoz'u ta cou ho o'te peihcʉ'hi, isicu invonva aepʉnga to hamo. isi popeoskuna 'o iachisi oko, poa yaa totiski a'to ci yu'ausna no kuisi, akoeva no yʉsvʉta 'e yu'ausna no kuisi ta cou, hocu toveuca 'e kuisi.

ngalatea 2:16

at'inghi, ito cohivi, 'emo cihi ci cou hoci meelʉ yupa toseolʉ na natʉ'ca to hamo maisi ieni no tmaa'uzo to iesu kilisto, o'amo biftongʉ no mee'ofeihni to hoolicu to moose. mito maezo tmaa'uzo to iesu kilisto, akoyu no i'mi no tmaa'uzo to kilisto ho meelʉ yaa toseolʉ ci natʉ'ca to hamo, o'amo biftongʉ no mee'ofeihni to hoolicu. maica uk'a cite meelʉ biftongʉ no mee'ofeihni to hoolicu ho meelʉ yupa toseolʉ na natʉ'ca to hamo.

ngalatea 3:21

ho isi yaica ci engha, mionana yupa mʉcʉvho 'e hoolicu ho i'o isi teomneni to hamo? o'amo ahtu maica! hocisi peelʉi fii no nsou ta isi epeaska ci hoolicu 'e cou, 'e cou ntec'u meelʉ noe'ocʉ to hoolicu ho yaa toseolʉ ci natʉ'ca 'o hamo.

ngalatea 3:24

maicac'o, 'e hoolicu zoucu le'aʉt'ʉcʉ a'to, engocha a'to ho e'usna to kilisto, na isi mituhci tesi poa i'mi no na a'to ho poa yaa toseolʉ ci natʉ'ca 'o hamo.

'epeso 3:12

ieni to kilisto, ho tmanoe'ocʉ. teto meelʉ tobohtʉ o'te smoyo ho uhto tuhcu to hamo.

kolosai 1:27

'e isi ta'kokoeva to hamo tesi poa cohivneni ta 'o'okosi, 'emo at'otngaso ho psoevohngʉ ci moumsʉ'eonʉ 'ateeno epa'teni ta yatatiskova. 'e moumsʉ'eonʉ eni 'aeno: mo yonta nsoumu 'o kilisto. tee yainca, mimu tma'upu no psoevohngʉ to hamo.

temote 1 1:1

zou poolo a'o; te'o epici to leto'usnu ci nooe'oca hamo ho itola mashʉyʉ to lato ta'usni ci kilisto iesu, hocu sitoo to kilisto iesu.

hevulu 10:1

'e hoolicu o'amocus'a h'aucucunu ho mi'ausna ta a'ʉmtʉsi, mac'on'a ongko ta tenala esmi cimo yonghu ho ʉmnʉ ci hi'hioa. 'omo totiski ci sʉ'ta la totovaha o'te tosveni sʉ'teni, 'e hoolicu nte mainenu hocisi ieni tamo maica ci sʉ'ta ho poa sʉc'ʉhʉ no a'sʉftonʉ 'emo uhto tuhcu to hamo ci cou?

hevulu 11:40

maica 'o hamo tesin'a teyaineni note asuhcu yonghu ci ceonʉ a'to. na 'tohʉngʉsi zou: tehin'i asansano to'upu a'to niante meelʉ sʉc'ʉhʉ no a'sʉftonʉ.

hevulu 11:6

hoci uk'a singkoo 'e cou o'ate meelʉ noa ʉm'ʉmnʉa to hamo. namo afu'u uhto tuhcu to hamo ci cou ahtao'te taa'uzva ho mio yayo 'o hamo, a'vinano taa'uzva ho tasi evei 'omo biebimi ci cou.

hevulu 3:6

at'inghi, 'o kilisto mo boemi ta ongko nosi oko ho meot'ʉcʉ ho aʉt'ʉca 'e emoo to hamo. hocito tʉyʉca 'e ito taa'uzva ci mingeovi ho 'ʉteʉ, 'acueno 'oahngʉ to cono emoo to hamo.

hevulu 4:16

ko'koeno, nteto smeesosonʉ ho uhto tuhcu to yaa mengumi ci suoca'ha to hamo, ko'ko tiou no angongohia ho ino mengumi, teyaineni note meelʉ osni to'usnu a'to.

hevulu 6:18

'emo yuso ci a'a'ausna o'ate ahta aezuha, maica o'ate meknuyu 'o hamo. ko'koeno, i'mi tan'e. 'e mito biebimi no noa aʉt'ʉca to hamo ci cou a'ʉmtʉ tiou no meoino poucufnu, la tʉyʉca 'emo yonta ito mi'usni ci lato ta'usni.

hevulu 7:11

'o ohola faeni to cou'isolaelu ci hoolicu 'aohoeno i'tohungveni to 'ofiha to saisi to levi. hoci micueno a'sʉftonʉ 'o 'ofiha no saisi to levi, o'anante 'ahʉyʉ yaa h'unasi ci maicisito - o'a 'along - ci h'ofiha no saisi.

hevulu 7:20

mocmosi tan'e, panton'a esvʉta to hamo, hola p'eyac'a 'o mocmo ci saisi uk'a 'emo maica ci esvʉtʉ.

hevulu 7:25

ko'koeno, tesi conino peelʉi to'usni 'omo emomio to iachisi ho ohcum'u to hamo ci cou; maica homo 'auesiesi yaansoua, mi'usnu to hamo ho eoho'neni.

hevulu 8:6

at'inghi maitan'e, 'o isi tiova to kilisto ci hioa no saisi mo tosa'o ʉmnʉhe ta ihe hioa, aʉlʉ mais'a mo notaico ta cou ho hamo cimo asuhcuhe ʉmnʉ ci esvʉta, maica 'e esvʉta eni mo i'tohungu tomo asuhcu ʉmnʉ ci isi teomneni ho p'eyac'a.

hevulu 9:9

'e tohesa ta yafana isi epo'usa ta hie maitan'e. te yainca eni 'o isi faeni to hamo ci teonghia ho i'o sʉ'ta o'atesi ahta poa a'sʉftona na 'tohʉngʉ tamo m'ohkuyu ci cou.

yakovu 4:8

hocimu bicmu'u to hamo, 'atesi ahtao'te bicmu'i to hamo na muu. 'ola yaa kuisi ci cou, la poa cofkoya na emucumu! 'ola me'ʉ'ʉmnʉ ci cou, la poa cofkoya na 'tohʉngʉmu!